Waalaikumsalam w.w. Kalau buliah ambo manyalo, apo nan disampaikan dek Ananda Hadi Saputra itu adolah kanyataan konkrit nan samo-samo kito hadoki kini. Indak bisa disangkal bahaso kito indak punyo program tarancana untuak manyampaikan norma-norma dasar etika, logika, jo estetika Minangkabau ka nan mudo-mudo, sahinggo apo nan masuak sabagai bagian dari pribadi nan mudo-mudo adolah nan didapeknyo di sikola ataui malalui kawan-kawannyo atau malalui media massa. Bagi kito nan alah baumua, nan paranah hiduik di kampuang sagalo norma Minang itu kito serap malalui apo nan dinamokan urang sabagai "proses sosialisasi dan internalisasi' nan balangsuang sacaro alamiah. Tapi kan indak baitu nan dialami dek nan mudo-mudo. Karano itu, manuruik panglihatan ambo, iyolah datang wakatunyo kito indak lagi ba-asumsi bahaso urang Minang pasti tahu adaik jo ugamo, tapi marilah kito mamulai rancana pandidikan keluarga nan badasar ABS SBK, nan kito rumuskan sacaro jaleh sahinggo mudah dipahamai dan dijalankan dek nan mudo-mudo. Makin capek salasai Kompilasi Hukum ABS SBK itu makin rancak. Ambo taruihkan sambah ko ka Ananda Rahima, Ananda Dt Marah Bangso jo Ananda Dt Endang Pahlawan, dan juo untuk Bundo Hayatun nan baminaik kuaik untuak manangani masalah iko basamo jo ambo. Untuak Ananda Hadi Saputra nan alah manyampaikan apo nan taraso di hati nan mudo-mudo ambo sampaikan panghargaan. Majulah salangkah lai. Caronyo antaro lain bacolah bamacam-macam buku tantang filsafat, logika, etika, jo estetika Minang nan manganduang baitu banyak 'local wisdoms' yang sabana santiang. Baa juo dalam pargaulan ba-Indonesia kito akan tatap dipandang dan diparlakukan urang sabagai urang Minang, karano itu baa juo kito paralu manggali apo nan dinamokan dek Alex Haley sabagai 'roots' kito. Ambo nan alah baumur hampia 70 tahun ko juo alun paranah mandapek pangajaran taratur manganai adaik jo budaya Minang, sabab saparati panah ambo curitokan, baiak lisan maupun tatulih, Anduang jo Bundo ambo baasa dari Pariaman, sahinggo kami badunsanak dipandang sabagai 'urang dagang' di Padang Panjang, tampek kami lahia dan manjadi dewasa. Karano itu sagalo nan ambo tahu manganai adaik jo budaya Minang adolah hasia dari baraja jo bapikia surang, sambia mambaco buku-buku takaik dan mengenal babarapo tokoh adaik dan budaya Minang nan andal. Ado ciek lai. Indak sadonyo nan kito warisi dari maso lampau Minang tu masiah tapakai sampai kini, dan hal itu wajar-wajar sajo, sasuai jo kato papatah: 'lapuak-lapuak dikajangi, usang-usang dibarui'. Lagi pulo ado ampek macam adaik, nan tigo macam buliah diubah jo hetongan, sadangkan nan ciek nan indak bisa, yaitu nan disabuik 'adaik nan sabana adaik'. Masaalahnyo adolah mano nan indak bisa diubah dan mano nan bisa diubah, alun panah dirinci sacaro lugas, sahinggo banyak panaliti mangatokan adaik jo budaya kito panuah jo apo nan disabuik sabagai 'ambuitas' jo 'ambivalensi'. Ambo sungguah-sungguah baharok masalah-masalah iko bisa kito tangani dari Rantau, karano taruih tarang ambo ragu apo mungkin masalah-masalah mandasar iko bisa ditangani dek dunsanak kito dari Ranah, nan sabana bakapiek masalah-masalahnyo. Sampai disikolah dulu dari ambo. Wassalam, Soetan Madjolelo (69th)
ET Hadi Saputra <[EMAIL PROTECTED]> wrote: Assalaamu'alaikum wr wb Bari maoh jo ampun kok ambo sato pulo. Indak mukasuik mambela diri ataupun mambela sia-sia. Karano kajadian sarupo iko alah barulang kali, indak ado perubahan doh, mako ambo tapaso sato. Ka nan tuo-tuo Ambo sampaikan. Bahwasonyo di kami-kami nan mudo ko, alah kurang 'raso jo pareso' (kalau disabuik indak ado, batambah berang beko). Indak jaleh dek kami alua jo patuik lai doh. Kami pun alah indah mempan deh sindia. Nan tantu di kami mungkin nan bajaleh-jaleh. Itupun kalau kami takana mambukak sumbek talingo. Kami laia di rantau, iduik di nagari urang, jauah dari rang gaek jo dunsanak. Ijan disalahan kami kalau indak tau di nan ampek. Nan acok balaku, kami ko kareh kapalo, maraso santiang surang, urang lain ko 'engak' se sadonyo. Bagi kami nan tuo-tuo ko adolah gaek nyinyia nan indak tau kemajuan jo globalisasi. Jadi harapan kami, kok iyo nan disampaian, ijan jo sindia. Indak ka mempan doh. Muko kami alah sataba bandua. Wassalam, ET Hadi Saputra (33 tahun 3 bulan) di komplek Kompas Ciputat -----Original Message----- From: [EMAIL PROTECTED] [mailto:[EMAIL PROTECTED] On Behalf Of Muhammad Guswedi Sent: 19 Maret 2006 8:31 To: [email protected] Subject: Re: [EMAIL PROTECTED] Sekedar Info saja Mak Ngah, Uni Eva jo Uni2 samo jo uda2, Kaparalulo diturunan pandeka basabuk hitam kito untuak manyalasaiannyo ? hehehehehe...maaf sekedar jeda :). Wassalam, Wedi -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Yahoo! Mail Bring photos to life! New PhotoMail makes sharing a breeze. -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
