Sangenek tantang rang Minang : Rarak kalikih dek mindalu, tumbuah sarumpun jo sikasek Kok ilang raso jo malu, Bak kayu lungga pangabek
Nak urang Koto Hilalang, nak lalu ka Pakan Baso. Malu jo sopan kalau lah hilang, habih lah raso jo pareso. Anak ikan dimakan ikan, gadang ditabek anak nagari Ameh bukan pangkekpun bukan, budi sabuah nan diharagoi Adopun yang disabuik parampuan , tapakai taratik dengan sopan Mamakai baso jo basi, tahu jo ereang dengan gendeang Hormat kapado ibu-bapo Khidmat kapado urang tuo-tuo Labiah kapado pihak laki-laki (suami) Takuik kapado Allah Manuruik parentah Rasulullah Mamakai raso jo pareso, manaruah malu dengan sopan. Manjauhi sumbang jo salah, muluik manih baso katuju Kato baiak kucindan murah Tahu dirumah dengan tanggo Tahu manyuri mangulindan. Takuik dibudi ka tajua Malu dipaham ka tagadai Tahu dimungkin dengan patuik, Malatakkan sasuatu pado tampeknyo, Tahu di tinggi dengan randah Bayang-bayang sapanjang badan Buliah ditiru dituladan Kasuri tualadan kain Ka cupak tuladan batuang Tahu di mudharat jo manfaat Mangana labo jo rugi Mangatahui sumbang jo salah Tahu di unak ka manyangkuik Tahu di rantiang ka mancucuak Ingek didahan ka maimpok Tahu diangin nan basiruik Arih di ombak nan basabuang Tahu dialamat kato sampai Maha nan tak dapek dibali Murah nan tak dapek dimintak Takuik di paham ka tagadai Takuik di budi ka tajua Pucuak pauah sadang tajelo, panjuluak bungo galundi Nak jauah silang sangketo, pahaluih baso jo basi -----Original Message----- From: [EMAIL PROTECTED] [mailto:[EMAIL PROTECTED] On Behalf Of Bandaro Labiah Sent: Tuesday, May 16, 2006 4:15 PM To: [email protected] Subject: Re: [EMAIL PROTECTED] Adaik Saisuak Assalamu'alaykum w.w. Tarimokasi banyak Katik Sati, sabana sajuak mambacono, Kilek jo bayang nan lah nyato, urek tahujam ka pitalo, batang tasanda pado gunuang -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
