Sekedar info buek mak Ngah jo urang lapau. Ambo kabatulan barasa dari Pasisie Salatan, Dalam monografi nagari-nagari didaerah kami,sabagian besar nenek moyang kami barasa dari Sungai Pagu (Solok Selatan) dan sebagian dari Alahan Panjang dan Surian,sarato sabagian dari daerah Pasisie Barat Sumatera. Monografi sebagian besar bacampue jo legenda sahinggo tidak bisa dijamin kabanarannyo. Apo lai indak ado batanggal,bulan atau tahun bagai. Kerajaan Sungai Pagu dikenal sabagai sabuah kerajaan Minangkabau nan diakui dijaman Balando dan sampai kini ado bukti istana nan banamo Astano Balun. Diistana itu bisa dibaco tambo dalam tulisan Arab Gundul jo barang-barang peninggalan sejarahnyo.
Daerah Solok Selatan jo Pasisie Salatan tamasuak daerah rantau dalam tambo nan banyak bacampue jo legenda tu.tapi jarang disabuik atau ditulih. Didaerah Pasisie Selatan ado pulo sebuah kerajaan Minangkabau nan terkenal jo namo kerajaan Inderopuro nan punyo hubungan dagang lansuang jo Balando . Di Lunang Silauik ado istana nan dulu caritonyo bapaga ruyuang nan sampai kini masih dihuni dek keturunan Mande Rubiah nan disabuik sabagai katurunan Bundo Kanduang.. Didakek istana ado kuburan katurunan rajo-rajo Indropuro, disampiang itu ado pulo kuburan Cindua Mato.Dima Pagaruyuang ko nan sabananyo. Jadi nampaknyo sejarah Minangkabau ko jo wilayahnyo sampai kini alun jaleh bana, baa nan sabananyo.. Kalau buliah ambo sarankan mak Ngah sakali-sakali pai pulo manjalajah kadaerah Solok Selatan jo Pasisie Salatan manggali sajarah Minangkabau tarutamo pusek kerajaan Sungai Pagu jo kerajaan Inderopuro, supayo langkok tulisan geografi wilayah Minangkabau awakko. Wassalam, Bandaro Pahlawan (64) ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Cc: "Biaro" <[EMAIL PROTECTED]>; <[EMAIL PROTECTED]> Sent: Friday, November 04, 2005 9:05 PM Subject: [EMAIL PROTECTED] Luhak dan Rantau, ranah-minang.info > Maa Rang Lapau nan Basamo, > > Banyak katarangan Tambo nan kito dapek dari postiang nan diporowaikan Angku > Mudahar Batuduang Ameh dan mungkin juo ado data-data nan paralu kito taliti > untuak akurasi dalam panulihan. > > Pado umumnyo, katarangan-katarangan manganai geografi, baiak dalam Tambo > maupun dalam Kaba agak kabua, tagantuang dari maa sumber Tambo dan Kaba tu > bapusek dan baasamulo. Misanyo dari Kaba Cindua Mato nan panulihnyo > tampaknyo dari sakitar daerah Bukittinggi, namo kampuang-kampuang cuma > jaleh hinggo Talawi sajo. Sasudah "Bukik Tambun Tulang" indak tantu lai di > maa lah tampek Nagari Imbang Jaya tu. Istilah "Bukik Tambun Tulang" > sabananyo adolah istilah umum tampek sarang panyamun dengan namo-namo > fiktifnyo Baruak Pajaguang,DatuaakSalah Cangkuang, dll. MakNgah lah sampai > pulo manjalani salah satu "Bukik Tambun Tulang" tu di Rimbo Gadang antaro > Sungai Patai (dakek Sungayang, Tanah Data) jo Barulak (dakek Situjuah, Limo > Puluah). > > Karano Tambo jo Kaba biasonyo dikaluakan sacaro oral jarang urang dapek > mangkasanoinyo. Tapi kalau lah masuak ka tampek umum sabagai katarangan > tatulih baru agak tampak nan paralu di sigi. > > Dalam hal subyek ko Makngah sacaro khusus ingin macaliak latak, arah, dan > namo sungai-sungai dalam postiang tu. > > >Daerah rantau pertama orang Minangkabau adalah daerah sepanjang sungai > >yang berhulu ke Bukit Barisan dalam daerah Luhak Nan Tigo dan bermuara > >ke Selat Malaka (Laut Cina Selatan). > > 1. Panulih agak kaliru antaro Selat Malaka jo Lauik Cino Salatan. Kalau > kito caliak di Peta, Selat Malaka adolah antaro Sumatera bagian Utara > hinggo Muaro Sungai Kampar jo Tanah Simananjuang sampai ka Ujuang > Singapura. Sadangkan Lauik Cino Selatan jauah lapeh dari Taluak Siam jauah > katangah lapeh dari Lauik Natuna. > > >Sungai-sungai itu adalah Batang > >Sinamar dan Batang Lampasi di Luhak Limo Puluah Koto, Batang Agam, > >Batang Antokan dan Batang Palupuah di Luhak Agam serta Batang Anai, > >Batang Selo dan Batang Umbilin di Luhak Tanah Data, yang kesemuanya itu > >membentuk Sungai Rokan dan Sungai Kampar. > > 2. Indak kasadoalahe sungai-sungai nan tasabuik tu mambantuak manjadi > Sungai Rokan jo Kampar mailiah ka arah timur lapeh ka Selat Malaka doh. > > 3. Batang Palupuah (nan dari rasok-rasoknyo di Gunuang Gadang, basuo pulo > jo rasok-rasok Batang Sianok, maialia ka Batang Masang) , Batang Antokan > (pambuangan aia Danau Maninjau), Batang Anai, katigonyo mailia ka arah > Barat, lapeh aianyo ka Lautan Hindia. > > 4. Batang Agam nan sumber aianyo dari lereng-lereng Gunuang Marapi, Batang > Lampasi (nan dari sakitar Balubuih, Lampasi dan daerah Kotobaru dan > sekiranyo), kaduonyo bagabuang maialia ka BATANGSINAMA. Dari Daerah > Kototinggi inyo mailia kaarah Timur/Selatan ka sekitar Suliki, Luhak Limo > Puluah taruih babelok ka Selatan sampai ka Muara Sijunjuang, Kabupaten > Sijunjuang. Dalam pajalanan ilia ka Selatan tu lah Batang Sinama ditamuik > dek anak-anaknyo nan mangarah ka Timur yaitu Batang Lampasi, Batang Agam, > Batang Selo jo Sungai Ameh, ditamui pulo dek Batang Sumpu dari Ranah Sumpu > Kudus. Aianyo sadonyo batamu di Muaro Sijunjuang. Dari Muaro ko lah aianyo > basatu bahondoh-hondoh, babelok-belok ka Timur batuka namo manjadi BATANG > KUANTAN dan barubah anamo manjadi SUNGAI INDRAGIRI, lapeh ka Rengat ka > Tambilahan bamuaro ka Ilianyo ka Perairan Kepulauan Riah di Selatan > perairan Selat Malaka. > > Pandangan MakNgah. BATANG SINAMA ko lah nan manjadi landmark nan hulunyo > dari Gunuang Ameh jo Gunuang Gadang di Mudiak Kototinggi. Manuruik > pandangan paribadi MakNgah, BATANG SINAMA -> BATANG KUANTAN -> SUNGAI > INDRAGIRI ko marupokan tali pauleh geografis dan budaya sambuang > manyambuang dari Limo Puluah, Tanah Data, Sijunjuang sampai ka Rantau > Indragiri lapeh ka Lauik Kapulauan Riau. Patuik pulo dicatat, wakatu Batang > Selo batamu jo Batan Sinama dakek Kumani, mungkin lah di sinan lataknyo > "Pagaruyuang Tuo", Pagaruyuang nan usali, nan partamu, sabalun pindah ka > arah mudiak-mudiak manalusua Sungai Ameh ka "Pagaruyuang Baru", Pagaruyuang > nan kito katahui maso kini ko. Kalau dicaliak ditiliak bana latak strategis > antaro Kumani, Buo, jo Sumpu Kudus, jaleh tabayang di MakNgah Daerah > Triangle (Daerah Sagitigo) Tungku nan Tigo Sajarangan, Rajo Alam di > Pagaruyuang Tuo (Kumani), Rajo Adat di Buwo (Utara Kumani), Rajo Ibadat di > Sumpur Kudus (Timur Laut Kumani). Dalam pandangan MakNgah, Daerah Triangle > Kumani, Buwo, sumpur Kudus tu lah nanmarupokan Daerah Sentral Politik > Strategis Minangkabau dalam satu kutiko maso dahulu. Rimbo-rimbo Daerah > Triangle ko lah MakNgah rancah pulo dalam pajalanan hiduik paribadi. > > 5. ROKAN nan hulunyo dari Gunuang Ameh dan Gunuang Gadang manujui ka utara > sampai ka Rao, babelok ka Timur batamu jo babarapo anak sungai manjadi > ROKAN KANAN (malalui Pasia Pangiran) jo ROKAN KIRI (malalui Ujuang Batu) > taruih ka Ilia batamu manjadi Rokan sajo, bamuaro di Bagan Siapi-api, lapeh > ka Selat Malaka. > > 6. KAMPAR, nan bahulu juo dari Gunuang Ameh bacampua jo rasok-rasok Bukik > Barisan, lapeh ka Pangkalan Kotobaru, Bangkinang, taruih ka ilia ka Lubuak > Sakai jo Langgam banamo KAMPAR KANAN. Sadangkan rasok-rasok Bukik Barisan > bagian selatannyo dengan babarapo sungai-sungai saroman Batang Singingi > mailia sampai ka Lipek kain taruih ka ilia banamo manjadi KAMPAR > KIRI. Diantaro lubuak Sakai jo Langgam, Kampar Kiri jo Kanan batamu > manjadi BATANG KAMPAR sajo,mailia lapeh ka Palalawan taruih ka timur > bamuaro di Paraiaran Kapulauan Riau di Bagian Selatan Selat Malaka. > > Sakitu lah dahulu. > Salam, > --MakNgah > > > >43891 > >From: "Madahar (madahar)" <[EMAIL PROTECTED]> > >Date: Tue Oct 25, 2005 7:36am > >Subject: [EMAIL PROTECTED] FW: [sma3bkt] Luhak dan Rantau, ranah-minang.info > >[EMAIL PROTECTED] > > > >Assalamu'alaikum ww, > >Iko ado pakirin kawan untuak kito basamo. > > > >Wassalam > >Batuduang Ameh > >------------------------------------------------------------------------ > >-------- > >From: Amarullah (amarull) > >Sent: Tuesday, October 25, 2005 2:25 PM > >To: Madahar (madahar) > >Subject: FW: [sma3bkt] Luhak dan Rantau, ranah-minang.info > > > >Fyi, > >Kalau alun pernah ditarimo. > >-------------------------------------------- > >From: Muhammad Habdi [mailto:[EMAIL PROTECTED] > >Sent: Friday, June 11, 2004 2:26 PM > >To: [EMAIL PROTECTED] > >Subject: [sma3bkt] Luhak dan Rantau, ranah-minang.info > > > >Luhak dan Rantau > >oleh Gufron pada Sunday 22 February 2004 > >Luhak adalah daerah inti Minangkabau yang terdiri dari tiga daerah, > >Luhak Tanah Data, Luhak Agam, Luhak Limo Puluah Koto, yang biasanya > >disebut dengan "LUHAK NAN TIGO". Di daerah inilah mula-mula orang > >Minangkabau mendirikan koto, dusun, nagari sampai menjadi luhak. > >Sedangkan rantau adalah daerah tempat orang Minang mencari penghidupan > >sambil bermukim buat sementara. Di daerah rantau orang Minang berusaha > >mendapatkan penghasilan dari bermacam-macam usaha. Apabila sudah cukup > >terkumpul maka mereka akan kembali untuk modal dan membangun kampung > >halaman. > > > >Daerah rantau pertama orang Minangkabau adalah daerah sepanjang sungai > >yang berhulu ke Bukit Barisan dalam daerah Luhak Nan Tigo dan bermuara > >ke Selat Malaka (Laut Cina Selatan). Sungai-sungai itu adalah Batang > >Sinamar dan Batang Lampasi di Luhak Limo Puluah Koto, Batang Agam, > >Batang Antokan dan Batang Palupuah di Luhak Agam serta Batang Anai, > >Batang Selo dan Batang Umbilin di Luhak Tanah Data, yang kesemuanya itu > >membentuk Sungai Rokan dan Sungai Kampar. > > ---------------------------------------------------------------------------- ---- No virus found in this outgoing message. Checked by AVG Anti-Virus. Version: 7.1.361 / Virus Database: 267.12.6/151 - Release Date: 10/28/2005 ---------------------------------------------------------------------------- ---- > Website http://www.rantaunet.org > _____________________________________________________ > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ____________________________________________________ Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
