Assalaamu'alaikum wa rahmatullaahi wa barakaatuhu, Sakadar panambah katarangan, ambo tambahkan di antaro barih di bawah ko.
42466 From: "Muhammad Dafiq Saib" <[EMAIL PROTECTED]> Date: Sun Sep 4, 2005 10:36am Subject: Re: [EMAIL PROTECTED] Kacio bahaso awak, Samba Lado Assalaamu'alaikum wa rahmatullaahi wa barakaatuhu Kapanambah-nambah; besluit (kecek urang Bulando) = bisuluik jano urang awak stopplaat = stoplat jano urang awak = kadang-kadang batuka jo setasiun ketek pracht-oto = oto parah
Tulisan Bulandonyo "vrachtauto"; "vracht" aratinyo muatan, baban. Kalau "pracht" aratinyo "dengan megah dan mewah"
kracht = karah baju
Tulisan Bulandonyo: "kraag", lihia baju. Kalau "kracht" aratinyo kekuatan, tanago
stokaar = sitokar oto = (kini lah adolo istilahno cingkariak)
Dahulu wakatu ketek-ketek karano acok naiak koretapi ambo danga "sitokar". Tampaknyo kato "sitokar" ko diadaptasi dari Caro Bulando, ejaannyo "stoker" aratinyo pambantu "musinih" (diadaptasi dari Caro Bulando "machinist, juru masin) koretapi. Karajo sitokar ko manambah-nambah batu-baro di kapalo koretapi (lokomotif). Kini dek lah banyak "oto" mangko istilah "sitokar" tampaknyo dijadikan pulo sabagai pambantu supir oto.
Ambo indak tahu dimaa asanyo istilah "cingkariak" nan arati aslinyo samo jo "kuririak" di kampuang awak. Ado lo kito danga "pareman kurak-kariak". Mungkin, ko mungkin goah, "cingkariak" oto tu diambiak dari anak-anak mudo nan pareman kurak-kariak nan indak tantu arah karajonyo (kurak-kariak, agak galandangan). Kalau dicaliak-caliak, cingkariak ko tampaknyo kawan-kawan dakek dari supir, nan mungkin dapek dipacayoinyo, mungkin dari dunsanak atau familinyo. Jadi supir ko mancaliak kanti atau dunsanaknyo kurak-kariak indak bakatantuan, mangko diagiahnyo karajo jadi sitokar, cingkariak, atau kenek tu. Disiko tampaknyo sacaro indak sadar dipraktekkan ajaran papatah awak nan mamanfaatkan human resources "Nan buto paambuih lasuang, nan lumpuah pauni rumah."
Kalau "kenek" tampaknyo diambiak pulo dari Caro Bulando "knecht" nan aratinyo pambantu tukang . Mungkin dahulu acok kato "kenek" ko dipakai di Batawi. Caro Awak "kenek" ko aratinyo "ketek". Mungkin kini "kenek" ko lah diadaptasi lo di Kampuang, karano "cingkariak-cingkariak" oto ko, memang banyak anak-anak mudo nan kenek-kenek nan amuah disuruah-suruh supirnyo.
Salam, -- Nyiak Sunguik
Wassalaamu'alaikum, Lembang Alam
No virus found in this outgoing message. Checked by AVG Anti-Virus. Version: 7.0.344 / Virus Database: 267.10.18/89 - Release Date: 9/2/2005
Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
