Assalamualaikum WW Mak Ngah, Mak Sati, Ni Ben jo dunsanak sapalantako. Kok bacarito satantangan bagaluik disurau iyo sero bana, iko indak ado kini lai. Urang ka surau kini alah dijari sajo, bantuak dan dikomandoi dek mak Boes.
Ambo ingin mangomentari caro panulisan bahaso Arab. Dek diawak iyo bunyi nan tadanga nan ditulih. Juo urang inggirih atau nan didikan Inggirih baa nan tadanga dinolo manulihno. Ambo punyo saran ciek, mungkin agak babeda, tapi rancak juo dipikiakan basamo. Sabok di bahaso Arabko iyo ampia huruf mati kasadoanno, cuma ado pambunyi jo tando bari diateh atau barih dibawah atau dapan (iko caro kami mangaji di Canduang dulu). Baa jikok nan huruf Arabno dipakai huruf kapital dan huruf pambunyi dipakai huruf ketek. Contoh, tolong buka halaman 12 buku nan didownload manuruik saran St. Sinaro (http://www.assunnah.or.id/ragam/files/index.php), manulihkan barih katujuah: Penulisan Arab: hza hshan wzlk hmr Penulisan nan lazim: haza hishaanu wazalika himaaru Saran mbo: HaZaA HiSHaANu WaZaLiKa HiMaARu dicaro panulihan amboko, tampak huruf nan indak babaco bantuak Alif dikato hazaa. Sabok dikato hazaa ko duo a patamu adolah huruf pambunyi, sadang a terakhir adolah alif. ZCiek lai contoh Penulisan Arab: alssnnh Penulisan nan lazim: assunnah Saran mbo: ALSSuNNaHu, disiko agak binguang, baa manulihkan lam nan indak bunyiko? Sarik sarik susah lo manulihkan satu karakter bahaso ka karakter lain dan lain bahaso. Iyo sarancakno awak pacik buku nan bisa di download di (http://www.assunnah.or.id/ragam/files/index.php) ko. Bia nak ciek nan dipacik basamo. Wassalalm WW Darul ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Sent: Monday, July 18, 2005 8:23 AM Subject: Re: [EMAIL PROTECTED] Bahasa Arab (gampang-gampang sulit)pentingnya bhs Arab; Kirim ulang > Aaa kok ado nan ka baraja dari Alih baliak, iko no MakNgah kirimkan file lamo: > > Bana, kami di Surau saisuak baraja Bahaso Arab ko iyo bana serius, > mangaji dari "Alif", baretong dari "Satu". > Dangakan lah kaji Mak Ngah di Surau: > > Aliih tido nitiak, > Ba di bawah satu nitiak, > Taa tigo nitiak. > > "Alih" di ateh "a", di bawah "i", di dapan "u". A, I, U. > "Ba" di ateh "ba", di bawah "bi", di dapan "bu". BA, BI, BU. > "Ta" di ateh "ta", di bawah "ti", di dapan "tu". TA, TI, TU. > > "Alih" duo di ateh "an", duo di bawah "in", duo di dapan "un". AN, IN, UN. > "Ba" duo di ateh "ban", duo di bawah "bin", duo di dapan "bun". BAN, BIN, BUN. > "Ta" duo di ateh "tan", duo di bawah "tin", duo di dapan "tun". TAN, TIN, TUN. > > Aa baitulah caronyo sambia malagukan basamo-samo. Kadang-kadang mato mato > Mak Ngah bapiciangkan tando lah kusyuak bana mangaji, tapi ... sabananyo > lah mangantuak, bibia sajo mangurayok-ngurayok maimakkan kawan-kawan nan > sadang aysiak kusyuak tu... > > Kalau lah salasai mangaji, kami lalok di Surau basamo-samo. Kadang-kadang > lah takalok saketek, ado nan takantuik bagai (mungkin Mak Ngah lo nan muloi > :). Nan lain tasintak, akhianyo tajadi Parang Kantuik ... > > Kok akhianyo ribuik, Ustaz datang mambawo togoknyo, indak ado nan mangaku > sia nan muloi. Kasado alahe diam, purak-purak mati, bakaruah, indak > manggarik. Lalok lamak, sampai pagi sumbayang subuah bakaum-kaum. Itu > sakadar sabagian ketek kanangan indah mangaji baraja Bahaso Arab di Surau > maso saisuak. > > Salam, > -- Mak Ngah Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
