Assalamalaikum WW, Partamu ambo moho maaf karano topik nan ambo angkek mungkin agak balabiahan tantang "Fatwa palanta" ko. Manjawek mamak ambo st. Sinaro, memeng caro panyampaian ambo bantuak bagarah Tapi sabanano sangaik serius. Cubolah di mamak bayang kan ampia 20 taun ambo bakarajo jo urang Amerika tu dan kini mancari pitih mambali jo manjua barang baurusan dominan no jo mereka juo. Jo asia mambuang karingek tu lah anak2 bagadang kan. Kalau lah itu indak halal kadi panga kan iko ko lai. Dan diantaro dunsanak di palantako puluhan pulo nana banasib samo jo ambo. Malah ado pulo nan iduik di subarang dan pasti pulo lah ba interaksi taruih jo nan punyo nagari. Bisa pulo awak bayang kan kalau lah prinsip tu ka awak pacik tantu nan kadapek karajo kini nan non Islam sadono, nan Islam akan banyak jadi panganggur aaa tambah bansaik juo awak. Bak kecek mak Sati waktu keluarga ganja di Bukittinggi, dek paruik lapa aa nan ado santuang indak paduli halal jo haram no.
Satantangan saran mamak st. Sinaro supayo ambo labiah banyak baraja tantang hukum agamo, jawek no Insyaallah alah dari ketek zaman inyiak ambo masih iduk di Parabek lai lingkungan sakola Thawalib tu ambo gadang no. Tapi tantu ilimu ambo dalam bidang iko indak kabisa dibandiang kan jo ilimu mamak st. Sinaro, masiah jauah ambo di bawah. Dan alhamdulillah dari hasia karajo jo urang asiang tu pulo lai bisa juo pulang ka Parabek sakali 3 bulan bakumpua jo Pak Zulharbi Salim dan pengurus yayasan Sumatra Thawalib Parabek untuak pengembngan no. Hasia no alah bara taun ko alah mangirim baliak pelajar untuak baraja ka nagari no Ustazah Rahima. Dan insyaallah baliak no kanagari awak alah bisa pulo manambah perbendaharaan ulama awak nantik no Jadi itu lah mak, ambo ko memang indak ka badebat2 doh. nan penting bausao elok nan bausao untuak babuek untuak kamaslahatan umat Islam dan kampuang kito. Talabiah takurang sabagai nan mudo ambo mitak maaf kalau ado nan manyingguang. Wassalam Tasril Moeis st. Tan Ameh _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
