Sudah tu, kalau lah banyak anak-anak nan datang jo urang gaekno mancaliak
nagari awak, urang awak misti lo mampagiat karanjinan tangan mainan
anak-anak. Garabak-garabak Limau, Kudo-kudo talutuak pisang, kulipak pisang
masiak atau upiah pinang masiak untuak basiluncua (misano di lereng Tri
Arga dakek Novotel tu), alang-alang maco, alang-alang paruah, sakali-sakali
diadokan lo batandiang alang-alang, bola-bola rotan, dakak-dakak (nan
sederhanano duo putong buluah ketek 15 cm panjang, 3m leba, taba 5cm,
sapasang disalekan ka jari didakak-dakakan), pupuik batang padi baguluang
jo daun karambia (atau di kami di Ampek Angkek namono pupuik Solok
dibunyian di dangaupadi wakatu maunyian padi di sawah), pupuik Salo (dari
tanah liek bantuak buruang ketek diambuih-ambuih ikuano babunyi
bakulik-kulik, padang atau tokok kapalo ula, ado lo nan manyabuik patok
lele, kajai untuak main penda, atau maadu-adu kajai main tunjuak dapek
dilakukanno di hotel, badia-badia rantiang buluah jo umbang parawah atau
karateh basah ka piluruno. Ah macam-macam lah nan bisa di kreasikan ko
dikana pamainan maso ketek.
Atau diadokan pulo ekpedisi turih pai mahoyak-hoyak baluik ka sawah-sawah
balunau. Kini nan lakukan anak-anak mudo turih lokal pai mamanciang ka
kampuang-kampuang, tampak diambo pai bahonda-honda bagainyo ka tabek bada
urang, pacu panciang pakai hadiah bagai. Kok diadokan atau diaja turih ko
maonja-onja baluik di lunau jauah dari karamian kota, pasti sanang mareka
tu. Toh mareka ka Bukittinggi tu lah biaso juo pakai sarawa punco gai kan?
Anak-anak sanang bana tu main lunau mangancah luluak di sawah tu. Kok indak
ka dapek baluik, kaki jo sarawa punco lah dapek bakubang. Barangkali rancak
lo dibawo mancaliak anak-anak gubalo mamandian kabau gai. Mungkin namuah lo
turih-turih tu manyimbua-nyimbua kabau di baang aia tu sambia mancaliak
ramo-ramo nan rancak bawarno-warni tabang-tabang di baramban.
Sudah tu dipopuler kan pulo turih-ruih tu makan baluik masiak bagoreng,
sahinggo turih-turihko bisa lo mambali baluik masiak untuak digorengnyo di
rumah swakatu pulang. Nah sudah tu parusahaan giliangan lado parlu lu di
pabanyak. Sakali-sakali ditunjuakkan pulo baa mangoreng karupuak jangek,
karano banyak nan mambali karupuak jangek balatuaa, tapi indak tahu baaa
caro manggorengnyo. Untuak itu ide untuak mambukak sikola kulineri (sikola
masak) rancak pulo dikambangkan. Sahinggo turih turih tu katu lah baliak
dari Bukittinggi, kok indak ka pandai mambuek kalio atau pangek bada, jo
gulai paku, saindak-indak no pandai lo manggoreng talua kocok jo bawang
atau "talua sala lopoh" pakai bawang (talua mato sapi kecek rang kini,talua
matoari tabaliak kecek Rang Rantau MakNgah, sunny side up), makan jo nasi
goreng.
Ah kalau urang pasa lah rami, macam-macam galeh nan ka diadoki du yo ndak?
Nan paralu elok-elok, jan pancacak batambah banyak pulo, beko tambah
takuik urang datang ka nagari awak. Pasa teleng jan jadi daerah operasi
pancacak juo. Jadi pamikiran tangan urang awak nan capek tu diarahkan untuk
labiah kreatif dan banilai budaya posiitif. Jadi salain mampopulerkan
turihme ko urang awak misti lo mangkampanyekan budaya kreatif "anti cacak"
supayo jan tasabuik juo di nagari awak banyak urang pancilok jo pancacak.
Iko adolah martabat pandidikan basamo untuak kaamanan kito basamo bukan
untuak turih sajo.
Salam,
--MakNgah
Summarize Messages Sort by Date
#47837 From: Yulnofrins Napilus <[EMAIL PROTECTED]>
Date: Wed Jun 28, 2006 3:52 pm
Subject: [EMAIL PROTECTED] Promosi Wisata Sumbar - Mjlh BOBO [EMAIL PROTECTED]
Kalau masih punyo anak atau cucu nan balangganan majalah Bobo, silahkan sigi
Edisi Nomor 12 terbitan hari Rabu minggu iko dan buka halaman tangah (2 hlmn
full) rubrik Potret Negeriku. Disitu ET Hadi Saputra menulis dg judul : "Surat
dari Bukittinggi". Kreatif dan sangat menarik. Intinya mengajak anak2 utk
mengenal keindahan alam dan berwisata ke Sumbar. Dilengkapi dg 8 buah foto
dari
bbrp fotografer anggota www.west-sumatra.com.
Mudah2an anak2 yg mambaconyo akan minta diajak dek urang gaeknyo
ber-wisata ke
Sumbar. Siapa tahu ide dan strategi ETH Saputra ini utk berpromosi melalui
anak2
juga cukup manjur meningkatkan kunjungan jumlah wisatawan ke Sumbar. FYI,
oplag
majalah Bobo saat ini adalah 400.000 eksemplar per minggu. Thanks.
Salam,
Nofrins/45
www.west-sumatra.com
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.9.5/377 - Release Date: 6/27/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
