Assalamu'alaykum w.w. Dari dahulu maso saisuak, sampai sakarang iko kini, masih tapakai adat lamo puasko usang, iyo satantangan kok maimbau urang pado hari sapatang pulang, yaitu pado wakatu ka maantakan marapulai ka rumah anak daro Babarapo hari sabalun marapulai ka dianta ka rumah anak daro (biasono sasudah sumbayang isya) mako baimbaulah urang nan ka pai malapeh jo maanta Kalau disabukkan malapeh, mako nan diimbau tu hanyo sampai dirumah marapulai tu sajo, tapi kalau disabukkan malapeh jo maanta, mako nan diimbau tu sasudah malapeh dirumah marapulai sato pulo mantakan ka rumah anak daro ado nan paralu dikanakan disiko yaitu pakaro maimbau cako tu, sasudah diimbau babarapo hari sabalunno, mako paralu pulo maulak baliak kiro-2 sahari sabalun hari malapeh jo maanta tu, dan itu di namokan MAULAK. Biaso tasabuk dikampuang ambo, "alah baulak urang na ka pai tu ??" kalau alun, biasono iyo bagageh pai MAULAK, kalau indak diulak, agak tabarek di urang tu ka pai Salorong nan bak kian, supayo nak samo taisi adat, limbago samo dituang, mako datanglah ambo kini manjalang Niniak Mamak, Alim Ulama, Cadia Pandai, Bundo Kanduang, sarato nan Mudo, iyo nak maulak imbauan nan tadahulu, maulak mintak mahadiri Acara Bagurau Samalam Suntuak, pado Tgl 24 Juni 2006, di Halaman / Lapangan RRI Bogor, Jalan Pangrango No. 34, Bogor, nan dimuloi pukua 7 malam sampai salasai (subuah tanggal 25 Juni) Nan acara iyo indak barubah doh, lai Saluang, Rabab, Randai, Talempong, Gamaik, POP Minang dengan artis nan alah masuak rekaman Pita. Sakitu dari ambo, maaf bilo ado nan indak pado tampaikno Wassalamu'alaykum w.w. Bandaro Labiah
Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
