Kondisi di kampuang ambo, bukan sawah jo ladang sajo nan indak jadi, tapi rumahpun lah banyak nan bakunci, kosong dek rang kampuang lah banyak hondoh-poroh ka rantau. Atau ado urang lua nan ma-unyi rumah tu. Sabab kalau ditahan iduik dikampuang, hasia nan didapek dari bacocok tanam ko, untuk manutuik bali pupuak jo racun acok indak bisa, apolai untuak mambayia jariah nan lah dikaluakan. Kan sabana tabedo tu.
Bahkan tampak ladang nan dulu cukuik produktif kini lah ditanami rumpuik Japang untuak makanan jawi. Pernah ambo sambia jogging pagi ka ateh dari Nagari Batagak arah puncak Gn Marapi. Katiko ka pulang dek ari lah paneh ambo naik angkot. Ado urang mambao berbagai sayuran. Keceknyo sakaruang Taruang hanyo tajua Rp 3500,- baitu juo nan lain samacam wortel, kol dll. Kadang haragonyo sabana jatuah. Kadang ibo ati maliek kampuang lah langang indak sarupo jo maso kito ketek dulu nan salalu rami. Dulu kito salalu mandi basamo baiak pagi maupun sore hari ditapian sungai. Tapi sajak ado PLTA di Batang Agam , urang lah jarang mandi baranang disungai, karano kini ado jet -pump dulu jo pompa sanyo. Sahinggo jalan kasungai lah basamak dan sungainyo sendiri lah mulai rimbo pulo. -----Original Message----- From: [EMAIL PROTECTED] [mailto:[EMAIL PROTECTED] On Behalf Of Madahar (madahar) Sent: Tuesday, April 11, 2006 1:50 PM To: [email protected] Subject: Re: [EMAIL PROTECTED] alam takambang antara Bandung Jakarta nyo nan paralu dicarian jalan kalua dek pamarintah adolah baa upayo supayo anak mudo ndak pai marantau tapi ado kainginannyo untuak dikampuang mamangkua sawah baiak itu sawah pusako atau sawah pasaduoan. Kalau hanyo samato sawah sen nan ka dikakok dek anak mudo tantu ndak barasok pulo lubang iduang dek nyo dek lamo bana mananti hasia dari ladang. Sakitu sakiro katukuaknyo. Salam -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
