Assalaamu'alaikum Warahmatullaahi Wabaarakatuh. Mak Ngah. GMDSS ambo iyo alah manangkok pantun Kim ditahun baru mak Ngah nantun. Tapi nan lain indak tabiaso manikmati pantun, jadi co aia lalu sajo maluncuano. Kalau alah biaso dilamun aia (ombak), saketek sajo riak alah taraso.
Mudahan bisa raso jo pareso, ereng jo gendeng tu dibangun baliak. Diawak nan tuoko iyo taraso bana apo nan indak digarih makan paek. Jikok alah melereng tabang no bangau mako alah tabayang kama kainggokno. Bantuak pantun kim cako, baru barih patamo sampiran alah tabayang angko nan kalua. Kini jadi tanyo jadino. Baa carono untuak mausahokan kambali ka nagari, eh .. eh .. salah ... kumbali ka caro saisuak? Caro 30 tahun nan lain. Dimaso itu, jikok basuo urang dijalan, basapo, sapo manyapo adolah adat nan diikuiki dak masyarakat. Jikok basuo dijalan, basapo, alah jaleh urang tu kamudiak, basapo jo: "kamudiak mak?". Kapasa tek? Eh lah lamo ilang kama sajo. Jikok lah lamo indak sumbayang kasuaru, mako jadi tando tanyo, dipatanyokan, kama siau tu, alah lamo indak nampak? Apo sakik duh kieh ano? Dihati saraso adaik itu masih bantuak itu kini, masih bantuak 35 tahun lalu, saat kampuang ditinggakan. Apo iyo alah dialiah urang tapian kini antahlah yuang? Baa jikok awak cubo baliak, mambuek list dari adaik awak nan buliah jo indak buliah. Do and do not, kecek rang rantau mak Ngah. Sabok kalau salah mamakaino bisa sansai nagari. Bak kecek ajo Duta ........... duta indak buliah dikecekan duto doh. Data indak rancak dikecekan doto. Lain tompaikno, lain aratino. Apo lai salah ketik pandai jadi pandia, laruik aratino kan? Takana sawaktu dikampuang, ado adaik mangecek. Jo sia awak mangecek. Dima awak mangecek. Kecek di dangau santo indak buliah dikecekan di surau doh. Didangau santo bisa suatu kato, normal jo kaidah disitu, didangau. Tapi kalau disorakan di surau bisa dikiro urang, awak urang gilo. Bisa tasisiah awak dalah pergaulan, bisa dimusuahi urang sakampuang awak jadino. Ado nan dikabakan dek mak Lembang dulu, adaik di Minangnet indak tamakan dek ayam doh. Jadi mungkin suatu caro jo kato nan biaso di Minangnet, jadi manyakikan bana jikok dibao ka rantaunet, apolai dibao kasurau. Adaik dikampuang juo awak mangecek harus tau mengecek jo sia. Indak bisa mampakecekan masalah sex dakek sumando atau bisan doh. Indak bataratik awak kecek urang. Balendo sajo pimatang sawah. Data sajo dino duniako. Jikok katoko alah taucap dek urang kaawak, bararti urang tu alah bangih bana kaawak. Lain hal mungkin kalau candak di dangau santo samiang badomino, indak baa doh. Jikok surang mintuo mangecek dakek minantuno: "Kuciangko lalok kalalok sajo karajono", itu bararti mintuo alah mausia manantuno duh. Mangko si minantu alah basugiro mancati tas atau karuang untuak mambao baju saputagak. Ka lalok disurau atau tabang jauah. Jikok alah mangko, mako barundianglah niniak mamak, mambangihi dunsanak padusino tu. Mangklarifikasi, apo iyo indak katuju bana ka siminantu nantun lai? Jikok si mintuo lai maraso basalah, mako si mamak mangirim utusan untuak manyilau minantu nan baganyi tu sasudah duo jo tigo hari. Sasudah ati nan talantak lunak baliak. Mako disampaikanlah maaf simintuo nan kurang bataratik tadi. Banyak kato buliah dan indak buliahko. Jikok awak sasa ciek-ciek baa no mak Lembang. Tugas awak kini mambari tau ka anak kamanakan. Supayo jan duo tigo kali kamakan talonsong. Apo lai kamanakan nan laia dan gadang dirantau. Kadang iyo taibo hati awak jikok didanga kamakan mangecek kaawak. Bauruik sajo dado saat itu. Iko tantu mamak mananggung salah, jikok indak diagiah tau "do and do not" nantun. Eh mak Ngah, maaf ambo koreksi saketek, indak "sress call" doh, tapi "distress call". Sistim nan dipakai kini adolah sistim interaktif nan disabuik GMDSS (Global Maritime Distress and Safety Signal). Nan alah bakarajo pakai sofware komputer dan dapek bakomunikas otomatis antaro kapa nan distress jo kapa nan ado didakekno, jo darat, jo kapa patroli dan jo kapa tabang. Jadi barito distress nantun bisa labiah capek diresponse. Indak saroman nan tajadi di tampo mas dulu doh. Wassalaamu'alaikum Warahmatullaahi Wabaarakatuh. Darul Makmur St. Parapatiah (52) ----- Original Message ----- From: "Sjamsir Sjarif" <[EMAIL PROTECTED]> To: "Lapau" <[email protected]> Cc: <[EMAIL PROTECTED]> Sent: Wednesday, January 04, 2006 2:06 PM Subject: [EMAIL PROTECTED] Tutup aja thread ini (was: Sebuah nasehat - anehsabanaaneh) --- tutup ... titik. | Maa Angku Darul sarato Adidunsanak nan Basamo, | Assalaamualaikum warahmatullahi wabarakatuh. | | Awal-awal di Malam Patukaran Tahun 2006 lah MakNgah pintehi soal | ereng-gendeng ko. Adidunsanak nan arif bijaksano lai dapek mambaco sabagian | postiang MakNgah nan kadang-kadang barisi nan tasirek atau ado nan tasuruak | diantaro barih. Dengan maninjau kumbali soal iko, barangkali dapek kito | manalusua mancari baliak jawaban tanyo nan lah diarahkan ka MakNgah oleh | Angku Syahril Bakri, Angku Asmardi Arbi, dan mungkin dari babarapo | adidunsanak nan alun sampai dapek mangatangahkannyo, . | | Tarimo kasih ka Angku Darul nan tampaknyo lah dapek manangkok stress call | (SOS) dari Beacon *) nan dipancakan Vessel MakNgah nan sadang | maapuang-apuang balaia di Lautan Hiduik ko. Sress call tu "Elok-elok Tuan | manenggang" MakNgah bungkuih dalam Lagu Kim kito dalam bahandai-handai, | baiak dari Subjectnyo, maupun dalam Pantunnyo. Subjectnyo MakNgah | kombinasikan dari duo topik "Sebuah nasehat; Ado nan ka main KIM di Tahun | Baru ???" nan sabalun nyo kaduo topik tu tapisah balain arah. | | ============================== | | Duduak surang basampik-sampik, duduak basamo balapang-lapang. | Fastabiqulkhairaat ... | | Salam, | --MakNgah | -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
