Maa Angku Taufiq Rasyid sarato Rang Lapau nan Basamo,
Ado saran MakNgah ciek nan dapek kito laksanakan dengan mudah. Kalau awak
mangutip (dalam hal iko man-copy-and-paste) suatu postiang dan
mangomentarinyo sarancaknyo kito bedakan nan maa tulisan atau paragraf awak
dan nan maa nan tulisan urang nan kito kutip). Jadi dalam hal iko kok kito
man-copy-and-past sarancaknyo di pakai fitur nan "paste as quotation"
sahinggo jaleh mambedakan nan maa nan tulisan awak dan nan maa tulisan nan
kito kutip dan komentari.
Mangko baitu janyo MakNgah dalam postiang Angku Taufiq (silakan caliak
MakNgah pasted saluruhnyo di bagian bawah, Makngah Tandoi jo Nomor 2) kalau
dibaco urang nan idank tahu asa mulonyo saroman bacampua sajo nan maa nan
tulisan MakNgah nan maa nan tulisan Angku Taufiq.
Nah untuak manjelahkannyo MakNgah paeloki dalam di bagian bawah dengan
Tando Nomor 1.
Nah, postiang MakNgah sabalunnyo cuma manyuluahi baa kabuanyo pandangan
geografi dalam kaba atau tambo. Dalam hal iko Makngah tabateh mangomentari
apo nan tasabuik dalam posting sabalunnyo. Mangkah indak mangomentarai
daerah Sungai Siak maupun Batang Hari karano indak ado disabuik-sabuik
dalam postiang tambo sablun itu. Jadi komentar MakNgah tabateh kapado nan
ado dan maleset itu sajo.
Sasudah MakNgah peloki nan maa nan tulisan dan komentar/tanyo angku Taufiq
MakNgah komentar lo saketek siko:
1. Kalau Candi Muara Takus tarandam dek karano bendungan PLTA iyo takajuik
MakNgah tu. Apokoh bendungan PLTA tu di Kotoalam dakek Mura Takus MakNgah
kurang jaleh, MakNgah alun sampai ka sinan lai. Tapi ka Muaro Takus MakNgah
lah sampai pulo awal tahun 2004 patang ko; alun tarandam lai, masih ado
fotonyo dalam koleksi MakNgah.
2. Ka Candi Sintong (nan tampaknyo alun banyak didanga atau dikatahui umum)
MakNgah alun sampai ka sinan lai. Tapi dalam pajalanan kuliliang patang ko
(2004) sasudahMuara Takus, baliak ka Bangkinang, MakNgah taruik ka Ujuang
Batu. Wakatu tu kalau dipaturuikan taruih malampaui Ujuang Batu,lapeh lo
badan ka Pasia Pangiraian, ka Dalu-Dalu, mancirupuih lo awak ka Medan
kasudahannyo. Jadi dari Ujuang Batu MakNgah baliak ka Selatan belok ka Arah
Timur ka Patapahan, Minas, ka Pakanbaru. Dari Pakanbaru malala lo sampai ka
Lipek Kain, Ka Loge, ka Muara Lembu, Lubuak Jambi, baliak ka Sijunjuang,
Solok Padangpanjang, Bukittinggi. Pajalanan sadonyo mambegai Gunuang Marapi
jo Sago sarato Bukit-bukit barisan bagian tangah.
3. Kalau candi nan di Batang hari tu mungkin ado pulo duo tigo pulo
barangkali, tapi patuang nan gadangnyo (dianggap patuang Adityawarman) lah
dibawo ka Musium (dapek dicaliak Gaduang Gajah) di Jakarta diambiak atau
dipindahkan dari tampek, indak tahu bana MakNgah tapi di daerah
Dharmashraya kini ko. Kok umua panjang, MakNgah ingin pulo marancah daerah
Dharmasyraya tu nanti.
4. Manganai hinggo maa bana bateh-bateh sistem matrilineal Minangkabau tu
mamaralukan research nan panjang, dapek manjadi bahan pangatuhuan untuak
anthropologis dan ahli sejarah di maso nanti.
5. Manganai isu baa masuaknyo Islam ka Minangkabau masih dalam macam-macam
teori nan kalua satiok ado patamuan seminar-semiar Sejarah MInangkabau. Hal
itu manuruik MakNgah alun salasai-salasai juo dipacarahan lai. Banyak topik
dan isu nan paralu dipadalam.
6. Manganai "Urang Siak" memang banyak kaba bagalau nan manyatokan Islam
masuaknyo dari Siak. Tapi manuruik MakNgah itupun paralu dialiti labiah
jauah. Sapinteh lalu, agak babeda dari pandapek umum, MakNgah agak
manyimpang saketek manganai istilah "Urang Siak". Salah satu nan MakNgah
pun dapek satuju, iyo aratinyo "Urang nan datang dari daerah Siak" atau
"Urang Awak nan lah panah pai ka daerak Siak". Atau, sabagai kabiasoan
Urang Awak nan suko mampatele-telekan dan mengorupsikan bunyi kato, MakNgah
agak curiga pulo kalau-kalau "bunyi" kato atau istilah "Siak" tu sabagai
pangkorupsian bunyi dari kato "Syekh" atau tadanganyo "Syiakh" manjadi
"Siak". Iko pandapek paribadi MakNgah pulo nan baru lapeh hinggo Lapu sajo
sabanta.
7. Salain Sungai-sungai Indragiri, Kampar dan Rokan nan disabuik dalam
psotiang manganai tambo nan dikomentari sabalun ko, Batang Hari adolah
"jalan raya aia" nan pantiang sekali di Selatan. Sadangkan di Utara
sampai-sampai ka Sungai Barumun jo Bila, sungai-sungai nan mailia ka arah
Timur tu marupokan bagian daerah lingkungan hiduik Urang Awak nan indak
dapek dipisahkan dalam hiduik kaminankgkabauan dari maso ka maso.
Sakitu lah dahulu, panjang amek beko.
Salam,
--MakNgah
===================================
NOMONR 1:
44139
From: "Rasyid, Taufiq (taufiqr)" <[EMAIL PROTECTED]>
Date: Mon Nov 7, 2005 5:06am
Subject: Re: [EMAIL PROTECTED] [SPAM] Luhak dan Rantau, ranah-minang.info; 2 (
dipeloki) [EMAIL PROTECTED]
Kalau dari segi budayanyo.
Ditapi sungai Kampar nan kini lah tarandam jadi bendungan untuk PLTA ado
candi Muara Takus dakek Muaro Mahek. Ditapi sungai Rokan didaerah
Sintong Kec. Tanah Putih Rokan Hilir ado candi Sintong nan ketek dari
Muara takus .
Kalau candi di Jambi apokoh diiliran Batang hari juo ?
Kalau nan masih mamacik paham Matriakhat adolah Kuantan dan Kampar
sarato sabagian Pasir Pangiraian.
-----Original Message-----
From: Rasyid, Taufiq (taufiqr)
Sent: Monday, November 07, 2005 7:56 AM
To: '[EMAIL PROTECTED]'
Cc: Biaro
Subject: RE: [EMAIL PROTECTED] [SPAM] Luhak dan Rantau, ranah-minang.info; 2
( dipeloki)
Pandangan MakNgah. BATANG SINAMA ko lah nan manjadi landmark nan hulunyo
dari Gunuang Ameh jo Gunuang Gadang di Mudiak Kototinggi (Limopuluah
Koto).
Manuruik pandangan paribadi MakNgah, BATANG SINAMA -> BATANG KUANTAN ->
SUNGAI INDRAGIRI ko marupokan tali pauleh geografis dan budaya sambuang
manyambuang dari Limopuluah Koto, Tanah Data, Sijunjuang sampai ka
Rantau Indragiri lapeh ka Lauik Kapulauan Riau. Muaro Sungai Indragiri
ko lah MakNgah susua pulo masuak mudiak dari daerah Timur dengan ferry
dari Batam ka Tambilahan. Bagi MakNgah pangalaman dapek manalusua jo
marancah daerah aliran Batang Sinama, Kuantan, Indaragiri dari hulu ka
ilia antaro lain malereng Bukik Saribu sampai ka muaronyo, marupokan
pangalaman pribadi nan manakjubkan, manambah jalehnyo rangkaian
pandangan geografis, sejarah dan budaya Kampuang Halaman kito.
Ado pulo istilah : ADAT MANURUN - SYARAK MANDAKI.
Mungkinkah adat tu datang dari dataran tinggi menyebar kedataran rendah
disekitarnya, sedangkan agama berasal dari pesisir/ pinggir laut baru
dibawa kepedalaman ?
Apo lai ado panggilan urang SIAK untuk mereka yang memahami agama.
Apakah mereka memang datang dari Melayu Siak ??
Kalau baitu maa yang lebih berperan sungai Siak, Kampar, Indragiri,
Rokan di Riau atau Batanghari di Jambi.
Mungkin MakNgah atau yang lain bisa manarangkannyo.
Tarimo kasih.--
=============================================
NOMONR 2:
44139
From: "Rasyid, Taufiq (taufiqr)" <[EMAIL PROTECTED]>
Date: Mon Nov 7, 2005 5:06am
Subject: Re: [EMAIL PROTECTED] [SPAM] Luhak dan Rantau, ranah-minang.info; 2 (
dipeloki) [EMAIL PROTECTED]
Kalau dari segi budayanyo.
Ditapi sungai Kampar nan kini lah tarandam jadi bendungan untuk PLTA ado
candi Muara Takus dakek Muaro Mahek. Ditapi sungai Rokan didaerah
Sintong Kec. Tanah Putih Rokan Hilir ado candi Sintong nan ketek dari
Muara takus .
Kalau candi di Jambi apokoh diiliran Batang hari juo ?
Kalau nan masih mamacik paham Matriakhat adolah Kuantan dan Kampar
sarato sabagian Pasir Pangiraian.
-----Original Message-----
From: Rasyid, Taufiq (taufiqr)
Sent: Monday, November 07, 2005 7:56 AM
To: '[EMAIL PROTECTED]'
Cc: Biaro
Subject: RE: [EMAIL PROTECTED] [SPAM] Luhak dan Rantau, ranah-minang.info; 2
( dipeloki)
Pandangan MakNgah. BATANG SINAMA ko lah nan manjadi landmark nan hulunyo
dari Gunuang Ameh jo Gunuang Gadang di Mudiak Kototinggi (Limopuluah
Koto).
Manuruik pandangan paribadi MakNgah, BATANG SINAMA -> BATANG KUANTAN ->
SUNGAI INDRAGIRI ko marupokan tali pauleh geografis dan budaya sambuang
manyambuang dari Limopuluah Koto, Tanah Data, Sijunjuang sampai ka
Rantau Indragiri lapeh ka Lauik Kapulauan Riau. Muaro Sungai Indragiri
ko lah MakNgah susua pulo masuak mudiak dari daerah Timur dengan ferry
dari Batam ka Tambilahan. Bagi MakNgah pangalaman dapek manalusua jo
marancah daerah aliran Batang Sinama, Kuantan, Indaragiri dari hulu ka
ilia antaro lain malereng Bukik Saribu sampai ka muaronyo, marupokan
pangalaman pribadi nan manakjubkan, manambah jalehnyo rangkaian
pandangan geografis, sejarah dan budaya Kampuang Halaman kito.
Ado pulo istilah : ADAT MANURUN - SYARAK MANDAKI.
Mungkinkah adat tu datang dari dataran tinggi menyebar kedataran rendah
disekitarnya, sedangkan agama berasal dari pesisir/ pinggir laut baru
dibawa kepedalaman ?
Apo lai ado panggilan urang SIAK untuk mereka yang memahami agama.
Apakah mereka memang datang dari Melayu Siak ??
Kalau baitu maa yang lebih berperan sungai Siak, Kampar, Indragiri,
Rokan di Riau atau Batanghari di Jambi.
Mungkin MakNgah atau yang lain bisa manarangkannyo.
Tarimo kasih.--
Internal Virus Database is out-of-date.
Checked by AVG Anti-Virus.
Version: 7.1.361 / Virus Database: 267.12.6/151 - Release Date: 10/28/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
