Assalamu'alaikum wr.wb., Mambaco carito nyiak Sunguik sumbayang surang ko malayang lo pangana ambo saketek ka Baliakpapan, kiro-kiro 15 tahun nan lapeh. Kami bakanti-kanti barampek, sasudah pangajian bulanan, sasudah kami dikanaan baliak bahaso shalat bajamaah tu 'hampia-hampia' wajib hukumno bagi laki-laki, sapakaiklah kami untuak mangarajoan sumbayang limo wakatu di mushala kantua, dek musajik agak jauah latakno saketek. Mushala ko katiko itu alah indak tapakai lai, dipindahan ka suduik taman dilua lingkuangan kantua (bangunan nan amuah diangkek-angkek) dek mushala nan baru babuek-an bana di dalam kompleks kantua. Rajin sangaik kami barampek ko bajamaah di sinan tiok wakatu sumbayang. Tapi ado sajo kutikono salah surang atau badua bagai indak datang dek ado kaparaluan lain.
Sakali wakatu, katiko ka sumbayang isya, ambo alah abang, sumbayang sunaik, duduak pulo sabanta, indak kunjuang ado kanti nan tibo doh. Alah kiro-kiro sapuluah minik manantian, yakin ambo indak ado nan ka datang, qamatlah ambo, taruih sumbayang. Baru rakaaik nan partamu, di balakang ambo babunyi sarupo jari tangan di palapik-an (ampu jari jo jari tangah dipageseran, manimbua-an bunyi balapik agak khas), cukuik kareh. Padohal indak ado tadanga bunyi pintu mushala dibukak, indak ado tadanga bunyi tapak urang. Iyo agak tagak bulu kuduak ambo. Tapi ambo taruihan sajo sumbayang sampai salasai. Sasudah salam, mancaliak ka balakang, indak ado urang do. Tambah tagak bulu kuduak di no, tapi ambo bagak-bagak-an sin ati. Bisuak no bacaritolah ambo ka kawan di kantua. Surang kawan mangecek-an, itu jin sato ba makmum ka angku tumah, jano. Bacarito lo kawan nan lain, itu indak baa amek tu doh. Ambo dicaritoan urang ado nan sumbayang sarupo itu, katiko awakno mambaco waladhdhaaaaalliin, manyauik jo suaro garuak di balakang, aamiiiin.. Tapi syukurlah, lai indak bapangaruah ka kami kajadian tu doh. Tatap juo kami rajin bajamaah di mushalatu, sampai babarapo wakatu kudian ado musajik ketek baru dibangun Pertamina dakek kompleks kami, sainggo kian jadino kami pai bajamaah lai sasudah itu. Wassalamu'alaikum wr.wb., Lembang Alam ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Sent: Sunday, July 17, 2005 8:03 PM Subject: Re: [EMAIL PROTECTED] penyingkatan dan pemilihan kata > Kok ka masuak musajik misano, walaupun indak ado urang (insan) di dalamno, > kito baco juo assalamualaikum tun, walaupun jo bisiak lunak, mahormati > rumah ibadah sarato panghunino nan indak tampak di awak kok malekat bagai > duduak di suduik sinan. Kok ambo ka musajik, subuah-subuah kalam bagai, > alun ado baurang lai, indak lupo ambo doh mambaco assalamualaikum tun doh. > Kadang-kadang surang sin di musajik tun, kunci lai di awak, tapi ambo indak > maraso surang doh walaupun kadang-kadang maramang bulu kuduak. Walaupun > indak ado uranglain nan datang, mangkono, bila di awak, imam di awak. Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
