Ado lanjuitannyo tu nyiak...
dek lah banyak nagari di utara.... pai babelok lah pulo Mak Amaik tu ka selatan....., ehhh dek manggaleh kakilimo.....tantu di ago dek rang disinan....eh si Padang diago-nyo.... ruponyo santiang-santiang urang siko maago..... diagiah pulo namo SANTIAGO - SANTIANG MAAGO...hehehehe.....
Wassalam Z Chaniago - Palai Rinuak - http://www.maninjau.com ====================================================================== Alam Takambang Jadi Guru ======================================================================
From: Sjamsir Sjarif <[EMAIL PROTECTED]>
Oiy Angku Jun Aidi, tabasuik lo galak ambo mandanga Garah Singo ko.
Iyo tu, wakatu ambo tahun 1980an mangunjuangi adiak-adiak, suami istri dari Sungai Pua di Golden, Colorado, ambo dipagarahkannyo. Nan pagarah nan padusi, tapacak paluah ambo wakatu tibo-tibo inyo batanyo: "Uda, Kolor ado?" Mancaliak sengeng ambo ka lakinyo, tagalaknyo baduo takekeh-kekeh.
Di sinanlah baru ambo tahu nan bahaso Nagari Colorado tu dinamoi dek Mak Amaik (Urang Awak) tu nan acok batanyo ka Urang Pribumi tu, "KOLOR ADO?" (Caro Awaknyo: Lai Pakai Sarawa Kotok?). Iyo lo tu inyo urang Chaniago, jadi katu inyo pai ka Rantau di Midwest, dinamoinyo kota rantaunyo tu Chigago. Tapi dek Chicago tu dingin amek waktu musim dingin, dan anginnyo kancang, mangko pindahlahnyo manuju ka pantai barat, tinggalahnyo di Rantau Mak Ngah nan kini ko di Tapi Riak nan Badabua. Di Rantau ko dulu ado Inyiak Mak Ngah nan tingga, namo baliau Inyiak Kuruih. Jadi kampuang Mak Ngah ko dinamoinyo dek Mak Amaik ko SANTA KURUIH... :)
Sabananyo Amaik ko namo ketek baliau. Di Kampuang baliau lah gadang bagala juo ruponyo. Gala Mak Amaik ko Sutan Kalipah. Dek Lah lamo tingga di Santa Kuruih, kabanyo dek sumangek wirausahanyo ko iyo bana kareh, mangko batambah lawehlah juo jajahan baliau, mangko saluruah negara bagian ko dinamoinyo, NAGARI TAN KALIPAH, kudian diparancak urang bunyinyo manjadi KALIPORNIA.... :)
Salam, -- Mak Ngah
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
