>Rinaldi Sahir <[EMAIL PROTECTED]> wrote:
>Asssalamu'alaikum warahmatullahi wabarakatuhu,
Wa'alaikum salam.w.w.
Dek karano pertanyaannyo basifaik umum, ambo cc kan ka palanta jo bu guru
Rahima. Cuma maaf ambo sadang ndak mambaok kitab fiqih, ambo jawek instant
sajo, kok salah beko kito mintak tolong nan lain mambatuakan, dan bisuak ambo
cubo rujuk kitab fiqih.
>Uda St Sinaro nan ambo hormati,
>Ambo ka batanyo ka Uda satantangan masalah Talak dalam perkawinan.
>1. Apo arti talak. ?
>2. Bara tingkatannyo ? (1,2,3 ?)
>3. Apo nan mambedakan setiap tingkatan ( atau urutan) ?.
>4. Kapan harus dijatuhkan talak ?
>Sakitu sin lah dulu,
>Mokasih banyak atas jawaban Da Sutan, Ambo tunggu.
Sabalun marujuk ka kitab fiqih,
"Thalaq" sacaro umum bermakna pemutusan tali perkawinan oleh seorang lelaki
(yang tadinya terikat perkawinan) terhadap seorang perempuan dengan lafas
(diucapkan) atau tulisan dalam keadaan serius ataupun berpura-pura.
(Artinya berpura-pura pun jatuah thalaq nyo)
Thalaq yang buliah dirujuk(aratinyo kembali ka isteri dan hidup sebagai
suami isteri)
hanyo duo kali. Kalau jatuah thalaq nan katigo, mako indak dapek babaliak lai
kecuali bekas isteri itu sudah kawin "secara biasa" jo urang lain dan kudian
bacarai pulo.
Secara biasa mukasuiknyo indak buliah awak nan manyuruah urang mangawininyo
lalu bacampua jo inyo sudah tu disuruah caraikan atau terkenal di awak istilah
"cino buto" atau "cindua". Cino buto atau cindua ko haram hukumnyo dan suami
nan lah man thalaq tigo tadi indak dapek babaliak bitu se doh dek karano kawin
cino buto atau cindua ko indak shah.
Perbedaan nan ditanyokan hanyo dalam hitungan jatuah thalaq tu sajo,
aratinyo kalau sakali atau duo kali, masih buliah dirujuak, kalau lah tigo
indak buliah dirujuak.
(Kalau ndak salah nan katigo ko banamo thalaq bain).
Bilo harus dijatuhkan thalaq ?,
ado babarapo persyaratan nan harus dipenuhi nan mambuek surang lelaki bisa
manjatuahkan thalaq. Detailnyo ambo ndak takana do, bisuaklah ambo caliak ka
buku fiqih baliak. Tapi sacaro umum kalau isteri "bermaksiat" kapado Allah swt.
alah buliah dijatuahkan thalaq.
Nan ambo ingek bana suatu hadits katiko surang sahabat mangadu ka Rasulullah
saw. ..aa kecek nyo "Wahai Rasulullah, isteriku tidak menolak tangan orang
lain".
Lalu dijawek dek Nabi saw. "Ceraikan isterimu".
Manulak tangan urang lain tantu bukan sekedar tasingguan atau basalam bitu
sajo tapi tantu aratinyo alah masuk dalam katergori bazina.
Itu nan jaleh dek ambo kini, bisuaklah ambo caliak bana di fiqih, atau
mungkin ado dunsanak nan lain an ka maagiah (dik Ridha, kalau siap, tolong beri
jawaban yang ini).
Ambo hanyo bapasan, bahaso thalaq ko indak buliah main-main, kato-kato
tahalaq jan dipamain-mainkan dek karano bisa balaku. Misalnyo katiko
batangka-tangka kareh jo bini ...."Caraian den....." kecek bini
"Jadih ...." kecek lakinyo.... aaa iko lah jatuah ciek thalaq, walaupun indak
baniek.
Sabab dalam thalaq indak ado niek do, dek karano samo jo perkara "aqidah",
bamain-main indak buliah. Kok bacakak jo bini,... aaa saba-saba... urang padusi
memang takah itu.
Lalu kalau persyaratan thalaq tu indak terpenuhi mako doso ka si lelaki nan
manjatuahkan thalaq.
... aa sakitu sajo dulu... bisuak kito sambuang...
>Wassalaam,
>Tan Maruhum
Wa'alaikum salam
St. Sinaro
---------------------------------
How low will we go? Check out Yahoo! Messengers low PC-to-Phone call rates.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
