Mak Ngah, Sabana angek ari di Jakarta Minggu siang ko mak. Di ujuang sadang manga mak Ngah kini ko? Takana lo di ambo "galak nabi" ko mak. sangkek ketek di kampuang dulu acok sangaik di danga istilah ko. Cuma arati no nan pas nan nama kini ko ha. Ado nan mangecek kan galak maklum, mungkin bantuak buya Zul guru kasayangan mak Ngah tu. Alah maklum bana baliau jo kurenah murik no tu. Ado pulo nan mangecek kan galak misterius, indak bisa di takok antah ano saba bisa tagalak atau galak manahan bangih. Tapi mungkin nan paliang cocok dek ado "nabi" no iyo galak maklum sambia ba pikia mangko lah andia2 no urang nan den aja. ha ha ha.
Sato lo ambo mandoa kan buya Zul ko mak, mudah2 an iko adolah salah satu contoh ilimu nan bermanfaat untuak urang banyak nan bisa di baok baliau sebagai bekal di akhirat . Amin. Wassalam Tan Ameh ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Cc: "Hayatun Nismah Rumzy" <[EMAIL PROTECTED]> Sent: Saturday, July 02, 2005 10:46 PM Subject: [EMAIL PROTECTED] Carito hari Minggu > Ambo raso iyo baitu pulo tu Angku Tan Ameh, memang indak gampang. > Apo lai kalau ado audiens nan batanyo agak babeda saketek jo pandapek awak, > langsuang inyo dianggap atau dilabel laknat, tantu iyo ka gaca urang maagaki. > > Sakadar contoh ketek, pangalaman ambo di kelas palajaran agamo wakatu mudo. > Takana di ambo Buya Zul, baitu panggilan kami ka Uztaz nan kami muliakan, > wakatu ambo batanyo tantang "ta-kantuik, lapeh uluak awak atau indak, > sabab awalan "ta" atau "ter" aratinyo indak sangajo." Baliau dengan sabar, > muko sirah, mato agak tabulalak saketek, manjawab "Indak, indak bata doh!" > diiriangi jo Galak Nabi. Palajaran ditaruihkan dengan aman tanpa malabel > ambo anak laknat. > > Tapi, sudah manjalang palajaran ka salasai, dan kami lah ka pulang, baliau > mancaliak ka ambo sambia galak nabi lo, "Jan lupo bauluak yo?" kecek baliau. > Jawab ambo luruih lo raso damai sambia galak sengeng, "Yo Buya!" > > Ulama kami ko lah lamo Almarhum Buya Zulkarnaini di Payokumbuah, > marupokan salah saurang Guru ambo nan indak panah ambo lupokan > saumua hiduik. Salamo tigo tahun baraja jo baliau walaupun palajaran > agamo di sikola kami cuma sakali saminggu, namun banyak pati-pati > kaji baliau nan indak kami lupo, ambo bawo bajalan kuliliang dunia. > Mudah-mudahan Allah Subhanahuataala salalu mambari kadamaian > arwah baliau di Alam Baqa. > > Salam, > --MakNgah > >40556 _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
