Assalaamu'alaikum wa rahmatullaahi wa barakaatuhu Kecek Rasulullah shallallahi wa sallam, ' Sia nan sudah makan bawang, jaan mandakek-dakek ka tampek shalat kami.'
Batua nan dikecek-an dek Wady ko, pakaro baun angok ko iyo musti dijago bana. Jaan sampai manggaduah ka urang di suok jo di kida awak. Bukan sajo baun angok, tapi baitu juo baun badan, musti diparatian bana. Jaan sampai baun badan awak manggaduah ka jamaah nan lain. Sabanano urang nan babaun angokno atau babaun badanno, mustino sadar jo baun no tu, cuman kadang-kadang, mungkin masak bodoh, atau indak tau baa maatehino. Pakaro baun angok, indak musti dek karano gigi indak barasiah sajo do. Bisa sajo dek karano ado masalah dalam paruik, atau di rakuangan. Sarancakno pai paresoan badan ka dotor. Kalau tibo di kawan dakek awak bana bamasalah sarupo itu, sarupo carito Rahima, sabanano bisa sajo disampai-an jo santun, jo taktis, jo elok-elok, untuak kabaiak-anno sarato kabaiakan awak basamo. Misalno jo mangecek-an untuak mamaresoan kok ado nan sakik di muluikno, nan infeksi di muluik, atau mukin di rakuangan, atau mungkin dalam paruik. Kok no batanyo baa mangko mantun, bisa sajo dikecek-an bahaso raso-rasono baun angok anti/antum kurang segar. Mangecek-anno tantu jo santun, jo elok-elok bukan jo mukasuik mahinokan. Dan jaan dikecek-an di tangah rami, itu namono awak mampamalukanno. Baitu juo bau badan, bahkan kadang-kadang iko nan labiah parah lai. Tapi kalau iyo urangtu kawan akrab awak, harusno tantu bisa awak mangecek-an elok-elok. Sabab kalau awak indak barani mangecek-an baarati awak alah manzhalimi diri awak sandiri dan bahkan diri kawan awaktu, padohal saharusno bisa sajo awak manyampaikan kalamahan nan ado dikawan awaktu sacaro hati-hati. Memang agamo Islam manyuruah bana manjago kabarasiahan. Itulah sababno awak disuruah bauluak satiok kali awak ka sumbayang. Makna dari bauluak tu adolah mambarasiahan satiok anggota tubuah awak nan rentan taradok baun, sarupo muluik, hiduang, talingo, tangan sarato kaki. Bahkan sabalun itu awak musti baistinjak, atau cebok talabiah daulu. Muskipun baitu, tantu indak tapek dijadian alasan indak amuah pai sumbayang bajamaah ka musajik dek di musajik urang-urang habih babaun kasadono. Wassalamu'alaikum, Lembang Alam (Untuak Rahima, Di gigi nan amuah abih / aus kalau talampau acok digosok tu email namono) ----- Original Message ----- From: "Wady Afriadi" <[EMAIL PROTECTED]> To: <urangawak@yahoogroups.com> Sent: Friday, April 14, 2006 11:54 AM Subject: [EMAIL PROTECTED] Baun Angok Katiko Sumbayang Berjama'ah > > Yth. Dunsanak Urang Awak kasadonyo; > > Katiko ambo manulih tentang masalah mambaco Al Fatiha sebagai makmum kutiko shalat berjama'ah, ambo manyingguang saketek ttg baun muluik jama'ah lain nan barado di sampiang kida atau suok kito katiko sadang sumbayang tu. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
