Katu pulang nan terakhir patang ko antaro Hari Rayo Gadang jo Hari Rayo
Aji (awal 2004) MakNgah nan gata-gata tapak ko lah sampai lo manuruikan
induak kaki ka sinan. Katu tu, diambiak oto dari Aua Kuniang, taruih lalu
ka Kubang Putiah, lai lalu ka Bulakan Kamba, taruih ka tampek parantian
terakhir di Sungai Pua tu.
Mukasuik bukan ka Badorai doh, tapi ka Sirangkak Gadang, di bawah sirasah,
tampek aia basimpang babalah duo, ciek ka Sungai Pua ciek ka Ampek Angkek.
Tapi urang salah manunjuakan jalan, disangkono awak turih sasek ka pai ka
Badorai saroman anak-anak nan baru turun sarombongan katu tu. Taruih
bajalan ka teh ado sumber aia (saroman PAM Ketek sinan). Sudah ditanyo ka
urang dakek tu, kama jalan ka Sirangkak Gadang, baru agak pana no manjawab.
Oh Pak kecekno, Sirangkak Gadang dibaliak tulang bukik nan itu Pak, sambia
manunjuak ka arah timur laut. Itu lah masuak daerah Bukik Batabuah nan
paliang tinggi. Kalau iko ka Badorai go Pak masuak Sungai Pua. Apak tapaso
baliak ka jalan kampuang, sudah tu batanyo sinan. Kecek ambo, kalau ambo
pancang sin bajalan marancah kian ka tulang bukik tu, sambia manunjuak ka
arah tu Sirangkak Gadang tu, lai ka tabuak du? Bisa juo Pak, tapi agak
barek, jarang ditampuah urang, hari lah patang pulo, kok sasek Pak Beko.
Dek awak lah urang parimbo juo sisuak, mangko diajaklah cucu (teenagers)
nan baduo tu. Yok, wak rancah rimbo tu, turuikan sin lah uwak. Marancahlah
kami batigo jo cucu. Mareka manuruik di bulakang, Makngah parintis jo
pamandu. Nan paralu sampai ka tujuan Sirangkak Gadang. Indak ado lai jalan
pasa nan ditampuah urang, bapatiak sajo kaarah tujuan. Sipatu jo sarawa lah
bakubang-kubang tasialia, mandaki, manurun saketek, hari lah batambah
patang juo.
Akhiano sudah duo jam bajalan marintih rimbo jo samak-samak sampailah ka
Sirangkak Gadang. Babasuaah muko sinan, babasuah lo sarawa jo sipatu,
saroman urang pulang ka sawah. Diminun aia segar dari sirasah, dicaliak
pambagian aia ka Ampek Angkek jo Sungai Pua. Alhamdulillah. Sampailah niat.
Dikacurehi banda nan duo tu saketek surang, (dek awak mantiko juo stek go
eh :) untuak maagiah barakat ka bawah, jadi sabagian kacureh tu anyuik ka
Sungai Pua sabagian ka Ampek Angkek.
Sudah tu, manurun pulang, ari lah laruik sanjo. Di awak lai tantu arah
jalan manurun ka arah Bukik Batabuah jo Kubu Apa. Singgah pulo ka kilangan,
dapek lo kenang-kenangan tangguli asli dari Bukik Batabuah saboto surang.
Diambiak lo foto urang kilangan. Tapi dek cucu nan baduo ko (mareka lahia
di Medan, indak tantu mek kampuang jo rimbo ko) tiok sabanta, nan ketek,
mancangkuang no di jalan. "Panek Uwak!" Kecekno. Indak baa do, kecek
Makngah, sabanta lai tibo awak di jalan, mudah-mudahan ado oto.
Lah pukua tujuah malam, ari lah kalam, agak rintiak-rintiak. Untuang ado
oto dari pasa maantaan urang ka Kubu Apa, ka baliak ka pasa. Manumpanglah
kami jo oto tu ka Batu Taba. Sudah tu manunggu oto lo di Batu Taba, untuang
dapek oto ka Tanjuang Alam. Oto tu taruih ka pasa Bukittinggi, kami bajalan
ka Biaro. Ari lah laruik pukua salapan manjalang sambilan. Untuang ado
lapau Nasi "Gantino" dakek Tanjuang Alam tu lah hampia batutuik. Makanlah
kami sinan. Rupono anak-anak ko iyo lah litak bana. Makngah suruah no makan
sabanyak-banyaknyo sakanyang-kanyangno. Iyo nan ketek, dilapehanno salerono
sambia galak-galak manggelelng-geleng kapadehan kakanyangan.
Sudah tu ari ujan dari "Gantino" ka Biaro, kami bajalan di ujan tu. Sampai
di rumah dicaritoannolah ka abak jo ibukno pajalanan jo Uwak nan Kiarmat tu
masuak rimbo kalua rimbo mambawo cucuno....:)
Tapi, nan labiah bahagia dek cucu nan ketek tu, ilang panekno. Kecekno ka
amakno, Awak lah makan diLapau batambuah-tambuah, lah tigo kali batambuah
disuruah tambuah jo di uwak, kecekno sambia mamaciakan paruikno galak-galak. :)
Salam,
--MakNgah
43122
From: "A Bandaro" <[EMAIL PROTECTED]>
Date: Wed Sep 21, 2005 0:49pm
Subject: [EMAIL PROTECTED] Badorai, Sungai Pua 16/9
Assalamualaikum wr wb
Jumat 16 Sept '05, pukua 8 pagi, kabatulan matoari sadang
mancorong tarang. Ambo baduo jo sumando dibonceng jo pespa
baliau, barangkek dari Bulaan Kamba - Kubang Putiah -
Banuampu, tujuan : "BADORAI".
Badorai ko adolah namo jorong di Kacamatan Sungai Pua
( Dikanagarian Limokampuang).
Rasono BADORAIko apolah point tertinggi nan bisa dicapai
jo kendaraan di sisi Utara-Barat gng Marapi.
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
No virus found in this outgoing message.
Checked by AVG Anti-Virus.
Version: 7.0.344 / Virus Database: 267.11.1/104 - Release Date: 9/16/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
