Waalaikumsalam w,w,
Ambo ucapkan tarima kasih kapado Ananda Rahima dan Ananda Reza ateh
parsatujuan Ananda baduo ka pandapek ambo. Mukasuik ambo mangamukokan pandapaek
ambo itu adolah supayo ado pagangan tatulih tantang hukum ABS SBK tu bagi
sagalo urang Minang, baiak nan hiduik di Ranah maupun nan hiduik di Rantau, tuo
mudo, laki-laki jo padusi, nan hiduik kini maupun nan kalahie di maso datang.
Nampak di ambo itu bana kini nan alun ado. Akibaiknyo kito bawacana -- bahkan
batangka -- taruih-taruihan, indak ado kaputusan.Indak jarang basiarak sampai
ka pangadilan. Samantaro itu suku bangso lain alah cigin larinyo, bak kato
Angku Muchlis Hamid.
Manuruik urang pandai-pandai, kalau kito handak manyatukan potensi urang
banyak, paralu satukan dulu norma dan nilai nan kajadi karangko acuan atau
'frame of reference'-nyo, lalu susun struktur nan mampu mangintegrasikan
saluruh potensinyo, sahinggo bisa mangarajokan karajo-karajo gadang dan basifat
strategis.
Jadi tatanan nan basifat 'adat saling nagari' iko paralu ditata baliak dalam
karangko nan labiah gadang, dan disasuaikan jo kabutuhan awak kini. Kalau
indak, ambo khawatir urang awak jan ka maju, malah mundur nan labiah, karano
kito kalah dalam persaiangan jo suku lain nan labiah kuaik persatuannya, baiak
dalam norma maupun dalam struktur.
Kalau Ananda Rahima ka sampai di Jakarta, tolong hubungi ambo di HP 0811 14
7621,
Wassalam,
Soetan Madjolelo (69th)
Rahima <[EMAIL PROTECTED]> wrote:
Wa'alaikumsalamwarahmatullahiwabarakaatuhu.
Ambo juo sasuai jo pak Syaf, dan dik Reza, kamungkinan juo nan mudo nan
lainnyo. Indak ado rasonyo nan mudo-mudo ko, indak cinto dan indak tatarik jo
adat dan budaya Minang. Rasonyo alah naruni dikanduang badan, mancintoi nagari
surang.
Hanya sajo dek banyak bajalan, banyak nan dicaliak, banyak pangalaman banyak
pulo kemajuan dari daerah atau nagari lain, nan dirasoan rang mudo-mudo nan
jauah dari ranah Minang ko, elok juo jadi guru dan pelajaran diawak, alam
takambang jadikan guru kecek papatah pepitih juo.
Batua tu apo nan dikecekan pak Syaf, rang mudo kinikan, indak mambeo saroman
buruang beo sajo. Apo nan dikecekan langsuang ditarimo mantah-mantah. Inyo
punya akal, pemikiran, untuak mancaliak, apokah sasuai apo nan dikecekan jo
realitanyo? Kalau indak sasuai tantunyo binguang sajo.
Saroman firman Allah : "Apokah kamu menyuruh manusia barbuat elok, samantaro
kamu indak malakukannyo"." Apokah kamu manyuruah urang babuat kebaikan
samantaro kamu melupakan diri kamu?
Ataukah kito malarang seseorang jan babuaek kesalahan, samantaro diri mambuek
kasalahan nan sarupo tu?
Ataukah kita manyuruh urang agar maisi isi botol jo minuman juice lemon,
samantaro kito surang indak
barusaho maisinyo jo juice lemon, kito biakan inyo kosong malompong, beko diisi
oleh rang mudo-mudo jo juice mangga, berang pulo awak ka nan maisinyo, bukankah
samo sajo jo pepatah pepitih nan diajarkan ka kami rang mudo, "Buruak muko,
camin nan di hantam, camin nan di sepak, camin nan dipacah". Awak bisa berang
kalau isi botol diisi jo minuman arak nan haram dan marusak saisi rumah nan
maminumnyo. Iko kan indak, diisi jo nan elok-elok, bahkan juice mangga samo
bamanfaik juo.
Baru tadi ado pertamuan sesamo ibu-ibu di kedutaan.Ado kato sambutan dari ketua
nan cukup terkesan
diambo. " Sasuatu tu bisa bajalan nampak elok, kalau lai ado macam-macam
isinyo, indak sanang sajo, indak juo susah sajo, sabab hati awakko, indak samo
diciptakan Allah, ado nan pamberang, ado nan santai, ado nan biaso sajo
hatinyo, dek karagaman nantunlah makonyo indah kalihatan organisasi tu, samo jo
bunga ditaman, ado nan warna hijau, merah, ungu. Di hutan kayunyo ado nan
tinggi, pendek, lebat daunyo, kariang dllnyo. Dek saroman itulah makanyo
kelihatan indah, indak ciek warna sajo doh. Subhanallah, lamo ambo maranuangkan
kato ibu ketua tu.
Ingat pulo awak jo listrik, akan tajadi bilo ado pertemuan negatif dan
positifnyo.
Untuak pak Syaf, tarimokasih ateh kepercayaan nan dibarikan ka ambo, ambo alah
mambaleh kasadiaan ambo satantangan partamuan tu, tapi nampaknyo indak takirim,
wukatu tu, dek mati surang sajo komputer ambo. InsyaAllah ambo kalau indak ado
halangan, ambo pulang awal Juni ko(salesai anak SD EBTA), langsuang take off ka
Jakarta, sampai pertengahan Juli ambo ado di Indonesia.
Ado rencana satalah tu Ka Malaysia, kamudian baliak ka Indonesia lai, baru
baliak ka Kairo dari
Jakarta.Kalaupun ambo indak bisa ikuik pertemuan, dek basalisiah wukatu,
Kompilasi Hukum nan alah ambo karajoan tersebut akan ambo agiah ka apak Syaf.
Demikian dari ambo, talabiah dan takurang ambo mohon
dimaafkan.
Wassalamu'alaikum. Rahima.(37 thn)
--- "M. Syahreza" wrote:
> Assalamu'alaikum wr.wb.
>
> Ambo (mungkin kaum mudo lainnyo) satuju bana jo > mandukuang panuah usulan Pak
> Saaf ,"Saluruah norma adat, budaya, dan ugamo nan > kito inginkan maatur
> hiduik kito sabagai urang Minang, yaitu ABS SBK, dikumpuakan jadi satu dalam
> Kompilasi Hukum ABS SBK, dan kito kukuahkan dalam suatu Kongres Minangkabau.
> Sasudah dikukuhkan, mako salain balaku untuk kito --
> paliang tidak dalam masalah keperdataan -- juo sakaligus bisa manjadi >
> bahan ajaran untuak nan
> mudo-mudo". Realita yang ado kini, umumnyo yang namonyo aturan adat nan
> "katonyo" ABS
> SBK hanyo tingga retorika sajo, urang labiah banyak mambanggakan aturan adat
> yang diadatkan (adat salingka nagari) dari pado aturan adat yang basandi
> syara', syara' basandi kitabullah, jauah panggang dari api, banyak niniak
> mamak kalau bapatatah patitiah sabana santiang tapi
> kenyataan implementasi yang dikatokannyo dalam patatah patitiah tu,
> dikehidupannyo malah jarang
> kelihatan. Kami yang mudo sabananyo masih banyak yang peduli jo adat minang
> yang ABS SBK, tapi kami kebanyakan mengalami fase krisis kepercayaan ka
> niniak mamak, cadiak pandai dan alim ulama, karano implementasi aturan agamo
> jo adat minang nan ABS SBK (apolagi yang salingka
> nagari) tu kini alah banyak yang batantangan jo nurani kami dan aturan
> agamo yang kami pelajari. Misal, Dalam musibah kematian, alun salasai mayat
> dimandikan, niniak mamak alah sibuk mambagi sadaqah urang yang melayat untuak
> pambali rokok jo kopinyo masiang-masiang. Malah ado pulo yang sampai
> ribuik pulo mahetong warisan si mayat dan pambagiannyo. Niniak mamak pun
> alah jarang pulo peduli jo kami sebagai kamanakan yang harus mereka
> bimbiang. Dari ma kami ka tahu norma adat, budaya dan agamo, apolagi kami yang
> gadang di rantau, kalau niniak mamak jarang maagiah suri tauladan dalam
> bantuak perbuatan dan
> tingkah laku. Karano niniak mamak kebanyakan alah sibuk jo panek pulo
>
---------------------------------
Talk is cheap. Use Yahoo! Messenger to make PC-to-Phone calls. Great rates
starting at 1¢/min.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
