Assalaamu'alaikum wa rahmatullaahi wa barakaatuhu
Ambo kanai sakik malaria di bulan puaso taun 1964, katiko baumua 13 tahun. Malaria tropica. Indak sadar salamo salapan hari, tapi kecek urang gaek ambo nan marawaik ambo jo sangat hati-hati katiko itu, mancaracau taruih. Paneh tinggi. Macam-macam nan ambo sabuik, kecek ibu ambo. Ado diantarono nan ibaraik maagiah tando saolah-olah ambo alah ka mati. Mangecek-an alah ka pulang ka mudiak (pandam pakuburan kami talatak sabalah ka mudiak dari rumah rang gaek ambo). Sainggo ado kawan-kawan ambo mangecek-an, lah ka mati no gakno du, atau kalaupun panjang umuano si Daf tu mungkin ka gilo no nampakno. Tapi dek tolong Allah Ta'ala, tumah lai iduik juo ambo sampai kini, alah ampia baumua 55 taun. Manuruik rang gaek ambo pulo, baliau manjago bana jo mangompres indak baranti-ranti satiok kali paneh ambo naiak tinggi. Ubek nan di makan sabangso pil kina, kalau indak salah kloroquin namono. Sasudah kiro-kiro sapuluah hari baransua-ansua cegak baliak. Dirawaik di rumah sajo. Ado kawan ambo sakik malariko pulo sabalun itu, babao ka rumah sakik Bukiktinggi, dek alah takadia Allah, mandaulu. Alhamdulillah sampai kini lai indak baliak-baliak panyakik tu do. Taun 75 ambo pai bakarajo ka Irian, ka tangah hutan tu bana. Ambo makan ubek anti malaria sasuai jo patunjuak dotor katiko untuak bajago-jago. Taun 2001, ambo kanai DB. Masuak rumah sakik Medistra di Jakarta salapan hari pulo. Turun trombosit sampai tingga 7000 (pareso darah 3x saari). Kecek angku dotor kalau turun juo dibawah 7000 ko tapaso ditrasfusi darah. Alhamdulillah, sudah angko tarandah 7000 tu lai naiak no capek baliak. Balain jo katiko malaria nan ambo indak sadar cukuik lamo, katiko DB kasadaran lai indak ilang do. Itulah sakadar pangalaman hiduik. Wassalamu'alaikum, Lembang Alam On Fri, 2 Jun 2006 13:16:03 +0700 "Rasyid, Taufiq (taufiqr)" <[EMAIL PROTECTED]> wrote: > > Nieh ko sampai kini masih jadi sarang malaria, samo jo >Irian. Tapi > malaria Irian labiah babahayo karano nan kanai malaria >tropika ka bisa > gilo. Urang awak nan sibuk mancari kayu gaharu di rimbo >Irian banyak > nan kanai malaria iko. Di daerah Riau sendiri >Tembilahan salah satu > tampek nan manjadi sarang malaria, bahkan baru-baru ko >daerah Sei. > Sembilang dipinggiran Dumai diampai malaria pulo. > ======================================================================================== Segera aktifkan FlexiTONE Anda. Ketik RING<spasi>ON<spasi>KODE LAGU, kirim SMS ke 1212. Tarif Rp. 8.000,-/bulan(+PPN) Informasi lebih lanjut, hubungi 147, klik www.telkomflexi.com ======================================================================================== -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
