Assalamu'alaikum.w.w.
Lai ado ukatu sangenek ooi Palai rinuak jo dunsanak kasadonyo, kito
taruihkan nan kupatang.
Kapatang ambo sabuik
"Makonyo kecek ambo, kini ko,... tunggu ka tunggu ndak ado lai do...
lembaga ko lah harus ditagakkan ...
Sabab... "
Indak ka pernah tagak Islam ko di ati urang do atau di masyarakat pado
umumnyo kalau kito basilengah sajo, sahinggo sagalo kompromi-kompromi tu lah
jadi hukum pulo. Aaa contoh dek si Z, ...
lah jaleh tatulih dalam Qur-an supayo urang padusi manutuik aurat...
dan lah babagai penjelasan nan diagiah sahinggo sampai ka kesimpulan urang
nan indak manutuik aurat indak ditarimo sumbayangnyo doh. Tapi dek karano para
ulama dulu-dulu tu maraso "alaun paralu bana itu ditagakkan lai dek karano iman
urang masih tipih", aaa lamo-lamo hal itu jadi biaso sahinggo "indak baa se
doh". Sampai ka Soekarno sendiri nan kalau kito baco buku "Di bawah bendera
Revolusi" ndak tangguang-tangguang Islamnyo doh, tapi bisa mamutuskan untuak
negara ko pakaian "kebaya" (kok di Malaysia namonyo kebaya nyonya) sebagai
pakaian resmi nasional.
(Kalau rang padusi lah ba kebaya pendek.... ndeeh...ilang jangguik... tangga
saroban dinyo... mangaretek jakun rang gaek.. angek dingin raso badan..)
Iko kan efek dari toleransi ka toleransi. Kini ko, kito lah lamo merdeka, lah
sekian lamo lo Islam ko dikenal di Nusantara,... apo juo nan kaditunggu lai ?.
Baitu...
Baliak kito ka arato pusako ko...
Bagian ko memang harus ditinjau ulang dan dikaji ulang bana elok-elok,
baduduakkan di lapiak sahalai dikaji samalam-malam juo ari untuk dapek ma nan
rancak nan indak mambuek awak malangga undang-undang Allah ta'ala. Baa dek bitu
?, dek karano kito iyo ingin Islam sacaro kaffah supayo dapek ridha dari Allah
swt.
Nyo "baldhatun thayyibatun" se ndak namuah doh, harus ado "wa rabbun ghaafur"
nyo.
Apo artinyo negara nan aman makmur dan tenteram, "Gemah Ripah Loh Jinawi",
"Gemah Ripah Repeh Rapih", "Jaguang masak padi maupiah",. kalau indak ado
"keampunan dari Allah swt" ?. Tantu samo se jo urang-urang kapia tu, ... aa
kelebihan awak lai .. bilo di maso nan panjang bajuta tahun nantik kito ka
batundo-tundo juo masuak narako samo jo mereka ?.
Ok,... kok ditinjau keputusan urang bahaso HPT tu indak bisa difaraidkan
samantaro HPR bisa.... aiii... iko lai indak maantakkan kayu bacupang kito ko ?.
Kayu bacupang indak namuah diantakkan do,... sadonyo musti sabulek sagolong
dalam kerangka ridha Allah swt.
Kok kayu bacupang diantakkan, lai indak takuik kanai tanyo kito nantik ?.
"Ooii awak-ang manuruik hukum-hukum Den disabagian-sabagian se ?, nan
sabagian lai ka hukum sia ang sandakan ?". Sudah tu tibo parintah ka Malaikat "
Ooooiii Malaikat, baok kasadonyo jo hukum-hukum tu sakali, jo tampek
manyandakan hukum tu, sudah tu tundoan ka dalam narako" (Carito ko ado di
Qur-an.... fahduuhum ila shiratil jahiiim).
Lai ndak ka takuik awak ?.... aaa...
... ooi mak Sutan,... baa caronyo tu?, lai indak ka baginjai-ginjai beko tu
?. lai ndak ka tabik parang dinyo ?.
Eh... , picayolah... kalau lembaga tu lah ado,
kalau lai bamukasuik elok, iyo ingin bertaqwa, iyo mancari ridha Allah swt.
mako
"wamay yataqillaha faj'allahu makhrajan ....."
Barang siapa yang bertaqwa kepada Allah, maka Allah akan memberikan jalan
keluar.
(dek urang Malaysia ayat ko disabuik ayat Seribu Dinar)
... antah kok indak picayo awak jo ayat ko ?.
...aaa baitu Z.,... walaupun tersirat mungkin si Z lah tantu kama kilek
camin.
aaa... usaoanlah lembaga tu, supayo jan wacana-ka wacana sajo.
Singan iko dulu... kok kurang isuak kito tambah...
Wassalam
St. Sinaro
---------------------------------
Yahoo! Messenger with Voice. PC-to-Phone calls for ridiculously low rates.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
