Angku Boes. Ruponyo soal bajudi ko lah mandarah mandagiang kateh ka bawah.
Indak sajo di Nagari Solo nan babudaya nan tamusaua jo lagu Gadis Solo Ayu
tu, bahkan sampai ka kampuang kito nan tasuruak-suruak lah jadi rasio umum
mungkin di seluruh Indonesia.
Takana di ambo pangalaman paribadi tahun 1985 wakatu ambo pulang mauruih
Surek Katarangan nan manyatokan ambo panah tingga di Payokumbuah waktu
remaja. Surek tu paralu dari Wali Nagari tampek ambo tingga dahulu tu.
Wakatu ambo pai ka kantua Wali Nagari, rasonyo lah pakai istilah Lurah lo
wakatu itu, hari sudah hujan ketek-ketek, paneh agak lindok-lindok, takana
nostalgia maso remaja labiah dari 30 tahun sabalunnyo (1952-55). Jaleh
diambo lakuak-lakuak jalan di sinan.
Wakatu ambo sampai ka Kantua Pak Wali ko, halamannnyo agak lanyah saketek,
baliau indak ado di kantua. Nan ado cuma Jurutulihnyo surang,
bamanuang-manuang indak ado kojo ("mancighobia" istilah kami di Pek Ten) ,
sarato ado anak-ketek main-main di halaman kantua tu (mungkin batugeh
"satpam" maintai-intai kok ado rasaki nan datang). Katu ambo baritokan
urusan amboka sinan, Jurutulihnyo mangecekkan, Pak Wali indak di kantua.
Inyo tanyokan ka anak-ketek tu. Mangko tajadilah dialog ko nan ambo danga:
Jurutulih: "Kamaa Pak Wali cako Jang?"
Ujang: "Inyo pai baompok!"
Jurutulih: "Pai imbau dek ang sabanta, ado urang dari jauah ka mauruih surek!"
Mangko pailah si Ujang Ketek ko lari maegek-egek mancari Pak Wali ka
Tammpek Baompok ko. Sudah tu inyo baliak dan malapor ka Jurutulih:
"Bagi-bagi se lah dek kalian, kecek Pak Wali".
Mangko Jurutulih tu mambuek surek untuak ambo. Sudah tu, "Pitih Karuak" nan
misti ambo tinggakan manruruik "Adaik Baurusan Caro Kini" tu, tapaso ambo
karuak tigo kali, untuak "dibagi-bagi" dek nan batigo tu; sapatigo untuak
Jurutulih, sapatigo untuak Pak Wali nan sadang baompok, sapatigo untuak si
Ujang Ketek, Bujang Salamat atau "Satpam" tu. Sudah tu ambo barangkek,
anakketek tu pai balari baliak ka tampek baompok maantahkan "Pitih Adaik"
kantua cako mungkin untuak tambahan anggaran Pak Wali nan Sadang Baompok tu
....
Jadi, itulah labonyo jo "Adaik Bakantua" dalam pandangan ambo: "Pitih
Karuak" masuak. Pak Wali nan pai baompok indak di kantua dapek "Pitih
Karuak", Jurutulih nan "mancighobia" dapek "Pitih Karuak", si Ujang Ketek
nan alun badoso ko lah direkrut pulo manjadi "Calon Tukang Karuak", dapek
balanjo lo sabagai "Beasiswa Karuak-karuak" jo "Pitih Karuak"... Bayangkan
se lah, si Ujang Ketek nan surang ko, nan ribuan atau mungkin jutaan taseba
di sagalo panjuru Tanah Aia mungkin akan manjadi "Tukang Karuak" nan labiah
lihai Baompok jo Mangaruak sabagai calon "pamimpin" dan "wakia-wakia" atau
"urang pantiang" di Maso Datang...
Kalau kini kito caliak barito tantang "mantan" mangko untuak maso datang
tabaaaayang pulo "calon-calon" atau "penerus". Ikolah dalam pandangan ambo
dengan istilah baru "Konvolusi Budaya Karuak". Mareka nan jadi Tukang
Karuak kini ko mungkin lah mawarisi budaya angkatan Tukang Karuak
sabalunnyo, samantaro tu paroses "parekrutan" pun sadang bajalan dangan
pangalaman diam-diam untuak manaruihkan nan maningkekkan Budaya Karuak tu
ka Angkatan Kamudian ...
Sekedar Kanangan Unek-unek dan Renungan 60 Tahun Indonesia Mardeka.
PS Untuak adidunsanak nan indak tahu istilah Pek Ten "baompok" ko, samo jo
"baampok" caro umum Minangkabau, nan aratinyo "bajaudi" tu.
Salam,
Nyit Sungut
41689
From: "boes" <[EMAIL PROTECTED]>
Date: Fri Aug 12, 2005 9:37pm
Subject: Re: [EMAIL PROTECTED] Mantan Anggota DPRD Sumbar Segera Ajukan Grasi;
Baompok>
iko katuanyo bagai nan babuek salah, bajudi.
apo alasan gaji ketek lo?
sumber:
<http://www.suaramerdeka.com/harian/0508/13/nas01.htm>http://www.suaramerdeka.com/harian/0508/13/nas01.htm
Berjudi, Ketua DPRD Digerebek
a.. Wardoyo: Ada Unsur Politisnya
DIBAWA KE MAPOLRES : Ketua DPRD Sukoharjo Wardoyo Wijaya SH (kanan)
dibawa petugas menuju ruang tahanan Mapolresta Surakarta, kemarin. Wardoyo
dan sembilan rekannya ditangkap polisi di Hotel Indah Palace Serengan Solo
karena terlibat perjudian. (57h)
No virus found in this outgoing message.
Checked by AVG Anti-Virus.
Version: 7.0.338 / Virus Database: 267.10.7/70 - Release Date: 8/11/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
