Tarimo kasih Angku Syahril.
Ambo raso bukan dek kota tarang bandarang, tapi kalau summer ko matoari
lembek tabanam, lakeh pulo tabikno. Misano subuah pukua 4:22, matoari tabik
5:52, luhua 1:12, asa 5:04, mugarik 8:32, isa 10:01. Walaupun mugarik
resmino dalam jadwal sumbayang pk8:31, tapi rasono matoari masih
maengong-engong juo lai bakumbok-kumbok jo awak dari bawah ufuk. Kini lah
apukua sableh lewat duopuluah, manjalang tangah amalam, pado hal baru
sabanta ko salasai sumbayang isa. Jadi antaro Mugarik jo Isa tu iyo lamo.
Mungkin di Toronto, Rantau angku Boes labiah lambek lai matohari tabanam,
dan labiah lakeh pulo tasumbuanyo pagi-pagi.
Soal lalok iyo tagantuang jo mato surang-surang, ado urang nan teratur, ado
nan tatagun-tagun. Kalau ambo, saroman ambo indak lalok-lalok. Salah satu
tugeh ambo iyolah rundo talipon. ambo ditalipon urang bilo sajo, sadang
lalok lamak atau sadang rundo. Sabab, tangah amalam di sikok, siang bolong
di Indonesia. Urang-urang nan bakomunikasi nan amamaralukan tarjumahan
komunikasi talipon taruih mahubuangi MakNgah. Urang banyak bangih no kalau
ditalipon sadang lalok. Tapi di MakNgah talipon babunyi itumungkin rasaki
nan datang. jadi dikamehi sado nandapek, ditarimo jo Alhamdulillah.
Baitulah karajo urang pansiun. Jadi wakatu lalok ambo ko iyo indak taratur
doh. Jadi, sambia rundo ko, ambo karajoan karajo tarjumahan di komputer.
Atau kasampataan ambo gunokan untuak mambaco sarato mangaji-ngaji surang.
Kalau proyek langang ambo mancigok ka Lapau.
Manganai namo Uda Daniel Wattimena, memang baliau dari suku Ambon, baliau
urang Islam. Manganai tanyo Angku Tan Ameh tantang Muchlis alah ambo jawab
di jalua paribadi.
Manganai Lapau iyo samo-samo kito mamaliharo nilai tu. Mudah-mudahan
tradisi ko dapek ditaruihkan ka angkatan kamudian.
Sakaitulah dahulu.
40584
From: <[EMAIL PROTECTED]>
Date: Mon Jul 4, 2005 5:16am
Subject: RE: [EMAIL PROTECTED] Carito hari Minggu - Nappa; Lah ka Sinayan - Pak
Zulharbi
Assalamualaikum Wr. Wb.,
Mak Ngah buliah ambo manyolo, urang Amrik ko lambek laloknyo yo Mak,
mungkin dek kota yang tarang bandarang barangkali yo, he he.
Mak namo baliau tu sarupo namo ambon, ambo punyo kawan dulu Alexander
Watimena.
Lapau ko iyo sakti Mak, ambo bakatahuan jo adiak bapak istri disiko juo,
yth. Pak Zulharbi, salamaik punyo cucu untuak baliau.
Kalau diharagoi jo pitih lapau ko iyo indak bisa do yo mak, sangek
baharago bana, ambo banyak ilmu yang dapek dek ambo disiko.
Wassalam, syb.
No virus found in this outgoing message.
Checked by AVG Anti-Virus.
Version: 7.0.323 / Virus Database: 267.8.8/37 - Release Date: 7/1/2005
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
