mokasi Dave. Posting sarupo iko paralu dipa acok di rantaunet. mbo postiangkan di banuanet jo sma-1 net
Wass mak Ban (55thn) babelok dijadwalkan 18/8 - 2/9 ~~~~~~~~~~~~~~~~~~~~~~~~ Muhammad Dafiq Saib wrote: > Assalaamu'alaikum wa rahmatullaahi wa barakaatuhu, > > Panyambuang kato-kato usali nan alah agak langka, nan alah agak jarang > basuo; > > ________ > > Alah sabulan sajak si Midun ditingga mati binyino, batambah larek juo > kaadaan. Si Midun alah sarupo urang muno. Alah sarupo urang agak batuka aka > bagai saketek. Pagi subuah barambun si Midun batalanjang dado maonjak-onjak > di labuah sarupo mancari-cari barang nan indak jaleh antah aa nan sabanano > nan di carino tu. Tibolo wakatu tangah hari, katiko sadang paneh garang > badangkang, ee awakno bakalumun kain saruang duduak di loneng balai. Ibo lo > ati awak mancaliak kaadaan si Midun nan sabana nyanyua bana di bao ati ibo > dek ditinggaan binyino tu. Indak dapeklo kadisasa-an bana, urang baru ka > mamadu kasiah, rumah tanggo baru baetongan bulan, tapi tibo garak Tuhan > Allah, singkek pintak binyi si Midun, mandauluno. Sadang kasiah badan > bacarai. > > _______ > > Patang ari ukatu asa, langik lah itam. Angin limbubu mandaruang-daruang. > Patuih jo guruah semba manyemba. Mak Tangkudun, apak si Midun, lah paneh > maimbau-imbau si Midun manyuruahno naiak ka dangau, dek mancaliak ari ka > ujan gadang. Nan si Midun, antah lai tingaran antah indak dino, namun awakno > duduak juo maengak-engak dakek kandang kabau sabalah ka mudiak saketek pado > dangau tu. Lah turun ujan, sabana labek. Sabana mancoroh jatuahno. Mak > Tangkudun lah bangkik pasaino, kasudahanno dipabia-an no sin si Midun nan > kini alah batarak-tarak di bawah ujan labek.Tatap juo duduak di sinan. > Tibo-tibo balapia bunyi patuih. Manyemba batang sampia di balakang dangautu. > Tuhan Allah kayo sungguah, balah duo batang sampia nan sadang tagaktu. > Buahno tandeh abih rarak manimpo ka atok dangau. Mak Tangkudun maambua > tagalinjang mandanga bunyi mandaruang buah sampia jatuah di atok seng > dangau, bagageh lari ka lua. Untuang nan ka malang, tasialiano di dakek > pintu dangau, jatuah tajangkang, tajalepak. Mandanga bunyi badabua urang > jatuah, tek Isah binyi mak Tangkudun nan baru kasudah sumbayang asa, bagageh > pulo kalua nak mancaliak aa nan tajadi. Indak talakik bagai dino manuka-i > kain tilangkuangno lado, bagarebeh tebeh no turun. Mancaliak mak Tangkudun > tajalepak indak pandai tagak di dakek bandua dangau tu, manggagau Tek Isah. > Barulah si Midun ka tasintak, mandanga rarau amakno ko. Agak baliak > panganano. Ujan lah baransua taduah. Si Midun mamapah apakno naiak baliak ka > ateh dangau. Rupono takilik kaki baliau tu. > > _______ > > Aa kamehilah, nan maa - nan maa kato nan usali tu....... he..he..he.. > > Lah anam puluah taun umua republik, lah ampia 54 umua nan manulih. > > Wassalaamu'alaikum, > > Lembang Alam > > Website http://www.rantaunet.org > _____________________________________________________ > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
