Tan Ameh, Rang pajak ko tau bana kulikaik sagalo wajib pajak: Apo pun alasannyo, inyo nio mambaia saminimal-minimalnyo. Kok bisa perai. Iko sumber korupsi nan subur sagalo urang pajak. Biasonyo wajib pajak ko bausao mancari rang pajak nan bisa manolongnyo mangurangi jumlah nan harus dibaianyo. "Dewa penolong" ko juo mancari wajib pajak nan saroman ko. Deal-nyo adolah: Inyo tolong mautak-atik sagalo dokumen wajib pajak, sampai jumlahnyo bisa turun sampai 25% dari perkiraan samulo, tapi wajib pajak musti mambaia dewa penolong ko sabanyak itu pulo untuak sakunyo. Wajib pajak gembira dek cuma mambaia 50% dari nan seharusnyo. Rang pajak indak maraso badoso malah maraso babuek baiak, dek lah "manolong" wajib pajak. Nan 25% untuak inyo, jo kategorikan sebagai "honor"nyo untuk jariahnyo mautak-atik dokumen, biasonyo nyo karajokan di rumah. Sagalo petugas dinas luar wajib pajak mangarajokan modus operandi klasik ko. Atasan langsuangnyo bukan sajo tau, tapi manyuruhnyo mancari wajib pajak kakap, dan acok juo inyo sandiri nan mancari dan manyuruah anak buahnyo mangarajokannyo. "Honor siliah jariah" ko mereka bagi sacaro vertikal sampai ka pimpinan puncak di KPP tu. Biasonyo tiok kapalo KPP punyo kewajiban "wajib stor" pulo sacaro berkala ka para bosnyo di Kanwil, dan nan di Kanwil, wajib stor pulo ka para bossnyo di ditjen. Nan makan surang, pasti capek tajarungkang.
Nah, Tan Ameh, baa caro mangikih korupsi sistemik nan lah mandarah mandagiang di tiok instansi nan baurusan jo pitih? Diganti urangnyo, sistemnyo jalan taruih, dan urang baru sugiro mampalajari dan masuak dalam sistem tu. Apo mungkin mangganti sagalo urang dari bumi sampai ka langik?? mak Sati (68->69) Tabiang, Padang ----- Original Message ----- From: "Tasril Moeis" <[EMAIL PROTECTED]> To: "Rahima" <[EMAIL PROTECTED]>; <[email protected]> Sent: Saturday, June 25, 2005 11:40 PM Subject: [EMAIL PROTECTED] Carito Rahima & petugas pajak > Assalamualaikum WW. > Rahima, > Alahamdulillah Rahima dilingkungi olek keluarga nan saling mendukung didalam > manjago iman dalam lingkungan karajo nan bantuak itu. > Kacuali nan ciek tu, tantang nan karajo di pajak. > Iko ado carito ciek tantang urang pajak nan sabana bana mambuek > Carito no di akhir taun pajak ko (akhir Maret) lah ba-etong kawajiban > perusahaan nan harus di baie jo nan alah babaie. Tanyato lah talabiah > sakitar 40 jt dek karano labo jauah labiah ketek dari taun sabalun no. > Saharus no sasuai jo paraturan bisa restitusi. > Tapi alah samo tau juo kalau mintak restitusi awak dipareso no. Jadi badiam > kan sajo. Eh dasar iduang mereka tu tajam, tabaun juo di baliau2 ko. > Dihubuangi inyo lah kami. Mintak supayo kami maajukan restitusi dan biko > kalau alah dapek diagiah kan ka mereka. Tantu se kami indak amuah. Mungkin > dek sakik ati, di paresonyo pambukuan. Iko salah itu salah. Terakhir kecek > mereka bisa disalasaikan tapi harus mambaia 20 jt ditambah jo restitusi > cako. total jadi no 60 jt. Dari pado tambah banyak urusan iyo bapalapeh se > akhir nyo lai. Tadi no kamanyumpah untuang se indak jadi. Mudah2 an lai > kajdi dagiang jo pitih tu dimakan no. > Tapi nan namo di ati ko iyo sabana sakik, apo lai salah surang itu urang > awak bana.. masih mudo2 mereka itu sakitar 35 an. > Ado ciek pertanyaan ambo, dek tapaso mambaia tu apo badoso juo awak ko. > Tolong lah kaji Rahima atau mak Sutan Sinaro nak sanang lo ati ko saketek. > > Wassalam > Tan Ameh (47) > > > > > _____________________________________________________ > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ > _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
