Assalmulaikum WW Mak Ngah nan dibaliak bumi.
Jadi takana kalakuan nan indak-indak sawaktu disurau dulu, dulu awak kalau alah umua anam tahun, tapaso lalok disurau, kalau indak digalakan dek kawan-kawan: "masih manyusu" pantasan gigino umpang, atau gigino batingkek dll. Sudah tu pangalaman disurau iyo bamacam ragam, apo lai jikok ingin ka pai kajamban ditangah malam, nan biasono jauah dari rumah iyo bana ibo ati. Mak ban bacarito, batampuang sajo jo sayak dan diampokan dari jendela. Ado nan paino kalumbuang padi bagai. Mak Ngah, ambo iyo rindu lalok disurau tu. Sampai kini, ambo mamakai lapiak saroman nan dipakai untuak lalok disurau dulu, sabagai lapiak sumbayang. Lapiak pandan duo lapih. Ambo pasan langsuang dari Padang. Ado satangah lusin dirumah. Dulu sadang ciek lapiak tu untuak lalok. Taraso iyo ketek bana awak mamuloi lalok disurau dulu. Lapiak pandan itu masih saroman 45 tahun nan dulu juo kini. Walau zaman alah batuka, masih dipatahankannyo ciri khasno. Antah lai sampai bilo kabatahanno tuh. Balaik ka baraja bahaso Arab: Kalau diambo mangaji disurau, iyo indak baraja bahaso Arab doh, tapi baraja mambaco tulisan Arab. Bisa mambaco, bisa malagukannyo, tapi indak tau a arati nan dibaco. Sampai kini, terjemahan masih jadi andalan. Carono iyo saroman nan mmak Ngah kamukokan dibawah. Kini alah barubah caro barajano mak Ngah jo sistim " iqra' ", baraja a i u, ba, bi, bu dst. Wass. WW Darul ----- Original Message ----- From: "Sjamsir Sjarif" <[EMAIL PROTECTED]> > Bana, kami di Surau saisuak baraja Bahaso Arab ko iyo bana serius, > mangaji dari "Alif", baretong dari "Satu". > Dangakan lah kaji Mak Ngah di Surau: > > Aliih tido nitiak, > Ba di bawah satu nitiak, > Taa tigo nitiak. > > "Alih" di ateh "a", di bawah "i", di dapan "u". A, I, U. > "Ba" di ateh "ba", di bawah "bi", di dapan "bu". BA, BI, BU. > "Ta" di ateh "ta", di bawah "ti", di dapan "tu". TA, TI, TU. > > "Alih" duo di ateh "an", duo di bawah "in", duo di dapan "un". AN, IN, UN. > "Ba" duo di ateh "ban", duo di bawah "bin", duo di dapan "bun". BAN, BIN, BUN. > "Ta" duo di ateh "tan", duo di bawah "tin", duo di dapan "tun". TAN, TIN, TUN. > > Aa baitulah caronyo sambia malagukan basamo-samo. Kadang-kadang mato mato > Mak Ngah bapiciangkan tando lah kusyuak bana mangaji, tapi ... sabananyo > lah mangantuak, bibia sajo mangurayok-ngurayok maimakkan kawan-kawan nan > sadang aysiak kusyuak tu... > > Kalau lah salasai mangaji, kami lalok di Surau basamo-samo. Kadang-kadang > lah takalok saketek, ado nan takantuik bagai (mungkin Mak Ngah lo nan muloi > :). Nan lain tasintak, akhianyo tajadi Parang Kantuik ... > > Kok akhianyo ribuik, Ustaz datang mambawo togoknyo, indak ado nan mangaku > sia nan muloi. Kasado alahe diam, purak-purak mati, bakaruah, indak > manggarik. Lalok lamak, sampai pagi sumbayang subuah bakaum-kaum. Itu > sakadar sabagian ketek kanangan indah mangaji baraja Bahaso Arab di Surau > maso saisuak. > > Salam, > -- Mak Ngah > >37371 ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
