Assalamu'alaikum wr.wb., Katiko urang bakalibuik mambahas kasiaik patai ambo 'tapaso' tasanyum-sanyum sajo. Ambo iyo agak kurang arek bakanti jo patai apo lai jariang tu. Namun patai, kalau diirih tipih-tipih jo kulik-kulikno sudahtu digoreang jo maco bulek bak carito angku Datuak Marah Bangso, lai juolah amuah ambo sato. Tapi kalau nan boneh-boneh dimasuak-an urang ka gulai, ka toco atau lain-lain no, kalaupun sato naiak kapiriang ambo, capek sajo ambo katapian baliak. Bukan ka gengsi-gengsian, tapi ado raso dalam muluik sasudah makan patai atau jariang boneh tu nan sarupo manyasak dalam rongga muncuang. Iko nan indak katuju diambo.
Katiko nyiak Sunguik basarato nan lain-lain mancaritoan kasiaik patai bahkan jo resep kopi talua ba patai (indak bapatai-patai doh) agak jauah pulo pikiran ambo nak mancubo. Hanyo sajo sampai kini alun takarajoan lai. Tantang pangalaman angku Haji Zul Amry nampakno dek tapangaruah sacaro balabiahan dari carito nan balega. Walaupun patai alah tasabuik dalam diskusitu sabagai banyak kasiaikno, namun babaliak ka pantun lamo di nagari awak; Ampek Angkek parang jo Lintau Parang jo anak rajo Cino Ubek lakek pantang talampau Babaliak panyakik lamo Jadi takanaino angku Haji, dek karano porsi patain gak balabiah bamakan, indak jadino jadi ubek. Malah jadi panyakik no nan jadi. Wassalamu'alaikum wr.wb., Lembang Alam ----- Original Message ----- From: zul amri <[EMAIL PROTECTED]> To: <[email protected]> Sent: Thursday, March 10, 2005 10:44 AM Subject: [EMAIL PROTECTED] Dipantak Patai > Assalamualaikum wr.wb : > > Mungkin terobsesi oleh postingan tantang jariang jo > patai babarapo hari nan lapeh dipalanta , mako > komsumsi jariang jo patai di ambo iyo agak > bakalabihan dengan segalo macam variasi masakan , > antah itu digoreang campua jo ikan teri atau dipangek > campua jo udang , atau diuok sarato dimakan mantah > sajo . Namun akibatnyo sangat fatal , ginjal ambo nan > suok dipantaknyo . Caritonyo baiko , ditangah malam > buto labiah kurang jam 2 malam pado tanggal 3 Maret > 2005 paruik ambo sabalah suok sakik luar biaso , > malilik , kejang dan sakik nan indak tabadoan . Indak > doh tapaso balarikan karumah sakik (UGD ) di Denpasar > . ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
