Pangalaman ba sikolah dulu memang taraso bahaso kito di bangku sakolah dididik untuak jadi bakarajo jadi pagawai urang sa tamaik dari sikolah. Kok nantik2 sasudah tu bisa jadi boss urang tagantuang proses jo rasaki sajalan jo fungsi wakatu. Jadi mindset, culture, atau budaya nan tabantuak katiko itu dan sasuai jo kondisinyo pulo iyo sakolah tu alat untuak nantik bisa mudah masuak karajo...
Nah, untuak situasi dan kondisi kini ko apo masih budayo itu juo nan di-set... Atau mungkin mahasiswa lai manyadari dan ingin barubah, tapi sistem nan salamo ko bajalan nan alun di-reset sahinggo outputnyo masih indak barubah pulo. Jadi di akhir-akhir kuliah iyo paralu bana kuliah "entrepreneurship" tu dimatangkan sahinggo ilmu nan dipalajari tu iyo dapek digunokan untuak dijua atau manambah lapangan karajo.. salam - tg # ----- Original Message ----- # From: "M. Syahreza" <[EMAIL PROTECTED]> # # Assalamu'alaikum wr.wb. # # Ambo satuju jo pandapek mak Darul, manganggur tu pilihan dek # dunsanak-dunsanak di kampuang, karano maraso gengsi jo status # diri jo keluarganyo. Apolagi kalau rang gaeknyo urang barado lo, # sado fasilitas disadiokan untuak anaknyo. # Baitu pulo fenomena yang banyak ambo caliak dari dunsanak-dunsanak # yang tamaik sakola tinggi yang pai marantau tapi alun dapek karajo. # Masih juo mamiliah-miliah, padohal kalau nio mailangkan gengsi, banyak # hal yang bisa manjadi jalan untuk mambuka lapangan karajo. Tingga # niat jo tekad sarato ikhtiar dan doa untuak manjalankannyo. Cubo se # lah kito pikia, kabanyakan urang yang sukses kini ko, dulunyo adolah # urang susah yang untuak mandapek sasuok nasi se harus jungkir baliak. # Kito indak bisa salahkan pemerintah jo kualitas pendidikan se, tapi mari # samo-samo kito caliak ka dalam, sajauah ma kito bisa mamotivasi diri # sarato mailangkan gengsi untuak bisa survive dalam hiduik ko. # Bukannyo kito umat Muhammad SAW dilahiakan untuak jadi Enterpreneur # kasadonyo?? Tingga kito mamiliah jalan untuak manjapuik razaki yang # disadiokan Allah di buminyo nan laweh ko. Bukannyo 9 dari 10 pintu # razaki ado di bidang perdagangan??? Manga dunsanak-dunsanak kito # yang manganggur tu ndak bausaho pulo mancubo mancari dari yang 9 tu?? # Manga kok harus manunggu jo mamparabuikan yang 1 dari 10 yang # dalam arti kato karajojo urang yang kasadonyo dibatehi??? # # wassalam # Reza # # Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
