Assalamu'alaikum.w.w.
Is,... kalau raso-raso tu ambo satuju.
Nan paralu diambo, jaan sampai kito mambatehi pulo urang-urang nan ingin
ba da'wah di palanta ko. Sabab sampai sagaek-gaek ko ambo, nan siraman
rohani ko tatap paralu. Ciek lai, apo lah artinyo ke-Minang-an awak kalau
ugamo
lah lapeh dari kito.
Satantangan maajai bini, tantu iyo dalam biliak, tapi kalau lah umum
sifatnyo
indak manjadi ato lah nyo kok dalam biliak sajo. Sabab sado urang paralu.
Apo kalau kaji tu ursuannyo jo karakter manusia. Sabagai contoh karakter Abu
lahab, dalam Qur'an karakter takah iko di kekalkan sampai hari kiamat, sabab
karakter takah iko akan muncul dan muncul baliak. Bukan berarti surek al-lahab
tu untuak Abu lahab sajo,.. indak. Penggambaran takah itu aratinyo jan sampai
watak takah musuh Allah tu dapek dikito. Dan awak tahu Abu lahab karajonyo
maikua kama Nabi saw. pai untuak mandutoi Nabi. Walaupun katiko Nabi laia inyo
nan mambaok nabi bakuliliang ka'bah tujuah kali dan dek kagadangan ati
mambebaskan budaknyo nan banamo Sa'ibatul Aslamiyah. Tapi kudian inyo urang
paliang kareh manantang Nabi dan mambatehi gerak Nabi. Kalau kito lah mulai
pulo mambateh-batehi jalan da'wah ko, jan jan beko kito lah masuak pulo dalam
kategori urang nan sarupo jo Abu lahab tu. baa gak ati Is ?.
Jadi diambo, kalau iyo lai hanyo soal "raso" jo "raso", dan memang indak
ka maisolasi urang nan ba da'wah ambo satuju-satuju sajo.
Wassalam
St. Sinaro
Is Sutan Marajo <[EMAIL PROTECTED]> wrote:
Ass. wr.Wb,
Kakanda St. Sinaro.
Manuruik ambo iyo tatap babateh bateh kakanda. Batehnyo iyo raso. Lai
rasonyo nan iko pantas disampaikan ka komunitas awak di palantako nan ba
anggota sakitar 1600 an. Efektif ndak rasonyo disampaikan.
Sabagai contoh di ambo kakanda.
Ma aja bini jo agamo tantu ndak paralu di dibarando kakanda cukuik di
biliak sajo, ma aja kamanakan jo agamo kan ndak paralu dibawo ka halaman
cukuik dibarando sajo.
Itu di ambo nan disabuik bateh2 kakanda.
Carito dari rumah gadang lain nan di cross posting dipalantako tapi ndak
dari ujuang tantu banyak nan binguang kakanda, kalau dari ujuang di cros
posting kasadonyo ndak pulo ba'a doh.
Satantang saran ambo untuak buek blog samato2 untuak labiah efektif
sajo.
Sakitu manuruik ambo kakanda, talabiah takurang ambo minta maaf
Wasalam
Is St. Marajo
--
---------------------------------
Yahoo! Mail
Use Photomail to share photos without annoying attachments.
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
