Kalau malu mantarjumahkan "Virgin Coconut Oil" tu jadi "Minyak Karambia
Gadih", atau "Minyak Karambia nan Alun Kawin" dari pado mamakai istilah
asiang "Virgin" tu, kalau manuruik katarangan Rangkayo Isna tu, barangkali
rancak tadanganyo "Minyak Karambia Matah".
Di Kampuang Awak, minyak-minyak nan tanamo harum, lamak dan rancak dari
Payokumbuah misanyo memang ambo caliak dibuek dari karambia nan lah
dipangua. Sudah tu dikampo kalua santan, patinyo, indak bacampaua aia doh.
Santan tu di masak di kancah gadang sampai tabik minyak. Sudaha tu minyak
tu disariangpulo rancak-rancak dan Cikminyaknyo pun dikampo pulo sahinggo
manajadi saroman kue. Itulah "minyak manyih" manuruik urang awak di ateh
(Bukitinggi). Minyak nan tamusahua di Ateh adolah Minyak Talago dari Pek
Mudiak. Harunnyo bukan main. Cik Minyaknyo pun lamak pulo. Tapi umumnyo
bukan di Talago sajo, di Koto nan Ompek jo Koto nan Godang pun baitu juo.
Ambo raso di Piaman dan di tampek lain pun baitu juo.
Kalau "Virgin Coconut Oil" tu dibuek manuruik caro katarangan Rangkayo Isna
tu, tampaknyo santannyo tu indak diabuih atau indak dimasak jo api, tapi
ditanangkan sajo duo tigo hari. Iyo tantu agak busuak (fermentasi) tu nan
diatehnyo kapalo santan, dibawahnyo aia. Kalau baitu istilah "Minyak
Karambia Matah" barangkali rancak tu di pakai. Bukan minyak matah sajo doh
untuak mahindakan istilah minyak matah (crude oil) nan untuak diolah jadi
bensin sagalo petroleum oil tu. Ado pulo minyak kalapo sawit matah, atau
talingo urang awak lah biaso pulo jo "crude palm oil" (cpo).
Nan dibuek dari kopra tu, mungkin nan diolah oleh masin-masin baru jo mass
production. Umumno kopra di awak untuak diekspor. Pulau Nias jo Pulau Telo
adolah panghasia kopra nan banyak. Mareka langsuang ekspornyo ka Penang.
Salam,
--MakNgah
43030
From: Isna Huriati <[EMAIL PROTECTED]>
Date: Sun Sep 18, 2005 10:27am
Subject: Re: [EMAIL PROTECTED] Virgin Coconut Oil Berkasiat Tinggi
Mak Ngah nan batanyo" Minyak Karambia Gadih "
Mak Ngah , virgin disiko tantu iyo indah gadih aratinyo . Ambo takok
aratinyo berdasarkan caro mandapekkan minyaktu. Minyakko didapek dari
karambia nan lah bapangua, dipacik santannyo, sudahtu dipadiaan 24-36
jam (salamotu tajadi fermentasi alamiah ), sudahtu, aia jo minyak
gampang bapisahnyo, disariang, mako dapeklah minyak, diagiah namo
minyaktu "virgin coconut oil ". Baa kok disabuiknyo virgin, mungkin dek
karano minyak karambia biaso dibuek dari kopra, ado proses purified (
refined, bleaching, deodorization dll), bahkan untuak mandapekkan minyak
labiah banyak bapakai pulo bahan pelarut kimia ( chemical solvent ).
Sadangkan " virgin coconut oil " ko indak ditambah atau diaagiah apo
apo, kok ka awak sabuikjo jo gadih Mak Ngah, alun tasintuah lai dek apo
apo, alias virgin. Baa kiro kiro kataranganko Mak Ngah. lai ko masuak
diaka, hasia takok amboko. Nah kalau diterjemahan ka bahaso awak (
Indonesia/Minang ) baa jadinyo tu Mak Ngah?
Sakitu sajo sumbangan aka pikiran ambo , kok lai baguno, alhamdulillah .
Isna.
Sjamsir Sjarif wrote:
> Maa Rang Lapau nan Basamo,
>
> Akhia-akhia ko acok ambo caliak postiang di Lapau tantang Virgin
> Coconut Oil ko. Banyak disorot dek Rangkayo Ben dan adidunsanak di
> bidang kimia dan ekonomi. Ambo kurang mandalami postiang-postiang tu
> karano kurang mangarati apo bana tu mukasuik dan arati "Virgin Coconut
> Oil" tu. Apo istilah Kampuang awak? Baa mangko dipakai istilah
> asiangnyo? Apokoh malu mantarjumahkan "virgin" ko. Apokoh istilah ko
> ado lo konotasinyo jo kapacayoan gadihnyo Siti Morayam nan walaupun
> lah maanakkan Nabi Isa masih dinamokan "Morayam Gadih" atau "Virgin
> Mary"?
>
> Indak panah ambo danga "Minyak Karambia Gadih" doh. Apokoh iko samo jo
> nan acok awak danga "Minyak Karambia Ijau" nan acok dianggap kiramat
> atau banyak khasiatnyo untuak macam-macam kaganjilan dalam budaya Awak?
>
> Salam,
> --MakNgah
>
>
> Dari SUARA PEMBARUAN DAILY Tanggal 18/09/2005
>
<http://www.suarapembaruan.com/News/2005/09/18/index.html>http://www.suarapembaruan.com/News/2005/09/18/index.html
kito baco:
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.11.1/104 - Release Date: 9/16/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
