Assalamu'alaikum wr.wb., He..he..he.. Ado-ado sin nan ka inyiak tanyoan yo nyiak.
Mangko nyiak. Bila elektronik sarato nan lain-lain tu, (nan dimasuak-an ka HP gak no go yo nyiak) indak ado lado di jaman nabi. Jadi awak buliah baijtihaj dalam hal iko sacaro patuik. Aa gunono di awak atau aa niaik awak maadokan bunyi azan taditu atau nan inyiak kecek-an bila elektronik taditu? Kalau niaik awak untuak maagiah tahu tando ka sumbayang, di pasangno di PC awak, insya Allah indak ka baa doh. Itu patuik rasono. Tapi kalau niaikno untuak baparago, bahaso aden urang Isilam, bahaso den urang siak, ko caliak bunyi HP den sin bunyi azan Madinah, mako iko indak patuik bahkan amuah jadi riya jatuahno. Nan labiah bedo bak kecek inyiak cakotu, sadang maronggoh di kakuih umum, tibo-tibo basorakno.... abang, ndeee..... kan iyo jaleh indak patuik kajitu jadino. Jadi musti pandai-pandai juo awak mancaliak kaji nan hanyo ado kiniko jo kapatuik-an no. Baa pulo hukumno mandanga kaji jo kaset? Kalau sakiro-kiro untuak mampalanca hafalan awak, awak manyimak dibalakang itu insya Allah indak ka baa juo doh. Tapi kalau ka untuak baparago, diiduik-an di kaset oto awak kareh-kareh, buliah nak tau urang sanagari bahaso awak urang siak nan sadang lalu tantu jatuah ka doso dek riya jadino. Sudah itu satantangan ayat-ayat Quran, atau surek al Quran nan talangkahi baiak nan dalam bantuak mushaf ataupun nan bantuak CD-rom, tagantuang pulo baliak jo niaik awak malangkahino cako tu. Kalau disingajo bana malatak-anno untuak kadilangkah-langkahi, itu basando-sando namono, badoso awak. Mustino awak bisa manampaik-an al Quran cakotu jo taratikno pulo sabagai panghormatan awak ka aa nan takanduang di dalamno, tapi bukan pulo untuak dicium-cium sudahtu awak maraso dapek pahalo dek mancium-cium karateh tu. Aa iko 'andia' namono, indak ado bagai dalilno du du nyiak. Malatak-an ayat-ayat al Quran ko ditampekno tamasuaklah manulihan ayat al Quran di surek undangan. Manuruik faham ambo kuranglah batua. Sabab karateh undangantu biko sasudah dibaco urang ka tong sarok pai no. Manga bana pulo ka di surek undangan tu disurek-an ayat al Quran. Kamanunjuak-an bahaso awak aa mukasuik no du? He..he..he.. Jadi iyo macam-macam sin kaji awak kiniko iyo nyiak. Ndak baa du du . paralu lo du mah. Itu sin lah dulu nyiak. Wassalamu'alaikum wr.wb., Lembang Alam ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Cc: "Biaro" <[EMAIL PROTECTED]> Sent: Wednesday, July 06, 2005 6:06 PM Subject: [EMAIL PROTECTED] Mak Bila Elektronik > Sasudah ota kami jo angku Tan Ameh manganai Mak Bila Elektronik nan kami > tanyoan ka Ulama di Lapau, takana lo dek ambo tambahannyo saketek lai, tapi > interestiang untuak dipikia dan ditanyokan ka Lapau. > > Kalau Surek Al-Quran atau buku-buku atau karateh-karateh nan barisikan > kalimat atau namo Allah ndak buliah talongkahi atau dilatak di lantai, atau > tabao ka dalam kakuih, baa hukumnyo jo kato-kato suci tu nan ado dalam > kaset, CD Rom, atau file komputer? Badoso koh awak kok talongkahi atau > tabawo alat-alat tu ka dalam kakuih atau ka jamban? > > Baa kalau awak sadang di kakuih, tibo-tibo wakatu sumbayang tibo, Mak Bila > Elektronik tu azan dalam kakuih tu? Badoso awak? Atau suaro Mak Bila > Elektornik tu nan badoso? Atau urang atau parusahaan nan mambueknyo nan basoso? _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
