Assalamualaikum wr.wr :
Banyak garah atau joke yang manjadikan urang Minang atau Batak nan dijadikan
objek sabagai conto barikuik :
Samaso dikampuang ado sorang urang awak bakonco arek , namo konconyo tu adolah
Sutan Karolus . Si Sutan ko labiah dahulu pai marantau dan tingga di Jakarta .
Kabatulan kawan si Sutan ko pai pulo ka Jakarta , dan pado suatu hari lewatlah
baliau dimuko RS St Carolus . Mako takajuiklah siurang awak tadi sambia
mangucap . "Onde iyo lah kayo si Sutan Karolus kini yo , lieklah rumahnyo
gadang bana dan anak anaknyo lah jadi haji kasodonyo" . Baa kaindak karano
maliek RS nan batingkek dan banyak bana parawat nan pakai karuduang putiah nan
mondar mandir di rumah sakik tu .
Nah iko carito tantang sorang urang Batak nan kabatulan pulo tibo di Jakarta .
Urang ko naiak bis kota dari Senen manuju Senayan lewat Salemba . Sampai di
Raden saleh sorang pasisie turun sambia batariak " Raden Saleh Turun " mako
turun urang nantun disekitar Jl .Raden Saleh . Indak lamo sudah tu sampai pulo
di Jl Diponegoro maariak pulo sorang panumpang " "Diponegro turun " mako turun
pulo urang tu di jalan Diponegoro . Mako tapikie dek si urang Batak tadi bahaso
kalau katurun mesti basabuikkan namo . Satalah malewati Teuku Umar dan Sudirman
dan malewati Semanggi dan sampailah di Senayan mako maaraiak pulo lah si Batak
tadi "Simorangkir turun " yang kabatulan banamo Simorangkir . Jangankan bis
kabaranti malah batambah kancang larinyo .
Sagitu sae lah dulu sakedar paramian palanta dihari perai ko .
Wassalam : zul amry piliang
---------------------------------
Do you Yahoo!?
Yahoo! Mail - Helps protect you from nasty viruses.
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
