Wa'alaikumsalamwarahmatullahiwabarakaatuhu. Mak Darul dunsanak sadonyo.Mungkin bisa ambo komentari stek postingan Mak darul, walau babahaso Minang, sulik di ambo manangkokno, tapi indak baa bagai doh.
--- darul <[EMAIL PROTECTED]> wrote: > Assalaamu'alaikum Warahmatullaahi Wabaarakatuh. > > Mak Ngah. GMDSS ambo iyo alah manangkok pantun Kim > ditahun baru mak Ngah > nantun. Tapi nan lain indak tabiaso manikmati > pantun, jadi co aia lalu sajo > maluncuano. Kalau alah biaso dilamun aia (ombak), > saketek sajo riak alah > taraso. > > Mudahan bisa raso jo pareso, ereng jo gendeng tu > dibangun baliak. Diawak nan > tuoko iyo taraso bana apo nan indak digarih makan > paek. Jikok alah melereng > tabang no bangau mako alah tabayang kama kainggokno. > Bantuak pantun kim > cako, baru barih patamo sampiran alah tabayang angko > nan kalua. Mak Darul dunsanak kasadonyo. benar jika alah tabang bangau tu alah tabayang kama kainggokno. Mungkin maksudnya, kalau burung bangau tabang(atau burung jenis apa saja kali, saya kurang faham benar), maka biasanya kita telah faham kemana hinggapnya burung bangau tersebut. Disini ada benarnya pepatah tersebut, tetapi belum tentu benar 100%. Oleh sebab itulah sebaiknya, kita menghindari dulu berburuk sangka, sampai benar-benar kita tahu burung itu hinggap ditempat yang salahkah, atau yang benar. Dan Budaya manakok-nakok iko, atau manduga-duga cando iko, ado baiknyo kito hindari sasuai jo Firman Allah Ta'ala " Wahai orang-orang beriman jauhilah oleh kamu buruk sangka karena buruk sangka itu adalah suatu dosa ..." Kata orang tua-tua, " Curiga jangan, waspada boleh". > > Kini jadi tanyo jadino. Baa carono untuak mausahokan > kambali ka nagari, eh > .. eh .. salah ... kumbali ka caro saisuak? Caro 30 > tahun nan lain. Dimaso > itu, jikok basuo urang dijalan, basapo, sapo manyapo > adolah adat nan > diikuiki dak masyarakat. Jikok basuo dijalan, > basapo, alah jaleh urang tu > kamudiak, basapo jo: "kamudiak mak?". Kapasa tek? Eh > lah lamo ilang kama > sajo. Jikok lah lamo indak sumbayang kasuaru, mako > jadi tando tanyo, > dipatanyokan, kama siau tu, alah lamo indak nampak? > Apo sakik duh kieh ano? > > Dihati saraso adaik itu masih bantuak itu kini, > masih bantuak 35 tahun lalu, > saat kampuang ditinggakan. Apo iyo alah dialiah > urang tapian kini antahlah > yuang? Ini sasuai bana jo ajaran Islam nan kito cintai itu. Yaitu mengucapkan salam, saling bertanya keadaan saudara masing-masing.Rasulullah bersadba: " Sebaik-baik kamu adalah mereka yang memulai dengan salam". > > Baa jikok awak cubo baliak, mambuek list dari adaik > awak nan buliah jo indak > buliah. Do and do not, kecek rang rantau mak Ngah. > Sabok kalau salah > mamakaino bisa sansai nagari. Bak kecek ajo Duta > ........... duta indak > buliah dikecekan duto doh. Data indak rancak > dikecekan doto. Lain tompaikno, > lain aratino. Apo lai salah ketik pandai jadi > pandia, laruik aratino kan? Buliah juo diajakan kakami nan mudo-mudo iko, kato-kato nan batua dalm panulisanno. > > Takana sawaktu dikampuang, ado adaik mangecek. Jo > sia awak mangecek. Dima > awak mangecek. Kecek di dangau santo indak buliah > dikecekan di surau doh. > Didangau santo bisa suatu kato, normal jo kaidah > disitu, didangau. Tapi > kalau disorakan di surau bisa dikiro urang, awak > urang gilo. Bisa tasisiah > awak dalah pergaulan, bisa dimusuahi urang > sakampuang awak jadino. Mungkin bisa dipajaleh disiko, dek ambo kurang faham dan dengan contoh nan jaleh juo, dan ambo mainginkan panjalehannyo jan sampai basimpangan jo ugama Islam kito. Baa banapun adaik, tantu agamo nan harus didaulukan.Kito mati dikubua indak kamambao adaik doh mak, tapi agama dan amalan awak beko nan ditanyo dikubua, dan dipatanggung jawekan di akhiraik beko. > > Ado nan dikabakan dek mak Lembang dulu, adaik di > Minangnet indak tamakan dek > ayam doh. Jadi mungkin suatu caro jo kato nan biaso > di Minangnet, jadi > manyakikan bana jikok dibao ka rantaunet, apolai > dibao kasurau. Disiko ambo satuju, dek kato-kato di Minangnet biasonyo, ambo dangan sabana-bana kurang elok didanga, indak elok untuak ukuran adaik apo lai Agama. > > Adaik dikampuang juo awak mangecek harus tau > mengecek jo sia. Indak bisa > mampakecekan masalah sex dakek sumando atau bisan > doh. Indak bataratik awak > kecek urang. Balendo sajo pimatang sawah. Data sajo > dino duniako. Jikok > katoko alah taucap dek urang kaawak, bararti urang > tu alah bangih bana > kaawak. Lain hal mungkin kalau candak di dangau > santo samiang badomino, > indak baa doh. Iko mungkin harus dipajaleh, dek agamo Islam manyuruah manyampaian Alquran jo Hadist.Dimaa dan kasia sajo. Takuik awak kanai ancaman api narako beko, dek mampatenggangkan awak manyambunyikan kabanaran nan ado.Hiduik awak bukan untuak dunia, tapi untuak akhiraik. > > Jikok surang mintuo mangecek dakek minantuno: > "Kuciangko lalok kalalok sajo > karajono", itu bararti mintuo alah mausia manantuno > duh. Mangko si minantu > alah basugiro mancati tas atau karuang untuak mambao > baju saputagak. Ka > lalok disurau atau tabang jauah. Jikok alah mangko, > mako barundianglah > niniak mamak, mambangihi dunsanak padusino tu. > Mangklarifikasi, apo iyo > indak katuju bana ka siminantu nantun lai? Jikok si > mintuo lai maraso > basalah, mako si mamak mangirim utusan untuak > manyilau minantu nan baganyi > tu sasudah duo jo tigo hari. Sasudah ati nan > talantak lunak baliak. Mako > disampaikanlah maaf simintuo nan kurang bataratik > tadi. iko ambo indak faham doh. > > Banyak kato buliah dan indak buliahko. Jikok awak > sasa ciek-ciek baa no mak > Lembang. Tugas awak kini mambari tau ka anak > kamanakan. Supayo jan duo tigo > kali kamakan talonsong. Apo lai kamanakan nan laia > dan gadang dirantau. > Kadang iyo taibo hati awak jikok didanga kamakan > mangecek kaawak. Bauruik > sajo dado saat itu. Iko tantu mamak mananggung > salah, jikok indak diagiah > tau "do and do not" nantun. Ambo raso paralu panjahehan di mak lembang Alam nan tau bana jo ugama dan adaik, atau mak Ngah, mak Duta, mak Asmardi dan mamak-mamak nan lain. Baa sabananyo, buliah indak buliahko. Tarutamo nan bahubungan jo masalah agama, sex. Dek ambo maraso salamoko masalah sex nan ambo kecekan iyo sabana-bana hadist Rasulullah dan dalam AlQuranpun sabana-bana jaleh, samantaro di bundo-bundo, mamak dan uni-uni disiko indak buliah. Tolong dipajaleh bana. Sabab baa banapun soal panyampaian masalah agamo, masalah sex nan ado agamoko iyo ambo baparinsip memegang AlQuran dan Assunnah, indak kanan lain. Allah dan RasulNyo nan ambo daulukan. Ambo raso masalah sex nan indak buliah tu, kalau bacarito nan mambangkik an syahwat, samantaro nan ado palajaran dan hadistnyo dalam agamo, wajib disampaian, apolai kalau ado nan indak tau batanyo kaambo, manjawek pertanyaan sasaurang bila ambo ado wakatu dan manjalehkan Kalam Allah dan hadistnya masalah sex dalam agamo iko, wajib bagi ambo dek itu parintah Allah Subhanahu WaTa'ala. Kito harus mandaulukan hak Allah dari pado sia pun juo, bukankah baitu mak Lembang? Ado surang mamak mangecek kakamanakannyo baiko : " Nakan,..jan main bola dirumah yo, dek bamain bola indak dirumah tampekno doh, tapi bamainlah dihalaman" Aaa kecek si nakan : " Iyo mak, insyaAllah ambo pituruikan". Kamudian aa lai kecek mamakno : " Nakan...ijan mangecek ugamo, mangecek masalah ugamo nan ado sexno di rumah yo, tapi mangeceklah di tumpaik lain, dek dirumah ko indak buliah mangecek ugamo nan bamasalah satantangan jo sex?" Kalau si nakan tadi maikuikan kecek mamakno dek taat jo parintah mamakno, maka iyo alah badoso dek labiah mamatuhi parintah mamak, katimbang Allah. " Laa thaa'ata fi ma'siyatilkhaaliq".(Tiada ketaatan pada makhluk untuak manyalahi parintah Allah(H.R Muslim). Apolai bilo sinakan tadi mangatoan: " Mak, bukankah maaja urang nan ado dirumah kito, labiah utamo katimbang urang lua nan maaj" Bukankah Allah berfirman : " Peliharalah diri kamu dan keluarga kamu dari api narako". Mampalajari Islam itu wajib, apolai bilo ado urang rumah tu surang nan tahu agamo tu, apo awak harus suruahnyo pai jauah-jauah maaja urang lain,dek dirumah indak buliah mangecek satantangan jo agama atau masalah sex nan bakaitan jo agamo, beko urang lain labiah santiang dari isi rumah, samantaro urang lua tu baraja kakamanakan awak surang nan ado dirumah awak pulo lai, samantaro awak bialah baraja dari jauah-jauah baraja, pakai ongkos bendi atau taxi pulo kaluanyo. Bukankah marugi awak namonyo, indak maefisiensikan pangaluaran, samantaro awak disuruah bahimaik. Dan dalam agamo awak bukankah Mendidik keluarga satantangan jo agamo,lebih diutamakan, mamalihara kaluarga jo diri dari api narako labiah diutamokan. Kecek mamakno pulo lai. Bukan baitu mukasuik mamak doh nakan. Mangecek satantangan agamo, atau sex nan ado dalam ugamotu indak buliah di depan ninik mamak, atau harus masuak biliak awak. Tantu nan iko, harus dipajaleh, kalau awak mangecek tantang aib bahubungan badan jo suami istri, indak buliah dan dilarang dalam ugamo. " Aib/cacek hubungan sex antaro suami istri indak buliah disebarkan kasia juo doh". tapi maajakan baa ajaran ugamo awak satantangan masalah hubungan sex baa bana sarancaknyo, hukum Islam tantang manjago badan dan sabagainyo, wajib, indak ado batehnyo, asal lai indak dihadapan anak-anak nan balun baligh. Anak-anak nan alah baligh, harus tahunyo baa caro mambarasian haid, dek iko ado padusi wukatu zaman Rasulullah batanyo, juo baa caro mandi wajib, harus anak kamanakan sia sajo nan balig mengetahuinyo, dan indak paralu babiliak, asa lain indak tadangan di nan alun baligh. Mungkin itu sajo panjalehan dan komentar dari ambo, silahkan dikomentari sia sajo, mari kito samo mangecek, samo bapandapek, samo bamufakaik untuak maambil manfaaiknyo. Wassalam dan maaf, ambo masih satangah baluik satangah ula bahaso Minangnyo, dan masih muda mentah dalam sagalo hal. Rahima(36 thn) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
