Wa alaikumsallam wr wb.
Uni iyo lai tau bahaso kureta ka Bukiktu indak ado lai, tapi bahaso
kondisi saparahtu iyo indak tau. Aratinyo bahaso rel kureta tu alah
bantuak rumah tingga.
AA iyo barasian disiang bolong namonyo tuma, indak panah lai ka naiak
kureta ka Bukik. Padohal kuretapi sarana nan paliang disukai pendatang,
apolai lewat lembah Anai. Salah satu sarana pandukuang untuak turisme.
Bayangkan urang dari Malaysia, kalua di pasawat naiak kuretapi taruih ka
Bukiktinggi, kok ka baranti di Padang Panjang buliah pulo, sabab mambuek
jalan kureta tu kan maha. Kalau ado kureta listrik, tantu alah barulang
se dari Bukik, P.Panjang karao di Pdng. Ah , labiah elok jago, injan
barasian juo. Baitulah mungkin salah satu kemubaziran tajadi karano
katidak tahuan, katidak tahuan karano kurang ilmu.
Wassalam
Isna
Muhammad Dafiq Saib wrote:
Assalamu'alaikum wr.wb.,
Kok nan iko iyo alah sarupo mangandak-an tanduak kudo nampakno go, ni. Indak
kamungkin bana lai doh. Sabab nan rel kureta, kalau indak alah dibongka
urang, dijadikan urang ka galeh basi tuo, atau ditimbuni urang. Jaan
kadisabuik stoplat atau parantian tampek manantian kuretapi tu, alah
dijadian urang ka lapau atau kalau indak jadi gudang. Apolai jambatan
kuretapi, indak mungkin dipagunoan lai doh.
Ikolah hikmah kaawak baa kahancurantu datang katiko sagalo sasuatu salah
uruih. Katiko dinas kuretapi tu abih jadi lahan kicuah jo korupsi. Takana
sangaik juo di ambo katiko ambo balangganan naiak kuretapi pai sikola dari
Biaro ka stasiun gadang di Bukiktinggi tahun 69. Sacaro etongan bodoh
sabanano masih bisa kuretapi tu dioperasian, apolai katiko itu kuretapi ba
bahan baka batubaro nan tingga maambiak sajo lai di Sawahlunto. Urang nan ka
manumpang lai, jalan kureta ado, lai rancak. Tapi kondektur-kondektur nan
mangumpua-an kuricih labiah sanang mareka kalau awak panumpang mambayia di
ateh jo pitih kontan. Saganggam-saganggam gadang pitihtu dikapano
masiang-masiang. Disinanlah mulo kacayia kuretapitu. Lamo-lamo indak bajalan
lai kureta. Lamo-lamo, dek indak tapakai lai nampak alah ado sin urang nan
galia, nan mamanfaaik-an apo-apo nan tingga dari paragaik kureta tu. Bak
kecek Sutan Sinaro alah sabana habaih padi dek jawai.
Jadi, sadang barasian uni Isna nak iyo naiak kuretapi dari Padang ka
Bukiktinggi kini-kiniko.
Wassalamu'alaikum wr.wb.,
Lembang Alam
----- Original Message -----
From: "Isna Huriati" <[EMAIL PROTECTED]>
To: <[email protected]>
Sent: Saturday, June 18, 2005 8:40 AM
Subject: Re: [EMAIL PROTECTED] PT KAI Buka Jalur ke MIA
Kalau ambo yo nio Kuretapi ka kiktinggi. Taxi maha bana, travel lari
kesetanan, awak lah tuo, takajuik kajuik jantuang dek nyo.
Isna
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
