Yth. Kkd. Yulmizar sarato kasado Urang Awak;
Tarimo kasih banyak atas tanggapannyo Da Yul... Iyo baitulah kiro-kiro kaadaannyo nagari kito.
Kadang-kadang, malu awak jo bangso lain. Anak nagari kito balumbo-lumbo mancubo masuak ka nagari urang, baiak sacaro sah maupun sacaro indak sah (illegal).
Manangih batin ambo tabayang dunsanak-dunsanak kito ka dicambuk dek dunsanak sarumpun. Tapi, sarupo "Pituah Urang Oto" nan ambo sampaikan bbr wakatu lalu, "Kabaa Juo"...
Sabab, dunsanak-dunsanak kito tu pai maninggakan kampuang "Demi Sesuap Nasi..."
Sarato satu janji ka bakeh nan tinggakan, bahaso, "Aku Kan Kembali." Tapaso lah nan tingga "Diseso Bayang" sajo. Ditunggu pitih ndak kunjuang tibo, nan ado hanyo nasihaik dari urang kampuang, "Sabalah Mananti".
Sadangkan anak-anak kamanakan alah manunggu-nunggu pulo "Kaba Papa" nan indak kunjuang mangirim balanjo.
Akhianyo bapulang ka "Kabaa Juo Lai..."
Kito caliak nagari lain, lai ado anak nagarinyo nan mancubo masuak ka Indonesia ko sarupo urang lapa nan indak tau malu tu? Nampaknyo ndak ado do.
Jankan urang Jerman atau Amerikan nan ka namuah mancari karajo kamari, urang dunsanak sarumpun kito pun sarupo Malaysia atau Brunei hanyo mancibia sajo maliek nasib kito...
Baa kok "Coiko Bana"...?
"Bukan Salah Bunda Mengandung" tapi antahlah, antah Ayah nan sasek buek antah baa.
Baitulah kiro-kiro Da Yul.
"Antah Ka Pabilo" ko nasib coiko. Alah abih "Aie Mato Mandeh" dek manangih namun nan keadaan coiko juo. Malah gampo ko nan tibo.
"Salah Siapa" ko?.
Nan jaleh ukan salah "Si Mona", apolai salah si "Renegade" tu.
Antahlah Da Yul...
Baa kecek urang sabalah rumah ambo, "Antah lah yuang.., kok pulang ayah waang, adiak waang juo nan kabatambah nyo. Nan rasaki indak juo..."
Wassalam, Wady Afriadi (31 th.) Parung, Bogor 16330 Hp. 0811-920-925
PS: Kalau dunsanak indak mangarati jo apo nan ambo sabuik dalam tando kutip tu, mangkonyo naiak oto jan mamanuang sajo... Baco apo nan tasurek di kaco oto tu... Sarupo dalam carito ambo "Pituah Urang Oto" nan alah ambo kisahkan bbrp wakatu lalu :)
Jikok banyak nan alah lupo bisa pulo ambo kirimkan baliak sasudah ko.
-----------------------------------------------------------------
At 06:35 AM 4/7/2005, you wrote:
Yth, Wady dan Urang Awak sadonyo,
Ado tambahnyo Af.
Disampiang aka nan kurang. Indak pulo bisa mambedakan nan ma hak pribadi dan nan ma hak urang lain. Kadang alah tau malah ba-campua aduak kan.
Makin banyak urang nan sarupo itu, makin susah nagari kito ko maju.
Wassalam Yulmizar(35) Balimbiang, Padang.
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
