dunsanak sadonyo, kalau awak mancaliak lapau maya awak ko di website yahoogroups, akan tatulih jumlah message sampai kini ko, dan ambo caliak kini ko lah hampia labiah dari 44.291 messages , berarti lah hampir limo puluah ribu email hota nan awak sampaikan di lapau maya awak ko , salamo labiah dari sapuluah tahun mahota di siko. antah sampai bara puluah ribu lai , sambuah nyo hota awak ka taruih basambuang....
kalau di bandiangkan awak mahota di lapau , antah lah bara banyak cangkia kopi nan dihabih kan, lah banyak pulo pisang goreng, lapek , katan , nan dimakan dek awak basamo , lah bara banyak pulo, urang nan datang yo pai ka lapau ko lah banyak pulo, hasil dari hota awak salamo ko , dari nan nyato, tampak taraso sampai nan tak tampak ( intangible ) kalau lah malaikat Raqib dan Atid , mancatat pulo amal awak , salamo duduak di lapau maya ko , lah taba pulo buku catatan nyo ( kalau pakai buku ) , tapi kalau pakai computer canggih, alah baratuih kilobyte pulo record file nyo. mudah an, setiap ketukan keyboard , nan malantunkan email2 hota awak basamo di lapau maya ko , selalu penuh makna, fid dunya wal akhirat , amien. wassalam HM malin sinaro "sadang tamanuang di rantau maya, apo pelajaran nan bisa jadi tampek baguru " dari jauah, tadanga alunan sendu melankolik khas minang ; "burung murai bakicau pagi, ombak badabua manari nari tolong rinaikan hujan pagi den tampuang utk pambasuah luko di lahia sajo tampaknyo sanang di batin luko denai suruakkan mako den acok balangang-langang Tuhan dangalah nyanyian malam.... " Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
