Maa Angku HM Dt.MB, sarato Rang Lapau nan Basamo,
Mungkin kalau di Cara Alaskan "LIMO SINGKEK" jadi Panca Singkat barangkali
yo :)? Takana lo di ambo ado anggota kito di Lapau ko nan dari Alahan
Panjang. Jadi, ota kito di Lapau ko dapek di pasingkek dapek lo
dipapanjang. Cuma di ambo kurang taturuiki nan bajelo-jelo.
Tapi, nan ingin ambo katangahkan ciek lai iyolah satantangan salutasi
Salam "Waalaikum salam, wr, wb." ko. Alah labiah sapuluah tahun ambo param
tanyo ko di dalam hati, indak tabatiak tabarito, tatap ambo inok jo
ranuangkan. Tanyo ko ambo pandam dalam hati sajak itu.
Labiah dari sapuluah tahun nan lalu ambo manggunokannyo manjawab email di
mailing list Isnet, mailing urang alim-alim. Ambo kanai babab dek salah
saurang Tuo Losuangnyo nan kabatulan pulo Urang Awak. Inyo manjawab
"alaikum salam" ambo jo "kami di mailing list ko lai urang baiak-baiak."
(kiro-kiro baitulah, lupo ambo kalimat tapeknyo). Ruponyo baliau bapandapek
"Waalaikum salam, wr, wb." ko marupokan kato nan ofensif untuk mamuloi
salam sabagai jawaban "assalaamualaikum" dari emailnyo sabalunnyo. Mistinyo
dimuloi jo Assalamualaikum, bukan jo Alaikum salam. Bagi ambo sajak ketek
sajak tahu manjawab "Assalamualaikum" urang, iyo baitu ambo jawab jo
"aalaikum salam". Tapi ruponyo ado urang nan pandapek lain. Ambo manganggap
jawaban Tuo Lasuang tu kurang elok dan mungkin indak pulo batua manuruik
ugamo. Jadi, ambo anggap sajo itu korenah paribadinyo nan indak paralu ambo
papanjang. Ambo mainda sajo.
Sajak insiden "alaikum salam" jo Tuo Losuang tu ambo indak panah lai
mamakainyo dalam mailing list. Baa tu manuruik Angku Datuak sarato ulama
lapau nan lain nan adang adok?
Nan kaduo, nan tampaknyo manjadi pasoalan pulo pakaro salam di Lapau kini.
Kalau di Lapau, lapau di Kampuang nan sungguah-sungguah, dahulu, wakatu
ambo acok di Lapau dalam budaya kahidupan Minang nan sabananyo, pangalaman
praktis, indak ado doh urang mambaco assalamualaikum manyapo urang di
Lapau. Antahlah, kalau sajak sapaningga ambo 1966 salamo satu duo generasi
maninggakan Kampuang, karano kabanyo banyak PKI tobat nan diindoktrinasi
dipaso mamakai assalamualaikum.
Nan biaso tadanga dahulunyo di Lapau, urang mamakai ucapan:
"Maa Mak", "Maa Tuan", "Maa Angku", 'Maa Mak Datuak', 'Maa Nyiak Kali',
'Maa Tan Katik"
sabagai kato sapo-manyapo di Lapau.
Kok ka makan goreng jo katan sarato minun kopi di Lapau,
mampabasoan urang ka mangacok, diucapkan salam pabasoan umpamomyo:
"Katan Tuan", Goreng Tuan", "Minun Tuan".
Jawabnyo, "Iyo-iyo, taruihlah!" sambia maangguak nabi mairuik aia liua,
sabagai jawaban tarimo kasih ateh pabasoan urang tu.
Sudahtu nan maa nan kamota taruih juo, nan maa nana kamaisok taruih juo.
Baitu juo kalau basuo di jalan, urang manyapo:
"Kama Tuan", "ka Ilia Tuan", Ka Ujuang Tuan", "Ka Puun Tuan".
Jawabnyo: "Iyo, Kian cah", "Ka Puun cah", "Ka Iko sabonta",
sambia manunjuk taruh ka arahnyo bajalan.
"Iyo, ka Ujuang Cah, ka Puun Tuan?", "Iyo",
dst jawab salam tu baliak, jo variasi satompek
Itu sababnyo sajak "Lapau" kito Rantaunet kito badiri,
sajak Day-1, salutasi ambo di Lapau ko memang unik,
"Maa Rang Lapau nan Basamo"
dan diakhiri salutasi dengan kato generik,
rasonyo pulo ambo nan mamuloi candoko,
"Salam,".
Sakitulah dahulu "unek-unek" (antah aa lo go aratinyo) dari ambo.
Sabanta lai tabuah musajik ka babunyi pulo.
Kunci musajik tapaciak di awak pulo.
Salam,
--MakNgah
40924
From: [EMAIL PROTECTED]
Date: Thu Jul 14, 2005 3:26pm
Subject: Re: [EMAIL PROTECTED] penyingkatan dan pemilihan kata
Waalaikum salam, wr, wb.
Bacarito masalah singkek-manyingkek kan ko, kanai suku ambo dek inyo yaitu
suku "LIMO SINGKEK" tapi bukan itu nan akan ambo bahas.
...
Wassalamualaikum,wr,wb.
HM Dt.MB (48+)
Suku Limo Singkek Kubang Nagari Sulik Ayie
No virus found in this outgoing message.
Checked by AVG Anti-Virus.
Version: 7.0.323 / Virus Database: 267.8.16/50 - Release Date: 7/15/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
