Assalaamu'alaikum wa rahmatullaahi wa barakaatuh Ambo sato samo basuka cita dek karik awak, mak Lembang Alam alah jadi inyiak kini. Bak kecek urang sayang ka cucu iyo labiah dalam daripado sayang kaanak. Nampakno iyo mantun pulo nan tajadi kan mak Lembang Alam kiniko. Apo lai dapek cucu duo sakalian, jadi babarihan lalok no tu yo. Eh, lai lo babuekan buaian untuak cucu nantun. Takana diambo dikampuang dulu anak dibuaian ditangah rumah nan batali tagantuang di paran atau rasuak.
Satantangan panggilan inyiakko, iyo mambuek awak taraso suasana didalam keluarga Ampek Angkek Canduang (Minang) bana rasono. Dikampuang ambo nan inyiakko dipakai untuak laki-laki dan padusi. Nan spesifik adolah Antan untuk inyiak laki-laki dan Nenek (enek) untuak inyiak nan padusi. Anak mbo mamanggia antan dan nenek ka: Apak jo Biai ambo, mamak2 ambo, biai rang rumah ambo dan mamak2 rang rumah. Dek banyak mangko panggilan nantun ditambah jo namo ybs. Ado nenek amak, nenek biai, nenek etek, antan Ono, Antan Awi, antan uncu dll. Kalau diambo dulu, iyo ampia saroman jo mak Lembang, indak pernah marasokan mampunyoi antan jo nenek kanduang baiak dari biai ataupun apak. Nenek dari pihak biai dipanggia dek Allah swt sawaktu ambo ketek, jadi alun takana wajah baliau dek ambo doh. Nan ado iyo dunsanak nenek, nan kami imbauan inyiak adang, inyiak angah jo inyiak etek. Nan inyiak etekko nan lamo lai samo iduik, nan sering manyalekan pitih sarimih kasaku saat pai sikola SMP nan bajalan malewati rumah baliau. Wa'alaikumussalam wa rahmatullaahi wa barakaatuh DM St. Parapatiah -----Original Message----- From: Hayatun Nismah Rumzy [mailto:[EMAIL PROTECTED] Sent: Tuesday, June 27, 2006 10:18 PM Assalamu Alaikum W. W. Alhamdulillah kami ayah jo bundo mangucapkan Salamaik untuk Inyiak dan Anduang dari Buyuang Kamba tu (Kalau dikampuang bundo Buyuang Kombe). Samo taraso ba sayang jo cucu. Bundo nio pulo babagi raso bahagia yaitu cucu kami nan partamo Muhammad Andita Raffi ditarimo di ITB Sikola Lembang Alam Saisuak di Sekolah Tinggi Elektro dan Informatika. Alhamdulillah dan Insya Allah bisuak ayah jo bundo ka pai menunaikan ibadah umrah. Doa dari ananda atas keselamatan kami diharapkan. Wassalam Ayah Rumzy dan Bundo Nismah -----Original Message----- From: Muhammad Dafiq Saib [mailto:[EMAIL PROTECTED] Sent: 27 Juni 2006 20:53 Assalaamu'alaikum wa rahmatullaahi wa barakaatuhu ==========kuduang================== Salamoko, umumno 'cucu-cucu' ambo ajaan maimbau ambo inyiak. Baiak cucu dari kakak sapupu, dari kakak badunsanak apak, atau dari adiak kanduang sakalipun. Panggilan 'inyiak' tu bana, indak 'kakek' indak 'pak gaek' apo lai 'opa' doh. Alhamdulillah lai bih amuah lo anak-anak tu di aja sarupo itu (baa lo kaindak, tiangno di awakno). Sanang bana ati ambo di pa inyiak dek 'cucu-cucu' tu. Ambo ajaan supayo prononsiasinopun harus 'inyiak' bukan 'inyik', sabab awak iyo alah jadi inyiak urang. =============kuduang================ Tiok ari kini bagageh ambo pulang dari kantua, untuak sugiro mamangku-mangku cucu, dipagantian. Sambia mangaji-ngaji. Sabana sadang tacurah kasiah ka cucu. Gadang raso syukur kapado Allah Ta'ala. Ambo alah sabana jadi inyiak kini. Alhamdulillah. Wassalamu'alaikum, Lembang Alam -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
