Samantaro para pakar mambaliak-baliak kitab kuniang sabalun manurunkan fatwanyo. Ambo pinteh seketek sajo.
Dulu dinagari awak sabalun inyiak H Miskin pulang dari Makkah agak bacampua masaalah ugamo ko jo adat istiadat. Itulah nan diluruihkan baliau sampai maso Pidari ( itu kaji nan awak baco) Umumnyo dinagari kito,puluhan tahun terakhir ado tigo kelompok sasuai jo aspirasi politiknyo yaitu; 1, Kelompok konservatif nan banyak di Jawa kaum Nahdiyin anak buah Gus Dur 2. Kelompok tarikat yang bayak bergabung dalam Perti/tarbiyah. Di Nagari awak dulu ado Inyiak Canduang, Inyiak Parabek, Taram di Payokumbuah dan Jaho di Padang panjang. Salain dinagari awak, urang banyak basuluak di Rokan sehinggo julukan nagarinyo Negeri Seribu Suluk. Walau di Bengkalis banyak juo nan suluak. Jemaah Riau ini umumnya dikomandoi dari Basilam Langkat Sumatra Utara. 3. Yang agak moderat kelompok Muhammadiyah disamping itu ado pulo anak buah Cokroaminoto yang moderat pulo. Dulu yang sering menjadi punca persoalan antaro kelompok konservatif dan moderat, istilah wakatu itu kaum tuo jo kaum mudo diantaranya adalah shalat dengan/tanpa qunut, ado juo Tarawih yang 8 rakaat dan 21 rakaat. Sahinggo laki bini, adiak jo kakak, anak jo apak bisa basitengkang dek iko Tapi kini rasonyo perbedaan itu indak paralu ditaruihkan karano kaduonyo batua indak ado nan salah. Masing2 punya dasar hukum, jadi tagantuang kito ka mamakai. Cuma yang agal nyeleneh iyo banyak juo sajak dulu Di Makasar nan naiak aji ka puncak Gunuang. Sayang nyo tibo di puncak banyak nan pugaik Di Lombok, Islam waktu telu nan sato barayo dan sakerek puaso, sumbayang eling sajo Nan baru2ko samacam shalat duo bahasa, ok samo pembantu dll yang mambuek awak tasengeng mancaliak. Tapi kini nan cukuik bakambang pulo adolah nan banamo : 1. Kelompok Ahlussunnah wal Jamaah. Rancak pengamalan agamonyo tapi ado nan belum lazim dalam hubungan antar sesama muslim selama ini misalnya dalam penyelenggaraan jenazah dan lain-lain. 2. Kelompok Tablig, tampaknyo asanyo dari Pakistan juo rancak juo caro baagamonyo. Cuma kelompok ko kadang kurang memperhatikan kebutuhan ekonomi keluarga karano sibuk bertablig/berkunjung ke Masjid2 bahkan ado kawan ambo yang pai ba-bulan2 sampai ke Madagaskar. Katiko ambo tanyo kanapo indak menyampaikan syiar Islam ka nan alun tapanggia macam di tanah Karo, Papua dll inyo diam sajo. Banyak urang ko sehari-hari babaju macam tukang martabak India dan nan padusi mukonyo pakai cadar. Manuruik kawan nan anggota iko, kini ado sekitar 79 sekte Islam di Dunia. Hanyo ado satu nan batua. 3. Dari kelompok intelektual, nan alun ado dikito dulu adolah kalau baralek, pria-wanita dipisah oleh tabir. Katigo kelompok ko caro ba ibadatnyo indak beda jo awak, Cuma soal bermasyarakatnyo nan ado gak balain Sadangkan ajaran Ahmadiyah yang dinagari kito dianggap tamasuak Islam juo. Manuruik warga Lahore yang ambo tamui di Makkah " Ahmadiyah not Moslem" Sakitu dulu parintang-rintang manjalang makan siang Wassalam Rang Ampek- Angkek - Ambo jawek, ambo ko Islam titik. Di Indonesia Islam tu ciek se nyo, indak ado Suni atau Syiah nyo do. (Waktu dulu itu memang ambo tak mendengar kelompok nan duo ko do. Tp sabananyo ambo ado mandanga ISlam Muhammadiaah, Ahmadiah; ado pulo Kasabandi, kastari (Shatari, tu urang nan ka Ulakan, Pariama; pengikut Syech Burhanuddin). Kinipun ambo masih alun tahu baa bana sabananyo Islam di Indonesia tu. Utk itu utk semua2 yg punyo pandapek ttg iko, mohon di bagi pandapek nyo. Sekian dulu, sampai abatamu jo email berikut nyo, Salam, maaf dan tarimo kasih, Nurbaini McKosky _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
