Bulan Februari ko ado kawan ambo nan sadang mantarjumahkan buku Siti
Nurbaya ka pai mancaliak bana Ranah Minang nan rancak tu. Inyo lah
kama-kama di dunia ko kacuali ka Kampuang Awak. Kapatang ambo ditaliponnyo
tanyo-batanyo tantang latar bulakang nagari awak nan rancak tu. Dalam
carito tu takana di ambo Datuak Maringgi segagai lakon nan kurang elok
kacobehnyo.
Kini takana dek Makngah BIM ko dipangua dek tukang kacobeh-kacobeh nan
indak banyak bedanyo (mungkin labiah) jo parangai Dt. Maringgih. Jan-jan
beko "BIM" ko bagalemak pulo tarjumahannyo manjadi "Bandara Internasional
[dt] Maringgih". ...
Nan ambo khawatirkan, kalau-kalau "Datuak-datuak Maringgih" nan di BIM
kiniko jan-jan urang-urang upahan dari nan punyo taksi angkasa tu nan
kabanyo urang bagak babadia bakeh anggota angkatan layok-layok. Jan jan
Datua-datuak Maringgih ko urang upahan, dipiliah dari urang-urang anti
sosial, saroman OPR sisuak nan disuruah marusak dunsanak jo rang kampuang
mareka sandiri ...
Barangkali Ajoduta kok iyo sampai basuo jo Rang di Anjuang Padang (Tan Basa
Padang kecek Rang Sisuak) tu, rancak iko disiaseki dan dicari jalan
kaluanayo. Kok indak, karam sa Ranah kito jadinyo. Gaca kito basamo.
Indak baa pulo dibisiakkan tantang adonyo ide "Getah" (Gerakan
Muntah-Muntah) dari "Rang Lapau" nan jiko kampanye ko diiduikkan mungkin
dipraktekkan dek sagalo tamu nan baru datang di BIM itu kok para tamu
diganggu-garenyai dek tukang-tukang pangua tu.
Salamat Pulang Kampuang nan Jauah di Mato Joduta.
Kok indak dapek mahoyak-hoyak tabuik,
rancak dibawo sangak-sangak ka tapai lauik.
Tapi usah lamo bana manciguik-ciguik,
kana-kana sajo lah Inyiak Sunguik.
Salam,
--Uwan [MakNgah]
From: jun aidi <[EMAIL PROTECTED]>
Date: Wed Feb 1, 2006 1:42 am
Subject: Re: [EMAIL PROTECTED] Titip pasan via Ajo Duta : RE: Nan kuaso di BIM
; SOPIR TAXI [EMAIL PROTECTED]
Assalamu'alaikum WW
Kaba dari Milis Gebu Minang, baraso Ajo Duta ka basuo jo Gamawan Fauzi
sabagai Gubernur Sumbar awal bulan Februari iko... , mohon Ajo
sampaikan ka
baliau baraso pintu kaporo pak gubernur bana nan di cirik-an urang...
apo
pak gubernur masih tanang-tanang sajo....., suruah se lah main
kayu....ndak
patuah ..puduakan...., ganti nan lain....
====
Gamang juo ambo mandanga curito tantang ndak bakalincik-an sistem transportasi
di pintu kaporo ranah minang. Jo sagalo katerbatasan ambo taruih maangek2-an
urang siko untuak bakunjuang ka ranah bundo nan saroman potongan sarugo jatuah
ka bumi, urang no elok, santun, muluik manih kucindan murah. Kama beko
muko ambo
ka disuruak-an kutiko mereka manjajak-an kaki di BIM alah basuo jo sagalo
tingkah kurenah dunsanak2 awak nan bak kian. Ambo yakin indak ka sanang
lai hati
mereka dan ndak ka bisa mereka manikmati budaya dan alam minangkabau nan
rancak,
apo lai nanti mereka kanai pangua dima2 mulai dari bandara, taxi, rumah makan,
kadai souvenir, kain dan lain2. Efek ko akan makin manjadi2 karano pasti dan
pasti mereka ka mancarito-an kurenah ko ka dunsanak, tetangga dan kawan2
no. Lah
makin maleh urang bakunjuang ka nagari awak, karano isu teroris dan kerusuhan
alun ilang dari ingatan mereka kini ditambah jo pangua mamangua.
Kapado Wis Novotel.
Ado kawan ambo dari Singapur ka bakunjuang ka nagari awak awal maret bisuak, 4
urang dewasa dan surang anak, mereka mau booking duo kamar salamo duo malam,
ambo alah promosi-an Novotel, tolong agiah tahu bara rate no dan apo sajo
fasilitasno. Baa carono mereka bisa sampai di Novotel dari BIM tanpa kanai
pangua? Ado ndak hotel mayadiokan guided tour ka daerah2 sakuliliang
Bukiktinggi.
wassalam
Junaidi (39), kandang singo
No virus found in this outgoing message.
Checked by AVG Anti-Virus.
Version: 7.1.375 / Virus Database: 267.14.25/247 - Release Date: 1/31/2006
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
