Ondee Angku Dt. Marah Bangso,
Tarinmo kasih jo istilah dan makanan baru ko, Lempok. Mandanga caruitonyo
sajo lah tajejeh salero dibueknyo. Kok lai ingua (eh umua :) samo panjang
isuak pai juo ambo ka Kapayang tu mancari Lempok tu ban, bialah kok ka
"balemok-lemok" gai mangacoknyo (mungkin asa katonyo dari "belempok-lempok"
barangkali yo?) indak ka baa doh asa lai niaik salero lapeh. Samantaro tu
bak kato Angku Datuak juo, niai tu lah satangah ama tu. Kok ka Mabuak
Kapayang bagai indak baa doh ...
Di Rantau ambo ado "Dodol Durian" buatan Malaysia, nan dibungkuih elok-elok
dengan bantuak bungkuinyo dan gambar nan rancak diluanyo. Rasonyo sabana lamak.
Salam,
--MakNgah
42924
From: [EMAIL PROTECTED]
Date: Thu Sep 15, 2005 10:50pm
Subject: Re: [EMAIL PROTECTED] Mabuak durian... ; Tempoyak...; Lempok
Assalamualaikum,wr,wb.
Manyalo lo ambo sangenek tentang duiyan ko, kok nan taralah, carito alah
sampai ka tempoyak. Mulai dari durian monthong, durian ciik gajah, mabuak
durian, mabuak kepayang (kota Kepayang ko adonyo di Propinsi Bangkahulu,
56 KM arah Timur Bengkulu, baa mangko terkenal istilah mabuak kepayang ko
di Bangkahalu?, sebab perjalanan antaro Bangkahulu - Kepayang ko jalannyo
bakelok-kelok mandaki gunuang sahinggo banyak manumpang oto nan mabuak
alias muntah2, sahinggo sia nan mabuak tadi disabuik mabuak Kepayang, nan
ciek lai istilah mabuak kepayang ko aratinyo adolah urang nan sadang di
mabuak cinto) dan terakhir Tempoyak (makanan kebanggaan urang dusun
Komering di Sumsel).
Baraliah ka ka pangka carito, kini disambuang ka "LEMPOK". Lempok ko
adolah durian nan dimasak dalam kuali sampai bakulintin-pintin manjadi
seperti dodol atau kalamai di kito. Lempok ko rasonyo lezat sangaik.
Biasonyo nan ahli mambuek lempok ko di Bangkahulu atau di Palembang adolah
urang Cino.
Itulah sekedar tambahan dari ambo tentang curito duiyan ko, semoga
menambah wawasan kito.
Wassalam,
HM Dt.MB (48+)
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.11.0/103 - Release Date: 9/15/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
