Tarimo kasih Ustaz St.Sinaro,
Kalau kito caliak halaman 70 Kamus Arab-Indonesia M. Yunus tu, ba lamalif
hamzah, tantu dapek lo tabaco bukan sajo balaa' atau bacoan awaknyo
"balak". Di halaman 72 tu ambo caliak "balwa" jo "balaya", nan diaratikan
bala, cobaan, kecelakaan. Mungkinkah "balak anam" nan di awak ko dapek
diaratikan "cilako duobaleh?" Ado ungkapan, lah kanai balak anam.
Salah satu arati kato "balak" ko dalam Caro Awak adolah sabangso panyakik,
nan dalam Bahaso Malayu aratinyo "sopak" , panyakik kulik nan mayababkan
balang-balang putih. Dikecekkan urang, lah kanai balak tu mah.
Di Piaman (tolong verifikasi Jomanih nan duduak sadang manyimak di suduik)
"balak" ko salah satu aratinyo "bosan", "lah balak den dek-ee" (mungkin
samo jo "palak" atau "bacan" caro awak di daghek).
Dalam Bahaso Malayu ado lo kato "balak" , batang kayu nan lah dipotong,
log, timber. Misanyo kini banyak pembalakan sewenang-wenang,
maliang-maliang gadang multimilioner manabang/mancilok kayu hutan seenaknyo.
Dalam Bahaso Malayu salah satu arati bala adolah pasukan, troop, saroman
dalam bala tentera.
Kalau ambo caliak pulo akar kato "ba lamalif hamzah" ko tampaknyo banyak lo
aratinyo, trial, tribulation, visitation, affliction, distress,
missfortune; scourge, plague; creditable performance, bravery, gallantry,
heroic action.Adolo istilah balak hasan, (ba lamalif hamzah ha sin nun),
favor, blessing, grace (of God); good performance. The Hans Wehr
Disctionary of Modern WrittenArabic, 4th Edition, 1994, p. 91.
Tarimo kasih banyak mancarikan aka atau urek katonyo.
Salam,
--MakNgah
From: Sutan Sinaro <[EMAIL PROTECTED]>
Date: Tue May 30, 2006 8:26 am
Subject: Re: [EMAIL PROTECTED] Bala Allah (2) [EMAIL PROTECTED]
Assalamu'alaikum.w.w.
mak Ngah,... ha ha ha ha, pertanyaan nan menggigitss ...ha ha ha ha
Ba iko mak Ngah,
Dalam kamus bahasa Arab Prof. Dr. H. Mahmud Yunus halaman 70
ado kato baa lam-alif hamzah ... "balaa-un" aratinyo "cobaan, malapetaka"
di halaman 72 ado kato ... baa lam-alif , yaa baa lam wau, baa lam wau
alif,
baa lam-alif hamzah.... "balaa- yabluu-balwan-balaa-an".
aratinyo mencobai, menguji.
Dalam ayat "wa lanabluwan nakum min syai-.....dst..
"wa" aratinyo dan, "la" aratinyo sungguh, "nabluwan" aratinyo kami (akan)
menguji ...
"Dan sungguh Kami akan menguji kamu dengan sedikit ........ dst"
Baitu mak Ngah...
... kalau "balak" ko bahaso Minang tulen ko mah, sabab di tampek lain
ndak ado
kato balak ko doh kecuali pemain italy "Maikel balakk".
Kecek urang nan pamain batu, balak ko aratinyo batu nan duo-duonyo
kida suok
samo, anam samo anam, limo samo limo, ampek samo ampek... dst.
Takapik balak anam aratinyo... urang ko "bakujuik" dek banyak bana matonyo
di-etong dek karano dietong kaduo-duonyo jadi duo baleh... ndak baitu mak Ngah
?... antah iyo antah indak ndak jaleh dek ambo doh... he he he he...
Wassalam
St. Sinaro
Sjamsir Sjarif <[EMAIL PROTECTED]> wrote:
Ustaz St.Sinaro,
Aa asa atau urek kato "bala" huruf Arabnyo, aa aratinyo nan sabananyo?
Adokoh hubuangannyo jo balak, saroman balak anam main domino?
Aa sabananyo arati kanai balak anam dalam main balak domino tu?
Salam,
--MakNgah
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.7.4/351 - Release Date: 5/29/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
