Assalamu alaikum ww. Kapado saluruh anggota Palanta nan ambo hormati.
Rila jo maoh ambi pinto kapado Angku, Mamak, Uda Uni jo Dunsanak
kasapalantako.
Kapado anggota baru, Salam Kenal, Namo panggilan ambo Kani, Barasa dari
Bayua Maninjau, Manatap di KL Karajo Manyupir kok paja baru satangah lusin.
Ambo dulu lah jadi anggota tapi lah bataun indak aktif, kini mancogok
baliak jo wajah baru, mungkin anggota lamo masih ado nan kenal, dek dari KL
biasonyo anggota ambo baduo jo Ajo Arshad sajonyo.
Di KL carito rang awakko biasonyo carito dilapau lapau rang
awak,almaklumlah mamak,kato urang dima bumi dipijak sinan langik
dijujuang,agaknyo samo juo jo urang awak nan marantau ditampek lain,bahasa
tabao juo bahaso KL saketek2 tapi baminangkan, contohnyo: teruk=(parah) batuka
jo taruak ayatnyo: ondee.... taruak bana jem pagiko aratinyo: jalan sabana
macet pagiko.
Kok nak mancari lapau nasi rang awak di KL dari Warung sampai ka nan ba
AC ado, tapi bak kato tadi, Kok di Nagari Awak biasonyo tibo dilapau awak
duduak palayan tibo apo kandak diagiah tau, mintak Ramas atau baidang, aia
masak tibo sakali. antah kok bakandak aia karuah barulah disabuikan. aia
karuahtu macam kopi atau lain2 tapi kok masuak ka lapau rang awak di KL haa...
bak carito ambo tadi.... walaupun awak mangecek jo caro awak tapi caro makan
dilapau rang awak di KL babeda, jan takajuiklo dek baitu kabiasoannyo di KL.
Tibo awak di lapau, duduak awak, tibo palayan mulo2nyo tanyo apo minum?
Kok dimintak teh dianta urang teh susu angek, tapi kok nak teh manih mintak
teh o, teh nan indak bagulo teh padang namonyo, es disabuik ais. teh manih es =
disabuik teh o ais, baitu juo kopi, tapi kok nak kopi nan datang dari nagari
awak disabuik kopi kampuang, dianta urang kopi manih caro awak.
Lah salasai awak ma order (pesan) aia barulahnyo tanyo, makan? Sakironyo
awak nak nasi ramas,katokan campua=ramas, ramas dlm bahaso K:L rameh aratinyo,
kok mamak mintak nasi ramas, jan bangih kok diramehnyo nasi mamak lapehtu awak
harus tagak ka tampek jamba,nyo sanduak nasi nyo agiahkan ka awak,pacik piriang
nan lah banasi piliahlah apo samba nan katuju tenggekan kaateh nasi, tapi kok
nak mancubo mamuruakan kadalam nasipun buliahjuo indak kadicaliaknyodoh, lah
sudah jamba diambiak barulah awak bao kameja nan lah talatak aia tadi, jan lupu
kana meja nanma awak punyo beko taduduak dimeja urang pulo, kok tanononglo aia
urang kan bedo jadinyo.
Kalau nak baidang pun piliah samba nan katuju sabuaikan bara karek, inyo
akan anta samba nan dimintak sajo.
Kok nak batambuah atau minta tambah samba buliah mintak kudian. tapi kok
nak mintak perai.. haaa....... pandai pandailah sanak.
Kok nak batanyo dima kadai rang awak tanyokan dimana ada NASI PADANG .
Biasonyo kadai rang awak nan langkok, salain samba2 biaso, ado baluik,
karupuak jangek, es pokat, soto,lotek, mie macam2. Tapi kok taragak nak main
damino sambia mairuik kopi kampuang, haa.. indak kasado kadai ado, hanyo kadai2
khusus sajo... biasonyo indak buliah baampok main pitih, antah kok main rokok
jo baia minum.
Tapi ado jalan nan paliang sanang, kok sanak manjajakan kaki ka KL,
hubungi sajo ambo, bia ambo bao kalapau nan lamak nan rancak dan nan maha,
asalkan sanak namuah mambaia.. he. he. he.
Kok taragak nak ba es em es jo ambo 0166101049 kalau dari lua Malaysia
006166101049 mungkin.
Ondeh sanak.. lah padiahlo mato lah malok lantera, sakitu dulu ciloteh
ambo,maoh juo nan ambo pinto lain kali disambuang pulo.
Wassalam,
Kani47
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
