Tarimo kasih untuak mahubuangi hambo di Jalua Paribadi. Karano tanyo jo appraochnyo samo-samo untuak umum, hampia samo, saiyo batuka sabuik, saririang batuka jalan, ambo langkokkan sajo nan ka jawabnyo ka Lapau ko. Bialah nak samo-samo kito parajai basamo di antaro kito nan ciinan mampalajari, manambah katarangan pangatahuan nan ka kito bagi basamo-samo untuak kabaikan Masyarakat kito di Kampuang.
Ado saruang gelologis Kerry Sieh dari Caltech di California lah di Indonesia sajak tangal 1 Januari 2004. Tampaknyo inyo alah ilia mudiak di Sumatra dan lauik sinan tu dan lah mambuek laporan-laporan manganai Aceh, Nias, nan mungkin sabanta lai manganai Mantawai. Di dalam laporannyo banyak nan dapek kito caliak, kito baco, dan kito parajai basamo. Kok dapek manalitinyo iyo bana rancak. Memang laporannyo dalam bahaso Inggirih.
Panganaia poster-poster dan brosur-brosur tantang Gampu, Professor Kerry Sieh pun lah mambagi-baikannyo di Nias dan Siemelu, dan alah ado pulo dalam bahaso Indonesia. jadi Angku Erwin barangkali dapek mancaliaknyo dan niaik untuk man-Cimbuak-kannyo barangkali dapek ditaruihkan. Mak Sati, Adyan, banyak gambar dan peta Sumatera, baiak Ratak Sumatera ataupun Parik Sunda nan kito pakatokan patang.
Jadi untuak pamanuahi kaingintahuan kito silakan macaliak-caliak situs di bawah ko.
Caltech geologist Kerry Sieh http://today.caltech.edu/today/story-display.tcl?story_id=5903
Sumatran Plate Boundary Project http://www.tectonics.caltech.edu/sumatra/main/public.html
Jadi ka Kito nan Basamo, lah masonyo kini awak mampadalam mampapasiah Bahaso Inggirih awak karano memang di dunia komunikasi ko kalau kurang jaleh Caro Inggirih awak agak payah kito.
Sabagai tambahan pantiang manganai Bahaso Inggirih. Karano maso batuka tahun baraliah baitu capeknyo kiniko di Kampuang Awak, kapatabang ka manduru-duru masuak ka Padang, sumber-sumber pangatahuan, barito sarato komunikasi manduru-duru masuaknyo dalam Bahaso Inggirih, mangko angkatan kini dan salanjuiknyo lah patuik mamparajai, mampapasiah, mandalami Bahaso Inggirih sacaro lakeh dan intensif. Ingin ambo mancaliak dibukaknyo kurus-kursus Bahaso Inggirih capek di Padang, Padangpanjang, Bukittinggi, Payokumbuah atau dimaa sajo di kampuang-kampuang saroman di Pandai Sikek dll nan sanggup nan namuah bausaho kaarah itu. Iyo bana rancak dipaguluikkan. Iko marupokan proyek pendidikan nan marupokan investment komunikasi untuak maso datang. Sabananyo, maso datang tu lah tibo kini dihadokan awak nan basamo. Sarancaknyo jan mailak lai...
Ingin ambo mancaliak anak-anak mudo kito ilia mudiak di Padang atau Bukittinggi tu indak malu-malu mampagunokan Bahaso Inggirih dari pado balagak mampagunokan campua aduak bahaso nan lah kito kenal pulo di Lapau ko sabagai Bahaso Indokabau. Kok dietong labo uginyo mungkin ado labonyo pakai Caro Inggirih dari pado Caro Indokabau.
Sakitulah dahulu. Salam, -- Mak Ngah
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
Internal Virus Database is out-of-date. Checked by AVG Anti-Virus. Version: 7.0.300 / Virus Database: 266.7.2 - Release Date: 3/11/2005
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
