Assalamu'alaikum wr.wb. Ambo (mungkin kaum mudo lainnyo) satuju bana jo mandukuang panuah usulan Pak Saaf ,"Saluruah norma adat, budaya, dan ugamo nan kito inginkan maatur hiduik kito sabagai urang Minang, yaitu ABS SBK, dikumpuakan jadi satu dalam Kompilasi Hukum ABS SBK, dan kito kukuahkan dalam suatu Kongres Minangkabau. Sasudah dikukuhkan, mako salain balaku untuk kito -- paliang tidak dalam masalah keperdataan -- juo sakaligus bisa manjadi bahan ajaran untuak nan mudo-mudo". Realita yang ado kini, umumnyo yang namonyo aturan adat nan "katonyo" ABS SBK hanyo tingga retorika sajo, urang labiah banyak mambanggakan aturan adat yang diadatkan (adat salingka nagari) dari pado aturan adat yang basandi syara', syara' basandi kitabullah, jauah panggang dari api, banyak niniak mamak kalau bapatatah patitiah sabana santiang tapi kenyataan implementasi yang dikatokannyo dalam patatah patitiah tu, dikehidupannyo malah jarang kelihatan. Kami yang mudo sabananyo masih banyak yang peduli jo adat minang yang ABS SBK, tapi kami kebanyakan mengalami fase krisis kepercayaan ka niniak mamak, cadiak pandai dan alim ulama, karano implementasi aturan agamo jo adat minang nan ABS SBK (apolagi yang salingka nagari) tu kini alah banyak yang batantangan jo nurani kami dan aturan agamo yang kami pelajari. Misal, Dalam musibah kematian, alun salasai mayat dimandikan, niniak mamak alah sibuk mambagi sadaqah urang yang melayat untuak pambali rokok jo kopinyo masiang-masiang. Malah ado pulo yang sampai ribuik pulo mahetong warisan si mayat dan pambagiannyo. Niniak mamak pun alah jarang pulo peduli jo kami sebagai kamanakan yang harus mereka bimbiang. Dari ma kami ka tahu norma adat, budaya dan agamo, apolagi kami yang gadang di rantau, kalau niniak mamak jarang maagiah suri tauladan dalam bantuak perbuatan dan tingkah laku. Karano niniak mamak kebanyakan alah sibuk jo panek pulo mancari nafkah untuak maasoki dapuanyo malah ado pulo niniak mamak sibuk mampakarokan harto pusako tinggi jo dunsanak sarato kamanakannyo. Jadi kami yang mudo hanyo tahu norma dan aturan manuruik aturan agamo jo lingkungan yang manggadangkan kami sajo. Tolong ajakan kami yang adat yang ABS SBK yang batua tu dan agiahlah kami contoh kenyataan implementasinyo dengan suri tauladan, perbuatan dan tingkah laku. Tolong caliakan ka kami yang mudo apo yang niniak mamak katokan samo jo implementasi kenyataannyo dalam kehidupan sehari-hari. Jadi aturan adat yang ABS SBK tu ndak tingga jadi wacana se....Jan salahkan kami yang mudo jiko nanti mambuek aturan adat manuruik versi kami pulo....: -)) Salah kato ambo minta maaf
wassalam Reza 29 --> 30 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
