Kalau ambo mancaliaknyo sabagai pamainan anak-nagari nan dapek bakumpua
bagambira sakali satahun tiok tahun. Tiok masyarakat ado-ado sajo nan dapek
dilakukan untuak bakumpua bagumbira basamo-samo. Pesta Tabuik ko kiro-kiro
basamoan jo pesta tahun baru dan dirayokan dengan caro macam-macam dek
urang-urang di lain masyarakaik jo budayanyo.
Kabatulan kini badekekan, Tahun Baru Masehi, Tahun Baru Cino, Tahun Baru
Hijrah, Tahun Baru Bali, Tahuna Baru Yahudi, dan nan indak dikatahui urang
... hari Ulang Tahun MakNgah ... 14 Muharram di bulan tarang bulan ampek
baleh pukua 7:45 Malam, Patang Kamih Malam Jumaat, sadang sajuak udaro di
Kampuang, tangealah anak ketek katu tu, 1354 HIjrah, 73 tahun Hijrah nan lalu.
Bakumpua basamo-samo ko di Kampuang dapek galak-galak jo kawan-kawan
sakampuang di tampek rami mungkin dapek jadi ubek masyarakat juo. Bayangkan
sajolah dahulu wakatu MakNgah ketek-ketek/mudo-mudo, tiok tahun wakatu
manyabik, kito sarayo maanyarayo. Wakatu mairiak, kito mairiak basamo-samo.
Galak-galak bagarah basamo-samo sambia karajao kareh. Kadang-kadang nan
sanang bana hati ado kasampatan manyipakkan pairiakan ka urang nan manunggu
(kiper) untuak mairai jarami tu. Sabana lapeh urak-urak sambia
galak-galak. Sudah tu, makan gadang, nasi angek jo kalio, makan katan jo
sanok.
Nah bakumpua-kumpua ko nan indak ado lai kini di kampuang. Bahkan MakNgah
mancaliak urang manyabik-mairiak padi surang sajo, lakino, binino mairai
surang pulo, indak ado lai karaja basamo sarayo-manyarayo soman sisuak tu.
Sudah panek, indak ado garah-bagarah doh, sudah tu minun kawa
bamanuang-manuang sajo inyo baduo. Urang lalu indak ado lo singgah lai ka
pairiakan doh.
Kalau dahulu, awak lalu katu urang mairiak padi, disoraki urang awak,
dipagaraki urang, bukaklah du sipatu tu, ko ha, ampalehi lah tapak kaki tu
jo jarami buliah tambah licin tapak, kecek umaik nan sadang mairiak tu.
Jawabno iyo, iyo, lai juo katan jo sanok. Kok indak ka mairiak padi,
mairiak katan jo sanok sin sanang juo hati urang dikawani sambia
galak-galak. Bidaso dek Rang Kampuang. Sudah tu awak galak-galak basamo,
sipak-manyipakkan pairaiakan basorak-sorak. Alangkah indahnyo maso-maso
sarayo-manyarayo tu, bakumpua sakali samusim mairiak, musim panen kecek
Rang Kini, harverst time kecek Rang Rantau MakNgah. Di Rantau MakNgah kalau
musim panen ko dirayokan juo jo Harvest Festival dalam bantuak-bantuak
lain, saroman Halloween jo Thanksgiving.
Jadi, kok Rang Kampuang di Piaman bakumpua-kumpua wakatu tabuik tu, itu
adolah sabagai pancurahan sumangaik basamo untuak manyanangkan hati dan
bakuampua bahoyak hosen sakali satahun. Urang sakitarnyo dari daghek bagai
lai pulo ado alasannyo pai ka tapi lauik tu sambia mancaliak Aia Gilo
bahoyak-hosen di pantai. Kadang-kadang dibawo Aia Gilo tu saboto pulang ka
Daghek untuak disuruah bariak-riak gilo bahoyak-hosen di cabuak tampek
kabasuah :) Tapi, sajaleh-jaleh ee lah dibawo Aia Gilo ari Piaman tu dalam
boto, tibo di Daghek jinak ee, indak namuah bagilo-gilo ee lai ... :)
Jadi, mahoyak-hoyak tabuik tu salah satu acara kumpua basamo paubek-ubek
rusuah masyarakaik, dapek galak-galak bahoyak hosen. Kok acara tu
dihilangkan, iyo ka maibo-ibo se lah Ajo jo Cik Uniang di rumah lai, jo sia
lai ka bagaghah-gaghah, pabilo lo ughang lua atau kok nan datang dari
daghek bagai ka datang basamo-samo ka Piaman jo alasan nan elok tu, tampek
batamu daghek jo pasisia ...
Salam,
--MakNgah
From: "Muhammad Hanif" <[EMAIL PROTECTED]>
Date: Thu Feb 2, 2006 2:48 am
Subject: Re: [EMAIL PROTECTED] Pesta Hoyak Tabuik [EMAIL PROTECTED]
Assalamu'alaikum wr.wb
Ambo labiah mencaliak dari aspek agamanyo apakah pesta Hoyak Tabuik ko
sesuai jo agama, jangan kito maliek dari aspek parawisata sajo.
Ma'af ambo sendiri alun baitu paham jo pesta Hoyak Tabuik ko mungkin ado
Dusanak nan di palanta ko nan tau mengenai pesta ko jadi bisa manjalehkan
apokah acara ko lai ndak batentangan jo ajaran agama Islam. Ateh
penjelasannyo ambo ucapkan tarimo kasih.
Wassalam
MH
===========
----- Original Message -----
From: "Arnoldison" <[EMAIL PROTECTED]>
To: <[EMAIL PROTECTED]>
Sent: Thursday, February 02, 2006 10:54 PM
Subject: [EMAIL PROTECTED] Pesta Hoyak Tabuik
> Pesta Hoyak Tabuik
>
> Prosesi tabuik yang diawali dengan pengambilan tanah menandakan bahwa
> manusia berasal dari tanah. Pesta Hoyak Tabuik Pariaman, Sumatera
> Barat yang semula ritual kini sudah bergeser ke pesta budaya. Meski
> begitu pesta ini masih membawa pesan-pesan moral dan agama.
>
> Tabuik Pariaman sudah digelar sejak 1831, namun dalam perkembangannya,
> mulai tahun 1974 dipaket menjadi atraksi wisata, hingga menjadi event
> tetap pemda setempat.
No virus found in this outgoing message.
Checked by AVG Anti-Virus.
Version: 7.1.375 / Virus Database: 267.15.0/248 - Release Date: 2/1/2006
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
