Angku Adli sarato Rang Lapau nan Basamo,
Dalam postiang nan sasudah angku kutipko, barangkali ambo baru nan partamu
kali dalam ota ko mambantah atau manihilkan adonyo hubuangan "Pariangan
Padangpanjang" jo koretapi "parahiyangan" palambang hyang-hyang daerah
Priangan di Jawa Barat tu.
Di siko barangkali ambo katangahi lo saketek. Mahubuang-hubuangkan
"Silaiang" jo "Siliwangi" tu rasonyo saroman kacobeh urang awak
mahubuangkan "Sianok" sabagai nagari Pangeran Sihanouk, atau saroman garah
Rang Panampuang jo Urang Pnompenh atau Uang Kurai jo Urang Quraish, atau
Urang Cangkiang awak jo Urang Chungking Cino. Untuak maota tantu rancak,
tapi untuak dilulua mungkin agak jauah panggang dari api.
Kan lai takana misanyo baa namo-namo nagari di Kampuang Awak. Ado Urang
Biaro mancaliak urang balari Maegek-egek ka ilia. Urang Biaro ("Habih
Arok", nan ingin tahu ko), batanyo: Kama-Ang, baa mangko balari Maegek-egek
bana? Mangko disitulah diotakan asa nagari Kamang jo Magek. Ota rancak kan?
Tapi kok ditanyo ka Urang Kamang jo Urang Magek mungkin mangkacimuih sajo
urang mandanganyo.
Baitu juo kok ditanyokan ka Urang Pariangan Padangpanjang nagarinyo
dihubuang-hubuangkan jo Para Hiyang tu, mungkin kanai bulancit kito dek
Rang Kampuang nan nagarinyo tu marupokan tampek pamandangan nan indah
sajuak, Tampek Untuak Bariang-riang.
Salam,
--MakNgah
From: "Adli Usuluddin" <[EMAIL PROTECTED]>
Date: Fri May 12, 2006 1:00 am
Subject: Re: [EMAIL PROTECTED] Tambo Pariangan [was :Pariangan] [EMAIL
PROTECTED]
Di Padang Panjang ado kecamatan banamo Periangan, tapeknyo dipandakian
Silaing. Apo Periangan ado hubungannyo jo Priangan, ditambah lo jo Silaiang
mungkin ado hubungan jo Siliwangi, awak tunggu komentar ahli sejarah.......
Salam
Adli
No virus found in this outgoing message.
Checked by AVG Anti-Virus.
Version: 7.1.392 / Virus Database: 268.5.6/337 - Release Date: 5/11/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
