Wa'alaikumsalamwarahmatullahiwabarakaatuhu. Ambo sabagai urang nan masih tagolong mudo, bukan sekedar lupo lai, tapi sabana-bana binguang jo keadaan dan kondisi saroman iko. Apo sajo nan di dikecekan salah sajo sadonyo.
Nan mambinguangkan ambo, disalahkan urang iko, samantaro awak surang babuek nan sarupo, atau ado urang lain babuek nan sarupo atau dalam kondisi lain, badiaman,dek nan didiamkan tu ado dipihak awak. Nan kaduo, ambo iyo binguang, nan tuo-tuo kurang puehnyo kalau nan mudo dianggapnyo alah "malangkahi" kainginannyo, sabalun nan mudo ko kalua dari RN ko. Masih segar dalam ingatan ambo, daulu ambo pernah bara kali diajak untuak mangaluakan nan mudo-mudo, dek nan tuo ko "sakik hati" ka inyo, bahkan dek potensi ambo dalam manulih, ambo disuruah-suruah untuak mambuek artikel nan manganai satantangan nan mudo ko(alhamdulillah lai indak bapituruikan doh, dek ambo tau, iko alah salah manuruik ugamo). Tapi sayangnyo urang nan mudo-mudo tu pai surang, sadiah, kecewa ambo, dek ambo tau bana sia mereka-mereka tu, saroman uni Evi, Cysca dllnyo, lamak maota jo mereka, memang banyak candanyo, tapi lamak taraso diambo, kini cando-cando saroman tu alah bakurang lai, beko bacanda jo diumum ko, disangko indak bataratik lai, haniang sajo jadinyo, seram, menakutkan dan tegang suasana, ambo nan urang suko bacanda, tantu nan indak manyakikkan hati, dan indak sampai canda tu mambuek lupo ka Allah Ta'ala, tapakso ditahan-tahan se lai, jadi urang keras, tegang, serius, indak ado santainyo lai, dek takuik beko disalahkan lai, padahal rasonyo, indak ambo sajo, mungkin banyak nan lain, masuak RN ko, salain untuak basilaturrahmi, juo palapeh kerinduan akan kampuang, sarato banyak maambil informasi lainnyo, tantu ingin rileks, dek alah banyak karajo nan dikarajokan satiok saat, ingin malapeh pikiran, sanang, gembira dan tanang, kaarah nan positif.Iko nan didapekkan balaian. Ado nan aneh dengan curhat seseorang, padahal inyo sasamo juo saliang curhat, awak jadi panonton sajo. Nan mudo alah acok maminta maaf, baiak sacaro jalur umum, ataupun jalur langsuang(pribadi), indak ditanggapi doh jo nan tuo, bahkan seakan-akan kesalahan tu dibaleh jo darah keceknyo. nan ambo herankan, takadang nan mudo maminta maaf, bukan kasalahan ateh isi postingannyo, karano inyo yakin bana akan kebenaran isinyo, tapi mungkin caro panyampaian nan agak kareh, makanyo, inyo maminta maaf, sabagai nan mudo, tau nyo aturan, dan adab, nan mudo maminta maaf ka nan tuo, walaupun indak basalah bagai doh, tatapnyo maminta maaf, tapi indak ditanggapi doh. Iko ajaran nan mambinguangkan ambo, ambo diajarkan nan tuo-tuo, untuak mamiliki sifaik pendendam, suko kalau indak sanang bakaluakan dan maajak urang lain dalam mangaluakan urang itu, bukan intropeksi juo, tapi bakareh, bukankah iko namanyo mandidiak nan mudo kareh jadinyo. Ambo binguang, manga koq baraja ugamo harus di surau, manga koq awak indak suko ada baraja bahaso Arab, bahaso AlQuran, pedoman hiduik awak saumua hiduik samaso didunia, baajakan ka rang mudo jo kato-kato : " Baraja bahaso Arab, indak diambo doh, dek umua alah tuo...etc..". Kalau awak indak sanang jo bahaso Arab, jo postingan ugamo, jo curhat sia sajo, haniang sajolah. Awak surangkan indak talapeh jo banyak kesalahan, kekurangan dan kekhilafan juo? Koq dipasampik hiduik nan alah sampik ko, koq dipasulit hiduik nan alah sulik ko, iyo, kalau basampik se sadonyo, salah se sadonyo, ambo takuik sikap nan ambo ambiak samo jo rang mudo-mudo nan alah pai sajo mereka tu. Dek binguang jo kondisi nan tuo-tuo ko.Ambo jadi taringek jo urang tuo ambo, indak pernah beliau ko mampasulik kehidupan anak-anaknyo. Pemikiran anak-anak nyo bebas dan terarah, sasuai jo aturan Allah Ta'ala. Wassalamu'alaikum. Rahima --- Ojie Said <[EMAIL PROTECTED]> wrote: > Assalamua'laikum WW, > > > Iko mungkin sifaik urang awak, indak mudo indak tuo > salalu "kusuik" jo masalah nan indak paralu. Nan tuo > mungkin maraso alah banyak pangalaman, saolah olah > maraso indak di hormati, dan paralu juo di ingek, > baraja indak paralu tanggantuang umua, tampek > wakatu, > dll. > > Nan mudo, mungkin talalu basumangek jadi "mungkin" > lupo caro untuak panyampaian kan nan tuo tuo. > Kabanyakan urang nan tuo tuo tuh sangek sensitif > ( __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
