Assalamu'alaikum wr. wb.
Sagalo dunsanak di delapan panjuru angin nan ambo hormati, Alhamdulillah ambo
alah baliak ka kandang singo setelah saminggu di tanah aia. Ado saketek oleh2
nan ingin ambo bagi ka dunsanak sekalian sebagai motivasi bahwa kemiskinan
indak selalu mambao kesengsaraan. Ambo berharap bagi dunsanak yang berprofesi
sebagai wartawan baik media cetak maupun elektronik bisa mangangkek kisah ko
untuak mamotivasi dunsanak awak untuak bisa mengangkek diri mereka dari lembah
kemiskinan. Kalau dunsanak ingin mengetahui contact detail dari subyek nan ka
ambo carito-an ko bisa hubungi ambo sacaro japri.
Menjadi miskin bukanlah keadaan nan diinginkan satiok urang ditambah lagi
dengan indak ado pendidikan formal dan bahkan ditingga mati oleh suami jadi bak
kecek urang alah jatuah diimpik janjang dan digigik baruak lo lai.
Etek N adolah seorang jando nan miskin dan indak berpendidikan, beliau
dikarunia Allah 5 urang putra putri. Baliau cuman sikola sampai kalaih 2 SR dan
almarhum suami baliau indak pernah sikola tapi cuman pernah ikuik kursus PBH
(pemberantasan buto huruf), samaso iduik suami baliau bakarajo sebagai tukang
angkek di kota B dan ukato baliau baumua sekitar 40 tahun baliau ditingga mati
oleh suami baliau sedangkan warisan nan ditinggakan hanyo pitih Rp 2000 dan
sebuah garobak, sedangkan anak2 mereka masih ketek2 nan gadang baru tamaik D3
IKIP Padang (sekarang UNP) dan masih alun karajo sadangkan nan ketek baru
kalaih satu SD. Anak baliau indak punyo mamak karano baliau hanyo punyo surang
dunsanak saibu padusi sadangkan suami baliau adolah surang tungga babeleang.
Allah maha kayo dan maha kuasa, alhamdulillah dengan paluah dan aia mato baliau
bisa manggadangkan anak baliau surang diri dan bisa menghantar anak2 balaiu
manjadi sarjana (3 urang tamaik UNAND dan 2 urang tamaik
IKIP. Walaupu anak2 baliau kini bukan urang kayo tapi alhamdulillah mereka
kini bisa iduik saroman urang lain dan minggu kemari baliau alah bisa
menikahkan anak baliau nan paliang bungsu.
Mungkin kisah ko bisa diangkek ka layar sinetron untuak mamotivasi bhw
kamiskinan dan kebodohan bukan hal yang perlu ditangisi tapi disikapi dengan
positif. Ambo yakin semua ko terjadi karano kuasa Allah yang mendengar do'a2
baliau nan indak terucapkan dan insya Allah baliau manggadangkan anak2 baliau
dengan rezeki nan halal.
wassalam
Junaidi (39), kandang singo
---------------------------------
Want to be your own boss? Learn how on Yahoo! Small Business.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
