Lai takao maninggaa nyo Ben??
Iko adolah akibat free trade, sia nan bagak itu nan manang. Makonyo
kelompok green dan sosialis tu militannyo demonstrasi manulak free trade
ditampek tampek konperensitu, kalau indak salah kapatangko ado urang
Indo sato surang. Sadangkan kakampuang Eri se di pakannyo ( lai tantu
dek Ben pakan ), urang manjua Apel Amrik atau nagari lain, bayangkan
mungkin alah sataun umuanyo. Apo nan dimakan urangtu, dima gizinyo lai.
Kan ancak makan paraweh, kapunduang. Alun lo bahan pangawet nan dipakai
supayo indak capek busuak. Banyak nan mamprihatinkan Ben, Sumber
protein nan murah tempe, tapi kadele no dari Amrik. Kadang kadang
tapikia jan jan iko kedele GM. Tempetu indak salamak nan dibuek dari
kedele lokal. Pado hal tanah awak manganggur sajo. Tapi nan paliang
cameh awak kok kedele GM, hasia percobaannyo, dijua murah kanagari
katigo, dari dicampakannyo. Sabab kan ado heboh di Indo ko Mantari
pertanian dituduah kanai sogok dari perusahaan Amrik namonyo kalau ndak
salah Musanto supayo manirimo bibit kapeh GM untuak ditanam di Sulawesi.
Alun bacarito awak jo makanan ketek, iko labiah sadiah Ben. Sajak ketek
anak anak lah makan junk food. Zat pewarna dari pewarna kain, penyedap
makanan banamo Japang tapi urang Japang sajo indak mamakai, dituangkan
kasaluruih macam makanan bantuak manamambahkan gulo. banyak nan
manganduang Msg. Nan alah diteliti : Taro snack , smax, golden
horn,happytos, chiki, chitto,cheetos,anak mas , dan produsen tidak
mencantumkannya dikemasan. Terasi pakai pewarna kain, tahu pakai
formalin. Ondeh banyak sakali. Antahlah, iyo abieh padai dek jawai.
Macam apo generasi nan kadatang.
Lai tau Ben yo, wortel nan diimport dari Ausie tu mungkin diagiah apo
pengawetannyo supayo indak capek busuak dek importir barangkali. Suatu
saat ambo bali, lupo dilemari es , tapi worteltu indak busuak saroman
busuaknyo wortel doh , tapi babusa, tantu Ben labiah paham kan. Sudahtu
indak parnah babali lai. Alun lai urang manyemprot lado, saisuak lado
kan indak disemprot doh. Bayangkan residu no tu kan indak laruik
diaiadoh, tantu Ben labiah tau, labiah lo lado awak lado karitiang.
Urang manyemprot suko hati sajo. . Wortel gunuang Marapitu samo
varitasnyo jo nan dimporttu, tapi nan punyo awaktu, bisa tahan 10 hari
dilemari es, cuma tumbuahse akarnyo, sabab nyo segar kan. Indak ado
wortel jenistu dijua urang di Jkt ko, dan nan di Jkt ko capek juo
busuak, varitasnyo indak rancak. Kalau nan diawaktu indak diagiah pupuak
buatan, pupuak organik sajo. Kini urang Jkt alah kacanduan juice
wortel. Mano urang dipalanta nan tatariak manggarap komoditi sayua ko.
Manganai sikola iyo indak barani ambo manyabuik kondisinyo doh, kalau
staf nan tau ambo tantu lah jaleh tumah , samo maklum sajo.
Mamang banyak nan salah kaprah, dotor is the end, padoal the start, jadi
baa lai jadinyo.
Ondeh alah batele tele kumari pai. Sabanonyo banyak nan kadicaritoan
komah, tapi bialah disimpan dulu. Mudah mudah an carito awakko ado pulo
gunonyo dek anggota palanta nan lain.
sakitu dulu Ben, tantu alah lalok kinitu.
[EMAIL PROTECTED] wrote:
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
