Assalamu'alaikum wa rahmatullahi wa barakaatuhu, Angku Boes,
Ado kawan ambo samo-samo di eksplorasi ciek di kantua, nan baru babarapo taunko pindah ka Jakarta, mungkin angku indak kenal jo no do. Sasuai bana kami kalau lah maota pakaro 'syariat Islam' ko. Aratino, kecek kami, kok nyampang awaklah nan mamacik-an taraju nagari Indonesia Raya ko, walaupun indak resmi bana dinyato-an ka mambalakukan hukum syariah Islam, iyo awak usao-an bana tagak hukum-hukum sarupo nan tasurek di al Quran atau nan ditarangkan dalam hadits-hadits Nabi tu. Bitu kecek kami. Cukuik sakitar limo masalah gadang (disampiang tigo nan ambo sabuik cako tu), duo nan lain samisal parintah maantian minum khamar, maantian ampok / judi, insya Allah alah ka labiah sandereh nagariko rasono. Tagak hukum taradok urang-urang nan mambunuah, nan manciluik, nan bazina, nan mabuak dek alkohol, nan baampok, jo sabana-bana ditagak-an, indak pandang bulu, indak tibo dimato bapiciang-an, tibo di paruik bakampih-an, insya Allah aman nagari gadangko. Baa pulo jo hukum-hukum adaik, hukum-hukum nan indak jaleh dalilno, nan direka-reka samantaro 'urang santiang'? Kalau indak ado dalilno dalam Quran, indak ado dalilno dalam hadits nan shahih, indak usah dipalakukan. Mungkin iko tamasuak kawajiban padusi mambayia dando kalau awakno dicarai-an sarupo nan angku tulihan tu. Kalau nan iko iyo indak tau ambo dari maa asa usuano hukum nan sarupo itu. Namun ado ciek lai nan kadang-kadang urang padusi 'rancu' (bagalau) kalau ano dicarai-an lakino, kudian mamintak arato 'gono-gini' kecek urang di Jawa. Ikopun tamasuak adaik / budayo sajo. Di dalam Islam indak ado aturan sarupo itu do. Nan ado, kok nyampang timbua pacarai-an dalam sabuah rumah tanggo, apo-apo nan alah dihibahkan, diagiahkan ka binyi, indak buliah dimintak baliak. Tamasuak mahar, tamasuak rumah kalau rumahtu alah diagiah-an kano, tamasuak parhiasan kalau barang parhiasan tu alah diagiah-an kano. Tapi nan di lua itu indak ado kawajiban lakitu lai do. Ado juo tajadi kasus, laki binyi bacarai, sudah tu mangadu sampai ka personalia, kasudahanno biko gaji laki nan masih bakarajo musti dibagi duo, sapaduo untuak mantan binyi (nan alah dicarai-an tu). Iko indak ado dalilno pulo kalau manuruik syariah. Kacuali untuak anak. Kalau anak dibawah asuhan mantan binyitu, barulah buliah, sabab mantan binyi lai ado sadangkan anak indak disabuik mantan anak do tapi tatap anak sajo. Singgo iko pulolah dulu. Ambo ka capek lalok. Alah pukuah satangah sapuluah lewaik limo di Jatibening. Wassalaamu'alaikum, Lembang Alam ----- Original Message ----- From: "boes" <[EMAIL PROTECTED]> To: <[email protected]> Sent: Sunday, September 11, 2005 8:55 PM Subject: Re: [EMAIL PROTECTED] Shariah Islam > wa alaykum salam. > > Dave: > agak ati ambo, bukan a nan di katokan Alquran > ditakui'i urang², tapi ado buku panduannyo tu. > sabao salah satu pasalnyo bagi perempuan nan > carai harus mambayie pitih ka bakeh lakinyo > C$100,000.00(saratuih ribu canada dolar). Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
